今日最後一日返工. 雖然後來換咗個唔夾的上司, 令我愈來愈討厭返工, 但係我覺得十分幸運, 喺身邊的同事好好, 連我咁內向的人都可以交到朋友. 今日我冇買散水餅, 反而有同事送咗一堆「逆向散水餅」俾我同老婆食 sosad. 我之前完全冇做admin的經驗, 咁都搵到呢份工, 真係十分感恩.
呢份工其中一個福利, 係可以免費睇醫生同埋攞藥, 而我係開始喺呢度處理高血壓的問題, 可以定期落樓下就可以見醫生, 成座山咁大堆藥帶走可以免費, 驗過晒所有嘢都顯示肝腎都冇事. 但係如果冇呢個咁方便的緣份, 我覺得以我性格, 係會拖嚟拖去, 唔知到幾時先肯去開始見醫生, 咁就有可能會太遲.
喺正式開始寫呢篇講章之前, 我有上過youtube睇下其他人點講呢段經文, 我見李思敬就話, 呢篇詩篇個詩人喺度求拯救, 唔係講詩人讖悔講求赦免, 但係溫偉耀就相反, 話呢篇嘢唔係講求拯救, 唔係講D乜嘢喺黑夜中o既盼望, 而係講痛悔認罪. 今日我地就一齊睇下呢段經文係點講, 不過又冇乜心理壓力o既, 因為錯咗都梗會有人陪葬, 你話我解錯咗, 咁阿邊個博士都係咁錯啦.
1 耶和華啊，我從深處向你求告。
2 主啊，求你聽我的聲音！願你側耳聽我懇求的聲音！
呢首詩篇o既主角, 喺度向神求告. 我見過有人將"深處"了解為罪的深淵或者罪的泥沼之類, 有呢個可能性, 不過字眼上並冇明確咁表達, 呢個人係求神赦免. 不過呢個係頭兩節o既內容, 跟住又點呢?
3 主耶和華啊，你若究察罪孽，誰能站得住呢？
4 但在你有赦免之恩，要叫人敬畏你。
其中一個可以理解呢兩節經文的角度, 可以當佢為求告的內容. "神若究察罪孽, 誰能站得住呢", 言下之意就係求主唔好究察佢o既罪, 咁咪即係求主赦免囉. 呢個係有可能的, 不過要留意, 喺字眼上, 依然見唔到詩篇個主角有向神求赦免喎. 現實中有人係會咁講嘢的, 永遠唔會明確咁講佢想要乜嘢, 要其他人心領神會先高興. 例如我老婆叫我幫佢攞嘢, 佢唔會就咁叫我攞乜乜乜, 而係話: "如果有人幫我攞個眼鏡過嚟就好la". 又例如, 有人同未來外母飲茶, 個大奶奶無啦啦講, 人若冇自己物業, 誰能在香港站得住呢; 佢冇明講, 但係你就知道人地係開口要求你娶人個女前買定樓先. 但係, 呢度唔似個詩人用語言藝術包裝, 試下唔開口求神赦免, 神get唔get到我意思先. Bottom line: 我睇唔到呢兩節經文有明確表示求神赦免.
但係唔係求神赦免o既話, 咁做乜無啦啦又提及罪孽、赦免呢D字眼? 咁又唔係無啦啦喎, 但首先我地要了解多D罪喺聖經, 尤其是舊約聖經o既描寫. 罪對我地嚟講係一個抽象、abstract o既概念, 對古代人嚟講都係abstract, 所以好多時佢地係會透過metaphors去談論、描寫、理解罪呢個概念. 以下我係依賴Gary Anderson一本書, Sin: A History的內容嚟作為參考資訊. 根據Gary Anderson研究, 舊約聖經比較早期的部份, 好多時係將罪形容為重擔, 又或者污垢; 但去到比較後期的部份, 例如以賽亞書一些部份、但以理書、新約聖經, 就好多時係將罪形容為債務.
舉一些早期的例子幫助說明: 例如, 贖罪祭的代罪羔羊. 根據利未記 16, 要準備兩隻畜生, 一隻殺俾耶和華, 呢part我地可以理解吖, 因為有D聖經金句都話不流血就罪不能赦免吖嘛, 但好多現代信徒都冇留意, 另一隻唔係攞嚟殺個喎: //20 亞倫為聖所和會幕並壇獻完了贖罪祭，就要把那隻活著的公山羊奉上。 21 兩手按在羊頭上，承認以色列人諸般的罪孽過犯，就是他們一切的罪愆，把這罪都歸在羊的頭上，藉著所派之人的手，送到曠野去。 22 要把這羊放在曠野，這羊要擔當他們一切的罪孽，帶到無人之地。// 嗰隻羊的作用, 係背起將以色列人的罪, 將呢個重擔帶去一個遙遠的地方.
另一個例子, 以賽亞書 1: //我養育兒女，將他們養大，他們竟悖逆我。 3 牛認識主人，驢認識主人的槽，以色列卻不認識，我的民卻不留意。犯罪的國民，擔著罪孽的百姓，行惡的種類，敗壞的兒女！// 呢段經文講到以色列人衰過牛同驢, 因為動物都識得認主人, 同埋牛同驢就背負重擔工作, 而以色列人背負的係罪孽.
