精彩在於佢講嗰D嘢同靈修經文係完全冇任何關係 sosad
https://www.facebook.com/wong.n.lun.5/posts/pfbid0dWc54V2vp3dbDzP3U5fYQ4qP91aitPXZYhqJPzzg5cXZwC825Uew2fhSZucFWDryl
//今日靈修
創5:1-9
「董建華下台,曾蔭權下台,梁振英下台,到現在林鄭月娥又要叫佢下台,」喺呢二十二年嚟,呢啲聲音總係不絕於耳,但奇怪既係冇人叫胡志偉下台,陳志全下台,更冇人會叫陳志全上台或黎智英上台,因為如果呢啲人上台,香港或許會成為同志天堂或粗言穢語地區,正所謂一蟹不如一蟹,整個香港便會成為臭港,大家自大一點就成為臭了.既然我哋無能為力咁去改變一切,就讓它自然運作罷!只要管治者唔會好像美國一樣引致停擺,那就讓它繼續罷!
由約瑟開始既埃及,這一位法老是何等謙遜咁邀請約瑟幫助解夢,並且接納約瑟透過神既幫助所解既夢,並接納其意見如何儲糧,如何放糧,以致他獲得萬民既擁戴,當然那是不能抹煞約瑟既幫助,到了第二任法老王,為了要抹煞以前約瑟所帶嚟既繁榮與富庶而建立了自己既勢力,而把以色列人新生既男嬰殺害以絕後患,到了第三任法老更為咗唔俾以色列男士太優閑,再加上以色列既神要求讓摩西,亞倫帶領百姓到曠野向神舉行祭祀,導致法老要男性因過於忙碌,到處搵做磚既材料而冇時間去做人,因而減低生長率,令他們不能因人多而增加威脅,以色列人又冇能力叫價要求法老下台,佢哋只有仰望那位一路帶領住佢哋先祖亞伯拉罕,以撒,雅各既神,讓神自己嚟為佢哋申冤.
自從神喺第六日創造完畢,祂便進入創造既休息期,但佢並非自此不聞不問,佢乃係仍然維繫住整個宇宙既運作,如果唔係,整個宇宙便會陷入混亂狀態下了,同樣,聖經話俾我哋知,“人心比萬物都詭詐,無法醫治,誰能識透呢?”(耶利米書17:9),喺詩篇127:1話“如果不是耶和華建造房屋,建造的人就徒然勞苦,如果不是耶和華看守城池,看守的人就徒然警醒”,喺呢一切事上,我哋就將香港或普世既混亂狀況全交主手,讓祂管理著一切,那就是全然美好的.//
https://www.facebook.com/wong.n.lun.5/posts/pfbid02irYTRfiFvv2JLNT8wW1NS21K6vt1QY3Avc7U4wyLRonqxCVdExQnFoatCbNatWdFl
//今日靈修
創5:10-19
喺你我既認知中,甚麼叫狐假虎威呢?就係嗰的執住雞毛當令箭既人,而佢哋執住呢支雞毛,又唔敢向交支雞毛俾佢既人發火,只有向佢睇唔順眼既人發施號令而矣,咁呢啲既人真係冇晒骨氣,我哋過去既中國歷史中有唔少呢啲咁既人物,最後係不得善終的.特別係啲漢奸份子,喺中,日戰爭後都被唔同既方法處死.
雖然我哋唔知當時以色列既首領喺對以色列同胞既方法上有冇令同胞受勞役,但好明顯既係佢哋唔知點樣面對法老同以色列同胞,正所謂《順得哥情失嫂意》,甚至係兩面不討好,不過由於佢哋係類似「亡國奴」既身份,就只有順住法老既命令去做,不過,佢哋都有向法老發怨言及據理力爭,並且含沙射影反而將問題歸咎法老王既嚴苛及無理既命令,不過,法老並冇理會,仍然以此命令嚟虐待以色列人,草仍然唔俾,但貨仍然要起,就係咁,以色列人喺呢啲無理既要求下,營營役役下去完成不可能的工作,甚至有人死喺勞役之下.
看官們,不要以為以色列人係神既子民,佢哋必定會因神而過平靜安穩既日子,但那是錯的,直到今日,以色列人喺世人眼中係一群掠奪者,佢哋掠奪耶路撒冷,佢哋掠奪戈蘭高地,但回顧以色列歷史,其實佢哋只係要回佢哋失去既土地或屬於以色列人既嘢,世界就係咁唔公平,但又可以點呢?主耶穌教導我哋“不要與惡人作對,有人打你的右臉,連另一邊也轉過去由他打,有人想要告你,要拿你的裏衣,連外也由他拿去,有人強迫你走一里路,你就跟他走二哩”(馬太福音5:39-41),我哋會覺得好蝕底,但有一句話「忍一時,風平浪靜,退一步,海濶天空」,呢句並唔係蝕章既話,而係有《臥薪嘗膽》既意味,喺人生路上,看似蝕底的東西,到最後都係笑到尾嗰個,主耶穌同佢既門徒看似蝕底咁去世,但佢哋到最後乃係豐足咁回歸.//
No comments:
Post a Comment