The Way

尋晚睇咗齣冇乜人睇的戲, 叫The Way, 主角有Martin Sheen, 老戲骨唔錯, 其他幾個配角亦唔差, 係個女配角樣衰尐, 故事講主角死咗個仔, 想幫個仔完成心願, 行完整個El Camino de Santiago旅程. 齣戲就唔算係好精彩o架啦, 對白寫得不算精練, 劇情平淡, 最大問題係太長, cut 短半個鐘可能更好. 不過, 好處是不玩煽情, 都係一齣輕輕鬆鬆, 睇得舒服的戲.

呢個聖雅各之路係真有的, 我係因為對呢條路有興趣, 所以先去搵齣戲嚟睇. El Camino相傳係以前的朝聖之路, 以Cathedral of Santiago de Compostela為終點, 起點可以喺任何地方. 最多人行的路線, 由法國邊界出發, 由東至西橫跨西班牙, 行到去目的地有800km路程, 約需要行30日時間. 行朝聖路o既人會有證明文件, 經過中途站會打印證實到過, 沿途可以好平有住宿床位.

我沒有事業的, 但將來如果我想要做一件好瘋狂的事o既話, 呢件事會係首選之一.