至於一D比較後期的例子, 就開始出現用債務嚟談論罪的情況, 例如馬太福音 6: //免我們的債，如同我們免了人的債。//
又例如馬太福音 18: //21 那時，彼得進前來，對耶穌說：「主啊，我弟兄得罪我，我當饒恕他幾次呢？到七次可以嗎？」 22 耶穌說：「我對你說，不是到七次，乃是到七十個七次。 23 天國好像一個王要和他僕人算帳。 24 才算的時候，有人帶了一個欠一千萬銀子的來。 25 因為他沒有什麼償還之物，主人吩咐把他和他妻子兒女並一切所有的都賣了償還。 26 那僕人就俯伏拜他，說：『主啊，寬容我！將來我都要還清。』 27 那僕人的主人就動了慈心，把他釋放了，並且免了他的債。28 「那僕人出來，遇見他的一個同伴欠他十兩銀子，便揪著他，掐住他的喉嚨，說：『你把所欠的還我！』 29 他的同伴就俯伏央求他，說：『寬容我吧！將來我必還清。』 30 他不肯，竟去把他下在監裡，等他還了所欠的債。 31 眾同伴看見他所做的事，就甚憂愁，去把這事都告訴了主人。 32 於是主人叫了他來，對他說：『你這惡奴才！你央求我，我就把你所欠的都免了。 33 你不應當憐恤你的同伴，像我憐恤你嗎？』 34 主人就大怒，把他交給掌刑的，等他還清了所欠的債。 35 你們各人若不從心裡饒恕你的弟兄，我天父也要這樣待你們了。」//
對古代的以色列人嚟講, 罪唔止係一個feeling, 罪疚感, 而係比我地想像中更實在. 罪係可以製造some-thing出來: 例如一個重擔, 一筆債務, 又或者一個污漬; 要解決罪, 就需要挪走嗰個重擔, 支付嗰筆債務, 清洗嗰個污漬. 罪所製造出來嗰舊嘢, 係唔會放埋一邊夠耐, 就自動消失, 而係需要相應處理. 而罪亦係神可以見到o既嘢, 好似肩上o既重擔, 又或者帳簿上的一筆債務咁樣, 所以距離係有分別, 一隻羊係可以將罪帶到離開以色列更遠的地方. 一些聖經金句都反映咁o既思想: // 東離西有多遠，他叫我們的過犯離我們也有多遠。// 將我們的一切罪投於深海。//
透過以上對罪的理解, 我地就可以明白, 點解呢篇詩會由向神求告, 講到去究察罪孽同赦免之恩. 求告神就等於要求神將注意力放喺你身上, 得到神的注意, 就意味住佢會聽到你的求告, 但同時亦等於佢會見到你的重擔同罪債. 所以, 諗真的話, 向神求告其實可以一個幾驚的情況, 尤其是如果你知自己係拖住一堆罪擔罪債的話.
講返呢篇詩, 個主角的態度係點樣? 佢要求神將注意力放喺佢身上, 有冇好慌張咁求神赦免?
5 我等候耶和華，我的心等候，我也仰望他的話。
6 我的心等候主，勝於守夜的等候天亮，勝於守夜的等候天亮。
7 以色列啊，你當仰望耶和華，因他有慈愛，有豐盛的救恩。
8 他必救贖以色列脫離一切的罪孽。
我就唔覺呢個似係一個痛悔認罪的禱告. 個主角只係表達, 非常期待神的到臨, 而且逾快逾好, 呢個似乎係一個能夠喺神面前於心無愧的人. 咁唔代表呢個係一個完美o既人, 不過 1) 呢篇詩都有提, 神有赦免之恩, 有慈愛, 有豐盛的救恩, 再加上 2) 呢個人已經有正式面對自己的罪, 所以佢唔怕要求神聽佢的求告, 唔需要避開神的注意.
理論上, 做一個於心無愧o既人好容易, 只要好無恥就可以. 例如有高官壞事做盡, 夠膽話自己於心無愧; 嗰個西瓜佬接受訪問時, 話自己食得瞓得又冇做虧心事. 不過, 呢首詩篇個主角唔似係咁o既情況, 佢似係一個真係於心無愧的人.
信徒當然係經常向神求告, 基督教好多詩歌、教材、講道內容, 都係圍繞住呢個topic. 但係有時有D人, 我都唔明佢點有面目向神求呢求嗰樣. 例如, 出名護教同佈道嗰個Ravi Zacharias, 佢喺死咗之後, 佢自己的事工進行咗個深入調查, 去處理一D同性罪行有關的情控, 調查報告證實佢有好多宗婚外情, 經常利用海外事工去見情婦, 其中好多係按摩師, 有部份仲指出, 認為係受過佢性騷擾/性侵; 當佢做緊呢D事的期間, 佢當然仲有去佈道, 喺Youtube可以睇到佢一D講道, 講睇AV的禍害, 我求其搵就見到一篇佢為美國求告神的禱文: //Please give us guidance and may we honor you and respond to the wisdom from above so that our hope may be renewed and our blessings be treasured. In Jesus’ holy name. Amen// 我都唔需要多加解釋當中的諷刺.
