Thursday, 8 January 2009

香港教會寵兒梁美芬議員



我之前就已經批評過多位香港教會領袖對梁美芬o既支持. 尋日, 立法會就取消功能組別作出辯論同埋投票. 功能組別, 就係代表唔係每個香港人都一人可以投一票, 有一小部份人可以有多過一票, 係假扮民主o既不公平系統, 亦係共產黨操控香港議會o既重要工具. 因為如果單計民選, 香港多數人都會投票俾支持民主o既議員, 所以中共就要用功能組別搞一堆佢自己鍾意o既議員出嚟, 咁支持共產黨o既議員先可以成為多數.

講返今次投票, 梁美芬投反對票: 反對取消功能組別. 我想問, 當初為梁美芬背書o既教會領袖, 如李炳光牧師, 梁燕城博士, 蘇穎智牧師等等, 如何向對香港民主有期望o既巿民交代?

唔熟香港政治o既人都可以一眼睇得明. 睇睇張投票表. 邊班人投反對票? 梁美芬, 共產黨o既外圍組織民建聯, 廿三條皇后葉劉淑儀... 成班奸人.

0 comments: