奉主耶穌聖名祈求

今日是講道日, 雖然落雨揸長途車, 不過都很順利, 今日的講道我很鍾意, 點解我寫得咁好咁有道理? 真是天才, 我都冇自己辦法! 但係我都只係識講, 我知道自己會常常忘記需要記住的嘢, 應該忘記的嘢就常常記起. 個牧師又提起佢地仲未請到人做youth pastor, 我知佢很鍾意我, 但係請乜人唔到佢話事, 同埋我都已經不多想做教會工了, 想請就即管來求我, 冇興趣我又不會覺得失望, 無欲無求就冇得輸.

另外, 佢話, 我次次講完道祈禱,結尾都就咁"阿們", 冇講"奉主耶穌聖名祈求", 有會友問佢點解咁樣. 我話佢有責任教育下個會友, 不要咁低B, 祈禱唔係念咒語. 不過今日講道為了不令他難做, 我都有講"奉主耶穌聖名祈求", 佢事後讚我幫手, 但係冇留意到, 我講咗呢句, 但係又skip了冇講"阿們", wahahahaha. 條會友咁多要求, 不如你上嚟祈埋佢, 順便講埋堂道啦.

由於係早堂, 講完嘢出返嚟市區, 都未到12點, 所以去喜相逢食個雞排飯, 飲奶茶. 但係質素令我有點失望, 價錢貴咗, 但雞排冇咁好食, 汁亦冇咁香了. 世事就係咁, 味道都變了, 偏偏令人更難忘記本來有幾正.