母親節冇節目

星期日, 但係六點就自動起床, 時間太多, 所以搵尐最浪費時間的嘢來做, 例如沖chemex咖啡就一定走唔甩, 事實上亦係好飲過用咖啡機好多, 加埋女聽眾送的綠茶picola真係好好味. 我都唔記得朝早做過尐乜嘢嚟, 總之就係浪費時間至十一點零鐘, 終於可以出去食午飯.

中午去咗食相當差的放題, 不過我就是爛泥, 喜歡作賤自己.返到屋企其實有NBA睇, 一邊同網友 Ka Hei 講八卦, 終於喺床瞓著咗. 不過都瞓唔耐, 因為四點幾要起身, 去阿媽屋企食飯.

今日老豆很興奮, 因為佢有機會show off一部新玩具, 可以唔用油但係能夠炸嘢的機, 一嚟就喺度炸薯條, 炸雞翼, 狂玩 sosad.

其實我一向不吃晚餐, 所以食咗好少好少就已經飽到食唔落, 佢地請咗好多親戚嚟, 大部份都是我妹夫的親友. 一般嚟講, 我都怕多陌生人的場合, 但係我妹夫個姐夫係我聽眾, 佢聽日開始讀神學, 埋嚟同我好好傾, 我都好高興識到一個新的朋友. 有意外的驚喜.