======================================
我向立法會外集會基督徒派單張
一名對同志友善的基督徒
二○○九年一月十日週六早上，立法會聆聽團體就《家庭暴力條例》修訂以涵蓋同性同居者所發表的意見。有不少保守基督教團體擔心「家庭」一詞因條例的修改而涵蓋同性戀關係，最終導致同性婚姻合法化，要求條例涵蓋所有同住關係者，並改名《家居暴力條例》。據報導當天立法會內出現了激烈爭拗的場面。
我在立法會外也有一些值得一提的經歷。黃成智議員鼓勵基督徒參加於立法會外遮打花園舉行的聲援集會。當天約有四百多人參與，比預計的千五人少。
我偕同太太及另一位朋友在集會人群中穿梭，派發基督教非保守派意見的單張，內容已附。難為了太太，她在開始派發沒多久，遇到有幾位女士很快手地把單張彈回給太太，說：「我們是正常人！與你不同！」並表現得好像單張及太太是污穢似的一般。後來，她遇到一位男士從人群中閃出，衝向她，一手搶去她手上的全部單張，消失於人群中，後來她聽到一名女士說單張已撕毀棄掉。她向我訴苦的時候是哭著的。在回家之後，她還哭了好幾次，她是基督徒，她說她沒有想過基督徒的態度可以是那麼恐怖的。我的遭遇則比較幸運，只一次聽到有一把男聲在我的身後大叫：「垃圾！不要接他的單張！」可能是我的身手較好吧（笑），有兩三次有人試圖搶去我手上的單張，我也能及時縮開。無意在此投訴或指控些甚麼，在那個場合派發另類單張，我個人早已預算了有那種反應，亦明白那是個別人士的反應而已，只想在此呼籲各位基督徒理性對待不同的聲音。
......
======================================
有時我真係覺得好神奇, 唔知點解, 基督徒竟然係世上最嚴格o既人, 基督教學校係最嚴o既學校, 基督徒父母係最嚴o既父母, 等等. 而且佢地唔係對自己嚴格, 而係對人地嚴格; 唔單止對身邊o既基督徒嚴格, 對唔係基督徒o既人都一樣嚴格, 唔准人地做呢樣嗰樣, 惡到無倫. 我覺得神奇, 係因為佢地自己犯罪嗰時, 愛佢地o既神都冇出手阻止, 但係佢地就非常積極阻止其他人做佢地認為係犯罪o既行為. 如果對人關懷或愛護就等於要奪去佢犯罪o既自由, 咁神對人o既關懷同愛護就真係少之又少, 幾近於無. 喺聖經入面, 神又幾時有叫過以色列去阻止其他鄰近種族o既同性戀行為? 新約聖經又邊道有叫過基督徒阻止非基督徒o既同性戀行為? 我真係唔明. 佢地打住為聖經而戰o既旗幟, 行動卻其實冇聖經基礎, 非常奇怪.
基督教會反對同同性戀有關o既政府政策通常出現o既題目係家庭定義. 男同男或女同女, 跟聖經中"家庭"o既定義唔同, 所以佢地就唔應該得到"家庭"可以得到o既權利同保障. 我個人認為係非常荒謬. 第一, 聖經為家庭下o既定義, 不止係男女做夫妻, 仲有包括生仔女, 生養眾多, 遍滿全地, "父母兒女"先係家庭喺聖經中o既完整定義. 我已經結咗婚, 但係冇仔女, 亦冇打算要生仔女, 所以就聖經定義, 我呢個唔算係家庭; 但係我一樣可以得到家庭有o既法律權利同保障, 但係從來冇基督徒會話要攞走我o既家庭權利. 點解針對同性戀, 又唔針對我呢? 我不能不認為, 教會的確係有 discriminate 同性戀.
仲有, 現代教會好明顯係跟聖經少少, 又跟唔足. 喺聖經入面, 有好多有關家庭o既教導, 包括當家庭中出現寡婦, 死者個兄弟就應該娶埋個阿嫂, 幫自己兄弟留點血脈. 呢個喺舊約聖經有, 喺新約入面耶穌同人討論律法亦有提及, 佢明顯係假定咗呢條家庭律法應該存在. 點解教會 d 人唔照做呢? 而最重要o既係, 人人都講"家庭"o既聖經定義, 但係我好懷疑到底有幾多人真係有認真睇聖經如何為"家庭"下定義. 我問, "家庭"喺希伯來文入面係乜嘢? 有幾多人知道? 又有幾多人知道, 舊約聖經嚴格來說, 其實係冇"家庭"呢個詞語. 乜乜創世記o既"家庭"定義, 真係令人 R 頭. 自己一知半解, 仲想要削減人地o既法律權利, 真係不負責任.
第二, 先唔講透過聖經為"家庭"下定義當中涉及o既複雜問題, 點解人地要接受聖經o既定義呢? 咁同要 Galileo 接受聖經對"世界"o既定義有乜分別? 而家好多基督徒話, 聖經冇講過世界係平, 只係當時 d 教會人睇錯聖經. 事實係, 呢 d 現代基督徒用自己o既科學智識扭曲聖經原意, 因為聖經根本就係講緊一個平o既世界, 同古代中東文化, 希臘文化一模一樣, 冇乜好奇怪的. 點解人地要接受聖經對"家庭"o既定義? 咁可蘭經呢? 希臘傳說呢? 波若菠蘿蜜瓜經呢?
No comments:
Post a Comment