我是土豪

今日出去講道, 雖然係遠, 不過碰巧今日好天, 當遊車河都幾舒服.

下午又去三味食堂食嘢, 試嗰個土豪便當真係超正, 飯盒入面所有嘢都係好食的, 包括菜同沙律, 全部都超正. 雞脾, 腸仔同燒肉都非常惹味, 非常豐富, 實在太正. 以後去食嘢都要叫呢個套餐.

返到屋企, 做咗幾嘢運動, 沖完涼洗完頭, 開咗齣葉念琛新戲溝女不離3兄弟, 電影質素同片名一樣預期之中咁差. 而家未睇到尾, 但相信係葉念琛最差的作品, 考慮到葉念琛之前尐戲都相當麻麻, 可見呢齣真係雞到無倫.