Saturday, 3 May 2014

周六節目

多得我自己做嘢勤力, 今日換來自由的一日, 做乜都得, 不過當然, 問題係我冇乜嘢好做 sosad. 朝早當然是做HowtinDie, 其實我覺得係個爛題目, 不過節目總監建議, 我不會反對, 但結果都幾過癮, 主要係因為某圓面女聽眾的故事, 我之前都唔知女仔的想法, 原來同男仔都差不多, 咪又係人不風流枉童年, 雖然很合理, 但感覺又有點恐怖.

中午諗住食好的, 所以去台灣小館食土豪便當, 點知可能佢地大廚放假, 轉晒menu, 最後食了個鹽酥雞飯, 都OK啦, 尐雞肉聞落超香, 但食落又不是很特別, 都係便當最好食. 跟住返到屋企剪了少少頭髮, 睇NBA, 跟住老豆突然召喚我去佢家食羊架, 超大碟, 仲隊咗兩包俾我, 叫我自己試下焗. 我覺得應該不難的, 成功機會很大.

老豆應該是覺得我很廢, 不斷建議我去考個地產經紀牌, 或者考個翻譯牌, 又搭線話有個friend成日返教會, 可能可以安排我去某教會做嘢... 咁我又的確是廢, 係個沒有事業的人, 但係佢生咗個物慾很低的衰仔, 野心等於零, 我就係咁o既人, 沒有上進動力誘因. 當然我有時都諗, 不可能再做明報落去, 唔好話前途, 係一份連現在都沒有的爛工 sosad, 但係又唔知可以做乜嘢其他.

1 comments:

sanette said...

OMG!!!偶像, 好多驚喜!
第一, 原來你竟然都覺得圓面聽眾講D野令人酸
第二, 我超期待你的羊架 >< 好想睇係會焗成點
第三, 我很高興你爸爸的建議,唔好咁諗佢啦,佢都係出於為你著想,唔係諗你唔好的,雖然我知偶像會有自己想法, 我都會支持,但你爸爸的建議很好,我都好支持 (幫我俾個hug佢,多謝)