另一個例子, 除咗係個人的情況, 亦可以係一個群體的問題. Paige Patterson做過超過10年美南浸信會會長, 十幾年神學院院長, 直到2018年被神學院炒魷. 當時佢被炒的其中一個因素, 係因為被人公開踢爆, 有受到性騷擾、性侵o既神學院女學生向學校求助, 但係神學院喺佢帶領下隱瞞呢D事件, Washington Post指責佢叫一個被強姦o既學生唔好報警, 要原諒個加害者; 神學院進行過深入調查, 睇返佢D舊email, 見佢同人講, 佢同一個被性侵o既女學生見面嗰時, 話會"break her down". 神學院嗰D祈禱會呀, 畢業禮呀, 我估梗有D求神保守祝福學生o既禱告; 有時見到呢D現實中的見聞, 真係難免會諗, 其實信仰對佢地嚟講, 冇理由係真個喎, 咁樣邊有面目去求告神o架.
不過重點唔係講其他人, 邊個人, 嗰D只係幫助我作為說明啫, 重點係我地自身. 但願我地可以好似詩篇130嗰個人咁, 喺求告神o既時候, 能夠真誠真摯地期待仰望神.
我又有奇遇了. 喺Amazon度買到部PS5之後, 隔一個星期咁上下, 我就收到Log-On的email通知, 話抽中咗我, 可以用原價買部PS5 sosad. 我有一刻諗過, 不如買咗攞去放咗佢, 但又諗到我實在唔應該參與呢D我最憎的炒賣活動, 所以最後係將個名額俾咗我老婆個妹個老公去買.
其實我都有遲疑咗一陣, 因為佢其實根本就唔係會打機的人嚟, 我好相信佢只係人買佢又想要買, 九成都係買咗就放喺度, 可能俾D會真係想打機的聽眾去買更好. 但話晒係親戚, 咁就算啦, 最後都係俾咗佢.
以前細個, 最先係老豆買遊戲俾我玩, 紅白機任天堂、超任都係佢買的, 主要都係得我玩, 但我記得老豆都好沉迷玩1943, 嗰時PC Engine有隻可以雙打的賽車game, 佢都有成日同我一齊玩. 後來去咗加拿大, 好自然咁停咗一排冇買新game玩, 直至出Final Fantasy 7, 為咗玩隻game就自己買咗部Playstation, 跟住就冇停過了, Gamecube, Dreamcast, PS2, PS3, Xbox 360, PS4都有買. 所以, 買新機係我已經做過好多次的事, 但係今次買到部PS5, 個過程真係好好笑, 差唔多係奇遇level, 需要留個文字記錄.
首先, PS5長期缺貨, 香港好多人喺度炒機, 唔止 D 炒家, 而係連 D 唔買機的人都買埋一份, 當炒波鞋咁賺下外快, 連 D 有地址舖位的商店都炒埋一份. 我最憎 D 人炒嘢, 所以我一早就立志唔會俾錢呢 D 人賺, 所以除咗等香港嗰兩三個會有貨到的商店搞抽籤以原價買機之外, 我一直都喺度留意Amazon, 因為我知Amazon係會有海外送貨. 但係Amazon一樣處於長期缺貨, 我都係唯有靠Twitter通知, 一見有notification就去睇下, 但通常都係一有貨到, 就立即冇晒.
但係上個星期我買到了, 而我今次買到, 唔係因為我手快, 而係因為Amazon出錯, 害晒所有人, 偏偏就益到我 sosad. 呢件事連傳媒都有報導: https://comicbook.com/gaming/amp/news/amazon-ps5-playstation-5-restock-error/. Amazon送貨係有分區域, 北美地址當然幾時都冇問題, 但係亞洲之類的其他地區, 視乎咩貨同咩賣家, 有時係會有貨都唔送的, 咁就會買唔到. 但係嗰日, 大家都見到PS5喺Amazon係有貨, 甚至可以加入個cart度, 但係所有喺北美的人都找唔到數, 因為佢話件貨唔送北美, 咁呢個當然係glitch嚟, Amazon冇可能唔送北美, 只送北美就有可能. 結果我好輕易就買到, 因為個system唔知出咩錯, 北美唔送, 但係亞洲會送, 益晒我. 當時如果我心恨手辣, 話唔到訂多幾部都仲得 sosad
送貨好快, 幾日就已寄到去老婆公司. 撞o岩嗰日老婆晚上有些公事, 直頭唔會返屋企瞓, 所以我放工去尖沙咀pick up咗部機, 就去搭的士回家. 我一上車, 個司機就好興奮, 讚嘆我點解會買到部PS5, 雞啄唔斷咁講佢打機生涯, 話佢而家有部PS4同佢個女玩, 又呻好多女人都唔支持另一半打機, 話就係因為打機, 令到佢同佢老婆/前妻關係搞得唔好, 去到落車佢仲收少我$1, 好好笑 sosad
呢排返工比平時更多嘢做, 已經去到放工之後連玩同做其他嘢都冇精神的地步, 再加上個痴線上司令簡單嘢變無比複雜的特殊能力, 咁就更加百上加斤.
而家我非常期待去到八月尾, 因為去到八月尾就係我喺呢個office做滿六年, 到時張約到期我唔打算再續, 除非到時武漢瘟疫令到世界大亂、喪屍圍城咁款, 否則我係99.9%決定唔會再續. 其實咁樣幾好吖, 做滿張約先走, 係有頭有尾的完滿結束.
其實對於而家工作, 我係冇乜不滿, 再多嘢我都可以應付得到, 冇工作係趕得過以前做報館同廣告公司啦; 各個同事識咗咁多年, 都已經成為好朋友. 不過我唔想再為個上司做嘢, 咁我都已經頂咗幾年, 一於就喺今年暑假讓呢件事發生, 喺我心目中, 我已經留得比我預算中長好多, 都係時候move on了.
