《陰宅異事》The Haunting of Hill House 睇唔睇得過? (2018)

 

我覺得第3, 4, 5, 6集最好睇, 最愛第5集, 感人、傷感、恐怖, 乜都齊晒. 

放逐愛情 + 關於我們

痞子英雄隻 OST 已經出咗, 入面好幾隻歌我都覺得好聽, 當中最鍾意係"放逐愛情"同"關於我們", 特別係前者. 雖然相比之下冇戰神o既"零"同"說愛我"咁經典, 但係我都覺得好正. 台灣 d 電視劇好多時都有 d 正歌聽, 真係犀利.

Oh My Girl

剛剛睇完上一季一齣我覺得好好睇, 但係冇乜人識欣賞o既日劇, 叫做 Oh My Girl. 我覺得非常鍾意, 但係喺日本冇人睇, 搞到要 cut 短到得返九集, 真係有冇搞錯? 個故事講有個做雜誌社o既男仔, 佢個好冇責任感o既家姐留低個女要佢照顧, 而呢個細路女係個童星, 亦有個女仔經理人跟住佢, 故事就講呢三個人住埋一齊o既大小事. 故事好簡單, 但係睇得好舒服, 好開心.



老老實實, 我一向都唔鍾意睇有細路仔做主角o既戲/電視, 我天生就係討厭細路, 尤其係人地覺得 cute 嗰 d. 但係呢齣個女仔主角唔同, 而家睇完齣嘢我變到好鍾意佢. 喺故事入面佢做明星, 下下都要食好嘢, 夜晚做 facial, 朝早起床跳埋 d 搞笑健康舞, 唔會扮 kawaii, 但係又唔會扮到好老成, 剛好喺中間. 連我呢種抱有"細路歧視"o既人都鍾意, 可見呢個細路女真係魅力非凡.



呢齣戲我最鍾意睇個細路女同男主角之間o既關係. 由開始互相唔鍾意, 到慢慢培養出雙向o既 attachment, 所以去到結局, 當個女仔同個主角講佢地要分開嗰時, 佢地由扮冇嘢到忍唔住一齊喊嗰幕, 我覺得真係好睇, 非常有 feel. 只係友誼, 同埋想黐住對方o既渴望, 比起成日有得睇o既男女浪漫, 我覺得更加 touching.



個女經理人都好多出鏡. 其實我之前都有喺其他劇集見過佢, 不過唔鍾意佢, 因為佢個混血樣好怪, 但係而家又覺得越睇越順眼, 都唔錯. 總之, 呢齣係好嘢. 雖然冇口碑, 亦冇人睇, 但係呢齣係我睇過最鍾意o既日劇之一. 主題曲亦好聽.

"喜歡, 不知道從甚麼時候開始"

"這裡發現愛"有好多幕我都幾鍾意o既 scenes. 其中最鍾意o既係呢度, 如果冇記錯, 我係由呢集開始鍾意追呢齣劇. 我好鍾意呢齣劇入面o個 d 靈感白字, 可惜呢一幕 (呢度係第四次) 之後就再冇出現過.

這裡發現愛: 預告

尋日"這裡發現愛"做完最後一集 lu, 追o左十六個星期, 而家甚至覺得有少少失落. 雖然故事太多無謂枝節, 最後幾集尤其寫得差, 冇晒前半段o個種小聰明. 但係男女主角性格過癮, 魅力爆燈, 所以由頭到尾我都覺得好有趣味. 尤其個女仔, 我從未見過女仔可以紮馬尾靚過頭髮放落o黎, 佢都算係奇人. 而令我每個星期都想追下一集o既功勞, 就大部分屬於每週都出o既一分鐘預告, 拍得好正, 非常吸引. 有幾個我特別鍾意:

這裡發現愛

最近每個星期都勁追一齣台劇叫"這裡發現愛", 每睇完一集就開始期待睇七日後o個一集, 好吊癮. 呢齣o野本身就幾好睇, 有時會有 d 都幾聰明o既對白出現, 寫得比想像中好, 亦拍得 d 風景好靚, 同埋做女主角潘能賢o個個女仔雖然唔係靚, 但係好得意, 好鍾意佢. 而最突出o既係每個星期都會出現o既預告, 次次都搞得好靚, 精彩過劇集本身. 唯一差勁o既係預告開始前o個句: "請收看我在這裡發現愛", 把聲好難聽, 直插耳膜.

呢個就係上個星期o既預告, 搞到我成個禮拜o係度等聽日o個集. 不過已經等到囉.

巧合

============================
朋友，這個名詞怎麼定義？沒有血緣關係，來自不同的地方，突然間，因為某件事或某個人，把你們拉在一起，因為合得來，物以類聚，後來成為朋友。

──葉子
============================



最近有齣台灣電視劇叫做"這裡發現愛"都幾好睇, 雖然個節奏唔平均, 有拖戲現象, 但係有 d 對白係幾好笑, 所以個個星期都有追住追住. 其中一個主角係寫小說o既, 個筆名叫葉子, 佢就寫o左上面呢段"朋友"定義, 非常應最近o既景...