The Wolf Among Us

雖然早已聽講過好耐, 但其實我係冇幾耐之前先第一次玩Telltale的Walking Dead, 主要係因為唔係每隻game我老婆都有興趣睇, 但係呢尐game有故事有角色, 佢可以當戲咁睇, 我又有得玩, 冇得輸. Walking Dead果然好正, 我老婆甚至睇到喊 sosad.

據講除咗Walking Dead之外, The Wolf Among Us都係好好睇的故事, 所以我亦搵嚟見識下, 早幾日喺HowtinStream由頭到尾直播玩咗一次. The Wolf Among Us的故事係取材自漫畫系列Fables, 故事同角色都係好睇的, 尤其是男女主角人狼同埋白雪公主. 但係對於完全冇睇過Fables漫畫的我嚟講, 故事一開始嗰時有尐複雜, 因為Walking Dead講喪屍, 故事背景簡單好多. 至於角色, 我都係鍾意Walking Dead第一個season的人物多尐. The Wolf Among Us第一季共有五集, 我覺得第一集最正, 個結尾真係有令我覺好震驚.

黃玠瑋《多想和你一起》演唱會直播

我一向都鍾意聽黃玠瑋的歌. 最近佢開咗個音樂會, 網上有得睇官方直播, 而且收音質素唔錯, 好正.

終於第一次玩得完 Silent Hill

以前小學移民加拿大之後, 由於唔知邊度有得買game, 有一段時間其實係完全冇玩遊戲機, 直至後來Playstation時代, 因為Final Fantasy 7先至第一次喺加拿大買部遊戲機嚟玩.

嗰時喺朋友屋企玩咗陣Silent Hill, 一嚟就俾個開局嚇到PK, 之後勉強玩咗陣, 但係由於心理壓力太大, 真係玩到驚, 就放低咗. 最後的新興趣係喺電腦玩返尐舊game, 終於第一次玩完Silent Hill, 感覺非常滿足. 好玩.

[錫安教會] Age of Empires vs 同級生2

 

近排最鍾意呢條短片, 留個記念 sosad