雖然我都鍾意穩定同出糧, 但係對我嚟講, 生活開心同能夠同同事相處得好更加重要, 否則我係唔介意冒下險, 直至搵到我可以接受的生活為止.
早排準備做howtinlive, 唔覺意睇到東方閃電一篇膠文, 內容好笑到爆炸, 誇張到痴線 sosad
//...手機遊戲充斥著我們的生活，同學們茶餘飯後也都在談論手機遊戲給他們帶來的樂趣，他們沉浸在手機遊戲的世界裡，玩得不亦樂乎。我是一名基督徒，知道玩手機遊戲不是正面事物，便沒有隨從，那時我常常與弟兄姊妹一起聚會讀神的話，心裡感到特別踏實。
之後，一款MOBA手機遊戲特別盛行，同學們都瘋狂地玩這款遊戲，我耳邊每天都充斥著他們談論這款遊戲所帶來的快感。聽著同學們天花亂墜地講述玩遊戲的體驗，我的好奇心也在蠢蠢欲動，心想：「雖然玩遊戲不好，但我只是業餘時間消遣一下，只要不沉迷就可以了。」於是，我也開始玩了起來。...
那段時間，我除了上學就是一整天都窩在宿舍裡打遊戲，虛擬的遊戲世界讓我忘記了現實，投入到遊戲的角色中我不餓也不睏。由於這款遊戲中的許多英雄人物都需要花錢購買，我又太想嘗試新鮮的英雄人物，就狠心花了近五百元錢去購買。後來，為了人物升級我甚至把飯錢也拿來充值遊戲了，我沒錢吃飯就四處借同學的錢。...
因著深陷手機遊戲，我沒有了正常人性的生活，心裡痛苦不堪，我很想擺脫遊戲的捆綁但又無力自拔。直到在一次聚會中，我讀到一段神的話：「人總打遊戲，總玩電腦，人的意志就沒有了，人就頹廢了，就沒有正常人性了，被遊戲裡打打殺殺還有虛擬世界那些東西灌滿了，正常人性的東西就被它剝奪了，被它充滿、侵佔了，人思想的空間被它侵佔了，這樣人就頹廢了。……魔鬼撒但做那些事就是勾引人使人墮落的。人活在那個虛擬的世界裡，對正常人性的一切生活都不感興趣，幹工作也沒心思，學習也沒心思，人就總惦記往那兒去，像有一個東西勾著似的，一到無聊的時候，或者做正事的時候，他就想用玩遊戲來代替，玩遊戲慢慢就成他生活的全部了。……這個邪惡的世界用各種方式來吸引那些對這個世界、對這個人類的邪惡潮流還看不透的人，專門勾引這些人，你不能常常來到神面前，心裡常常空白，大腦常常空白，你這個人就危險。」（摘自《信神應首先看透世界邪惡潮流》）
從神話語中我明白了，網絡遊戲是魔鬼撒但敗壞人、殘害人、吞吃人的一種手段。撒但借用遊戲裡的暴力、邪惡、凶殺等勾引我們的心，侵蝕、控制著我們的思想，使我們沉迷其中無法自拔。遊戲裡的虛擬世界能滿足我們的各種慾望，讓我們在其中可以當英雄，也可以稱王稱霸，享受各種快感，因而我們脫離了現實，對正常人該追求的、該活出的都拋到了腦後。長此以往，我們不再嚮往正義與光明，沒有了正確的人生方向與目標，也不知道人生存的意義與價值，更無心思理睬神的拯救，整天頭腦裡想的都是遊戲裡打鬥的邪惡畫面，對工作、學習不再感興趣，開始厭煩正常人性的生活，因而遠離神、背叛神，失去神的拯救。...
我這才看清沉迷網絡遊戲不僅讓我失去正常人該有的生活，更嚴重的是使我遠離神、背叛神，如果我再不回頭，只會越來越頹廢、墮落，必定會失去神的救恩，完全被撒但殘害、吞噬。
我又想到現在不知有多少青少年像我一樣深受手機遊戲這一邪惡潮流的毒害，因沉迷遊戲虛擬的世界中，有的性格由開朗活潑變得冷漠、孤僻，由乖巧聽話變得叛逆，與父母、周圍的人沒有了溝通交流，開始逃課、離家出走，荒廢了學業；更有甚者為了買遊戲裝備，採取坑矇拐騙或殺人的手段，走上了犯罪的道路；還有的因長時間玩遊戲猝死在了電腦前；等等。從發生在我身邊的這些事上，我更看到撒但就是藉著手機遊戲來控制、殘害我們無知的年輕人，企圖把朝氣蓬勃的年輕一代玩弄於它的股掌之中，最後把我們吞吃，撒但真是太陰險、太邪惡了！//
Source: https://tr.kingdomsalvation.org/experiences/overcoming-mobile-game-addiction.html
早排喺網上周圍睇, 見到有人談及一齣日本舊戲叫做The Spiral, 話係冇乜人睇過的午夜凶鈴續集, 吸引咗我注意, 因為我記得都睇過好多集午夜凶鈴續集爛片, 都印象中冇呢齣. 據稱, 當年午夜凶鈴同呢齣The Spiral上下集係同時上畫, 不過兩齣戲o既命運就各走極端.
出於好奇, 我千辛萬苦搵咗呢齣舊嘢嚟睇, 但係睇咗大約半個鐘, 我就發覺我其實係已經睇過呢齣戲, 我甚至乎記得係邊一晚睇 sosad. 我以前細個嗰時, 有次打咗個後母一巴, 總之最後發展到我係要上法庭, 而我去法院之前嗰晚, 就係去咗朋友屋企睇呢齣垃圾.
我對齣戲冇乜印象, 係因為當年覺得齣戲個style同午夜凶鈴好唔同, 冇乜恐怖氣氛, 唯一有印象的畫面係真田廣之被解剖嗰度, 個結局好無厘頭, 當年完全唔知發生緊乜事. 而家大個咗翻睇, 又加上已經睇過小說, 先知小說個故事本來就係咁上下, 好多篇幅講科學、概念、歷史, 反而係電影版的午夜凶鈴加入咗長髮女鬼喺電視爬出嚟, 反而成為咗令觀眾最記得的一幕. 咁而家翻睇齣戲, 我至少終於明白個故事結局up乜, 但係齣戲依然係唔好睇.
一般嚟講, 我無論點懶法, 都唔會推講道邀請. 但係最近收到個邀請, 我要喺詩篇120至134之間揀一篇上行之詩嚟講.
咁樣我真係好痛苦, 以前讀書就最唔熟亦最冇興趣睇詩歌類的聖經經文. 本來諗住今次都係推咗佢啦, 但後來諗到可能係離開香港前最後一次講道, 最終都係接咗. 既然接咗就要好好準備, 不過目前真係冇乜頭緒 sosad
130 上行之詩。
1 耶和華啊，我從深處向你求告。
2 主啊，求你聽我的聲音！願你側耳聽我懇求的聲音！
3 主耶和華啊，你若究察罪孽，誰能站得住呢？
4 但在你有赦免之恩，要叫人敬畏你。
5 我等候耶和華，我的心等候，我也仰望他的話。
6 我的心等候主，勝於守夜的等候天亮，勝於守夜的等候天亮。
7 以色列啊，你當仰望耶和華，因他有慈愛，有豐盛的救恩。
8 他必救贖以色列脫離一切的罪孽。
睇戲學英文, 多得尋日睇嗰齣黑白舊戲, 學多咗隻字: Gaslight
//Gaslighting is a particularly nefarious form of toxicity due to its subtle and insidious nature. While it is easy to spot toxic leaders who scream, bully, and abuse publicly, gaslighting behavior is much more covert. Gaslighters know how to fly under the radar. They are adept at undermining an employee’s self-esteem, confidence, and sense of reality in subtle, sneaky, and hard-to-prove ways. It’s often your word against theirs, which makes going to other leaders or HR difficult. To make matters worse, their manipulative behaviors — while despicable and destructive — often don’t break any specific company policies.
...
Gaslighters actively seek to manipulate and control others by making the victim question their own reality and self-worth. They lie. They deny things that they said — even in writing. They project their faults onto others, putting them in a constant mode of defense. They sow confusion. They insinuate that you are the incompetent one. In short, they weaken you in order to control you. Their need to control can stem from myriad of pathologies such as incompetence, insecurity, narcissism, jealousy, or just plain pettiness.//
根據聖經的講法, 有時係講到耶穌三日後復活, 有時就講到係第三日復活. 兩種講法都有:
[三日]
Matthew 12:40
40 約拿三日三夜 (τρεῖς ἡμέρας καὶ τρεῖς νύκτας) 在大魚肚腹中，人子也要這樣三日三夜 (τρεῖς ἡμέρας καὶ τρεῖς νύκτας) 在地裡頭。
Mark 8:31-32
31 從此，他教訓他們說：「人子必須受許多的苦，被長老、祭司長和文士棄絕，並且被殺，過三天 (μετὰ τρεῖς ἡμέρας) 復活。」 32 耶穌明明地說這話，彼得就拉著他，勸他。
John 2:19-21
19 耶穌回答說：「你們拆毀這殿，我三日內 (in 3 days: ἐν τρισὶν ἡμέραις) 要再建立起來。」 20 猶太人便說：「這殿是四十六年才造成的，你三日內就再建立起來嗎？」 21 但耶穌這話是以他的身體為殿。 22 所以到他從死裡復活以後，門徒就想起他說過這話，便信了聖經和耶穌所說的。
[第三日]
Matthew 16:21
21 從此，耶穌才指示門徒，他必須上耶路撒冷去，受長老、祭司長、文士許多的苦，並且被殺，第三日 (τῇ τρίτῃ ἡμέρα) 復活。
17:22-23
22 他們還住在加利利的時候，耶穌對門徒說：「人子將要被交在人手裡， 23 他們要殺害他，第三日 (τῇ τρίτῃ ἡμέρα) 他要復活。」門徒就大大地憂愁。
20:17-19
17 耶穌上耶路撒冷去的時候，在路上把十二個門徒帶到一邊，對他們說： 18 「看哪，我們上耶路撒冷去，人子要被交給祭司長和文士，他們要定他死罪， 19 又交給外邦人將他戲弄、鞭打、釘在十字架上，第三日 (τῇ τρίτῃ ἡμέρα) 他要復活。」
Luke 24:46-47
46 又對他們說：照經上所寫的，基督必受害，第三日 (τῇ τρίτῃ ἡμέρα) 從死裡復活， 47 並且人要奉他的名傳悔改、赦罪的道，從耶路撒冷起直傳到萬邦。
三日後同第三日的分別, 喺現代人眼中係完全唔同, 起碼差成日呀大佬, 三日差一日, 即係至少成33.3333333%的差別, 不過喺古代人眼中, 可能分別唔大, 咪就係幾日囉. 下面呢段歷代志下的經文, 直頭將三日後同第三日喺同一個故事入面撈亂嚟用. 中文翻譯喺呢度好有問題, 因為佢全部都譯晒做"第三日", 但其實喺希伯來文同希臘文入面, 第5節嗰度, 都明顯需要譯做"三日後". 所以, 我地好關心的差別, 古代人可能完全冇feel.
[2 Chronicles 10:5, 12]
2 尼八的兒子耶羅波安先前躲避所羅門王，逃往埃及，住在那裡，他聽見這事，就從埃及回來。 3 以色列人打發人去請他，他就和以色列眾人來見羅波安，對他說： 4 「你父親使我們負重軛做苦工，現在求你使我們做的苦工、負的重軛輕鬆些，我們就侍奉你。」 5 羅波安對他們說：「第三日 (after 3 days: עוד שלשת ימים / ἕως τριῶν ἡμερῶν) 再來見我吧。」民就去了。
...
12 耶羅波安和眾百姓遵著羅波安王所說「你們第三日 (on the third day: ביום השלשי / τῇ ἡμέρᾳ τῇ τρίτῃ) 再來見我」的那話，第三日(on the third day: ביום השלשי / τῇ ἡμέρᾳ τῇ τρίτῃ) 他們果然來了。 13 羅波安王用嚴厲的話回覆他們，不用老年人所出的主意， 14 照著少年人所出的主意對他們說：「我父親使你們負重軛，我必使你們負更重的軛；我父親用鞭子責打你們，我要用蠍子鞭責打你們。」
Reference: https://www.biblicalarchaeology.org/daily/biblical-topics/bible-interpretation/on-what-day-did-jesus-rise/
//祖藍自謙自己只是一個「蒙恩的罪人」，他認為有時並不需要逢人就講耶穌、傳福音，反而希望通過自己在工作崗位、家庭上的行事為人去為主作見證。因此祖藍非常重視自己與家人、合作伙伴，甚至是素未謀面的陌生人的關係，在交往過程中自己有沒有秉行公義、公平、公正和仁愛。他確信用自己的生命去作見證，比只用舌頭去傳福音更具感染力！//
Source: https://www.baptist.org.hk/flipbook/newsletter201710/files/basic-html/page10.html
早排有個好好笑的發現, 原來我聽眾之一有其中一個係返黃衛雄嗰間三一臨在浸信會的, 而佢當然係好清楚我對呢個人同呢間教會的睇法. 我知道係因為某一日突然有位聽眾聯絡我, 同我講佢同屋企人返呢間教會, 而佢家人仲要係教會當時的核心成員之一, 跟住就同我講好多黃衛雄同呢間教會的一些衰嘢, 結論就係事情升溫到會友同黃衛雄之間, 由於教會管理、錢銀之類的問題, 而搞到要上法庭的地步.
呢位聽眾都講得相當詳細, 又有cap圖, 又有法律文件, 我諗佢係想我喺節目度講晒呢D資料出來. 不過, 我又唔係嗰D需要炒新聞的門徒霉體, 呢D愛國人士之間彼此傷害的事我就冇乜興趣講. 加上我之前已經盡了責任, 將黃衛雄此人同佢間教會的荒謬言行清楚講出並加以理性解釋; 從我的角度, 我已經完全暴露出牠的問題, 不必再加添D八卦去再講一些我已經證實咗o既判斷.
當然, 我亦唔介意佢自己call in上來講, 所以我都咁樣回覆佢, 鼓勵佢自己講返, 因為佢都實在send太多嘢俾我睇, 都唔講得晒咁多. 後來佢拖下拖下, 最終話怕被黃衛雄認到佢把聲會針對佢, 所以都係唔自己講了, 咁我就幫佢唔到喇, 呢D事邊有得假手於人, 而自己就處身事外?
後來呢位聽眾亦有問我一些信仰同聖經問題, 因為佢需要有D talking point喺庭上同人對質, 亦想踢爆呢個佢相當唔鍾意的牧者. 我都按住佢的問題如實回答, 不過我冇表現雀躍去特別鼓勵佢. 對於呢間教會同佢牧者的言行, 我都已經講過晒, 咁而家有班人唔聽勸阻, 一頭中埋去, 而家搞到不歡而散, 我真係唔會咁有愛心去同情佢地 sosad
至於呢間教會, 而家事實證明, 只要佢係由咁樣質素o既人領導, 唔需要去理佢, 佢都會自毀.
我其實開咗好多唔同的email戶口, 又hotmail, 又google, 又doramail之類, 不過我一直主要都係用yahoo. Yahoo當然係廢, 又多spam, 幾年前仲有security breach, 不過好多嘢係register咗跟email, 基於懶惰的原因, 就求求其其一直到現在都仲用緊.
不過, 自從幾年前, 我開始覺得用Yahoo真係好唔安全, 所以開始轉用Protonmail, 不過都只係開始轉換, 好多重要的email依然係會自動去咗Yahoo嗰邊. 我真係要的起心肝, 將D戶口轉晒新email佢, 不過真係會好大工程, 同埋好易會漏 sosad
Israel Antiquities Authority (IAA) 公佈, 喺Cave of Horror搵到一些之前未被發現的死海古卷, 同埋另外一些古物. 呢單嘢同其他成日傳出話發現了新的死海古卷唔同, 今次是堅料, 由真正的考古學家帶領的團隊發現, 係六十年以來第一次有新的死海古卷出土.
學者早在五十年代就已經相當熟悉 Cave of Horror, 當年有幾廿個抵擋或逃避羅馬的猶太人死喺呢個洞穴, 所以個改咗個咁o既名. 當年希臘文小先知書古卷 (8HevXII gr) 就係喺呢度被發現. 我睇D新聞, 似乎今次新發現到廿幾份古卷碎片, 目前D學者睇到的碎片內容, 都係希臘文的小先知書抄本, 合乎預期之內.
一般人講死海古卷, 好多都係講喺昆蘭周遭洞穴出土的古卷, Cave of Horror係喺Nahal Hever, 不過其中發現的文獻都算係死海古卷.
梁燕城喺佢題為《中國新疆在壓迫和清洗維族人？》嗰集節目的末段話:
「如果新疆人, 自從1953年四百幾萬人, 如果被種族清洗, 到而家應該剩下幾多人呢? 咁而家竟然變咗二千幾萬人, 咁係唔係種族清洗呀? 真係講大話都要有數據先得o架.」
基於呢段說話, 令我十分懷疑, 梁燕城是咪其實唔知種族清洗的定義, 就開集節目講種族清洗. 根據聯合國接納的定義:
//In the present Convention, genocide means any of the following acts committed with intent to destroy, in whole or in part, a national, ethnical, racial or religious group, as such:
- Killing members of the group;
- Causing serious bodily or mental harm to members of the group;
- Deliberately inflicting on the group conditions of life calculated to bring about its physical destruction in whole or in part;
- Imposing measures intended to prevent births within the group;
- Forcibly transferring children of the group to another group.//
除咗"killing members of the group"之外, 其他四種行為都係唔會立即令人口大副下降的, 所以梁燕城呢個自以為十分勁抽有力的反證, 根本都唔係point嚟, 只曝露出佢連少少功課都唔做就喺節目亂up.
梁燕城話喎, 中共冇清洗維吾爾族人, 因為中共冇必要咁做. 又話記者Maxime Vivas都出咗本書, 同佢的觀點一致, 就好似當年佢引用發現到巴別塔、約櫃、耶穌一滴血的考古學家Ron Wyatt嚟作為佢搵到挪亞方舟的佐證一樣.
最搞笑係佢自詡對新疆有深入研究, 同時取笑一個同佢持相反意見的人唔係知名大學的學者, 只係獨立研究員. 咁你自己都係獨立研究員啦, 唔通你係新疆研究的學者咩.
結尾仲話, 佢去check過, 而家新疆人口仲有多人, 好明顯冇種族清洗發生過. 梁燕城唔知是咪已進化到連報紙都唔睇了, 因為而家冇人話中共喺新疆開槍大屠殺, 而係基於雲彩一般的見證去指責中共監禁、虐待、強制絕育維吾爾族人, 呢D唔係會令人口即時下降的.
之前提過, 我都好有興趣想學多 D 關於 Coherence-Based Genealogical Method (CBGM) 的知識. 我都真係有去搵D書同文章嚟睇o架, 不過真係睇到一舊雲, 直至我睇到呢篇文章:
//Criticisms of the CBGM are always welcomed, and we are eager to incorporate suggestions for improving it. Unfortunately we were not able to use Carlson’s publication as fodder for making improvements because his article evinces a general lack of understanding of the method....The core problem of Carlson’s article is that he does not seem to understand the overall concept of the CBGM....Carlson's assumption that there is bias in the CBGM is the result of misunderstandings and wrong application....In only selectively and superficially engaging with the relevant literature, Carlson’s article has unfortunately cultivated a new series of misunderstandings about the CBGM and its functionalities, most of which could have been avoided had he just made use of my entry level “Introductory Presentation.”//
早幾個星期, 公司安排我地Home Office, 每個星期有兩日返公司就OK, 減低出外搭車之類的風險, 不過呢個星期又回復返Office Office. 其實都正常, 因為政府多次封區、驗嚟驗去, 但又連環食白果, 好難令人覺得香港目前疫情係嚴重到搭車返工會死人.
但係, 早幾個星期的Home Office對我嚟講係perfect timing, 因為嗰段時間我身體突然變差咗好多, 相信係血壓同血管問題, 喺腳上有D復元得好慢的小傷口出現. 所以喺嗰段有得多D留喺屋企的時間, 可以多D時間休養, 俾佢慢慢好. 我亦喺呢段時間, 真係第一次去睇醫生處理血壓問題, 按醫生指示去驗呢樣驗嗰樣, 呢段時間係容易好多. 例如, 其中一樣嘢係要留晒全日所有的尿去驗, 咁要返辧公室係冇可能帶住成個桶周圍去 sosad
Anyway, 雖然老婆覺得我好虧, 但驗身證實我身體冇乜事, 肝腎功能正常, 搵唔出血壓高的原因 (去睇醫生之前嗰日突破200), 可能純粹係天生遺傳, 不過食住藥就會去返正常水平, 醫生甚至冇叫我戒口之類, 而記得食藥對我嚟講係易如反掌.
受萬人景仰的基督教護教家 Ravi Zacharias 舊年去世, 喺佢生前都已經有性醜聞的指控出現, 不過當時係『處理』咗, 並冇全面發酵. 不過喺佢死後, 更多受害人出面指證, 得到Christian Times報導, 逼令美國宣道會同埋Ravi Zacharias International Ministries都展開正式調查, 目前已有共識, Ravi Zacharias確實係有性騷擾多名女性, 其中一個受害人以強姦嚟形容佢地之間的性關係. 其實除咗性醜聞之外, 當我睇呢D報告的時候, 似乎亦有亂用機構奉獻的問題, 因為似乎佢係有使用公款嚟養住一D女仔.
搞笑o既係, 條友仔曾經用自己嚟威脅D女仔唔好爆響口, 因為咁會令好多人跌倒 sosad. 首先, 令人跌倒嗰個係佢, 點會變咗係受害人的責任? 第二, 雖然有些事的真相確實係會永遠湮沒, 但其實好多好事壞事, 最終還是會水落石出.
RZIM發起的獨立調查報告:
https://s3-us-west-2.amazonaws.com/rzimmedia.rzim.org/assets/downloads/Report-of-Investigation.pdf
//Only one of the witnesses we interviewed said that Mr. Zacharias engaged in sexual intercourse. This witness reported details of many encounters over a period of years that she described as rape. To protect her identity, this report does not disclose many of the details she shared with us. Some information is related below because aspects of Mr. Zacharias’s behavior towards this witness were similar to his conduct with other therapists, specifically: the use of ministry funds to provide financial support, the effort to elicit personal information about a difficult past, and Mr. Zacharias’s use of religious language during their encounters.
This witness told us that their relationship began as a normal massage therapist-client relationship, and she came to think of him as a father figure. He elicited information about her faith and her financial situation. She reported that after he arranged for the ministry to provide her with financial support, he required sex from her. According to this witness, Mr. Zacharias used religious expressions to gain compliance, as she was raised to be a person of faith. She reported that he made her pray with him to thank God for the “opportunity” they both received. She said he called her his “reward” for living a life of service to God, and he referenced the “godly men” in the Bible with more than one wife. She said he warned her not ever to speak out against him or she would be responsible for the “millions of souls” whose salvation would be lost if his reputation was damaged.
A number of aspects of this account involved similar behavior and escalation as the accounts of other therapists who would not have known each other and who treated Mr. Zacharias in different contexts over time. The therapists he reportedly targeted for “more than a massage” discussed a similar modus operandi of building their trust and making them feel at ease. As one put it, he “wasn’t frisky initially.” Some therapists described a process that began with probing conversation and him asking about their families and backgrounds, often delving into deeply personal issues such as financial struggles or emotionally broken backgrounds. For example, one therapist reported that Mr. Zacharias spent the first half of their first massage session asking about her spiritual journey and prior abuse. This set her at ease and made her feel that he cared for her as a person before he later asked her to massage his genitals. Another woman reported that he would talk about her career plans and efforts to improve her financial situation while he was massaging her breasts. She never came forward because she thought, “who would believe me” against a famous Christian leader. Some therapists also reported that Mr. Zacharias paid very well or would leave large tips and gave gifts that were at times lavish, such as a Persian rug or a Louis Vuitton wallet with $500 inside.//
美國宣道會聲明:
//Recent independent investigations commissioned by both the C&MA and Ravi Zacharias International Ministries confirmed the accusations made by massage therapists that he engaged in sexual misconduct. He then constructed elaborately deceptive schemes to conceal his activity. This evidence clearly establishes that Mr. Zacharias preyed on women, violating the trust of those who were particularly vulnerable, during the time he was credentialed by the C&MA. The evidence also confirms that this pattern of behavior was longstanding.//
CT其中一篇報導 (有中文版):
以前讀書嗰時, 雖然我一些同學同阿sir係研究新約textual criticism, 但我本人只知道一些極皮毛的基本知識. 最近周圍亂睇嘢, 留意到近年好多關於新約textual criticism的討論, 都係同Coherence-Based Genealogical Method (CBGM)有關. 呢個似乎係一個新的研究方法/方向, 尤其影響到新版Nestle-Aland希臘文聖經的一些決定同取捨, 搞到我都有些好奇想知多D.
而家我download定一堆相關的文章, 試下我會唔會睇得明. 呢度有其中一個超簡易版本的blog post: http://evangelicaltextualcriticism.blogspot.com/2017/01/the-cbgm-in-one-sentence.html
玩完The Medium了. 隻game完全唔驚, 但係氣氛唔錯, 我鍾意佢花好多時間去慢慢講個故事出來, 冇Layers of Fear咁印象深刻, 但亦相當唔錯, 故事元素包括有兇殺案、撞鬼、禁聲的暴力、超能力, 都係會令我感興趣的部份. 畫面質素正常, 不過將畫面一開二, 一半交代現實世界、一半交代靈界的表現方式, 似乎都唔少人覺得幾好.
不過有兩大缺點: 1) 隻game目前係poorly optimized, 我相信對大部人嚟講, 唔係一隻可以consistently行到60fps的game, 但以佢咁o既畫面, 唔應該咁樣; 2) 間公司應該都知佢地唔擅長整動作game, 所以呢隻game的stealth同追逐部份, 全部都係相當垃圾, cut晒佢、專心講故事仲好. 但整體算唔錯啦, 係一隻我會玩到尾然後覺得滿足的game.
