今朝收到老豆寄o黎兩包 dvd 電影, 其中有一隻o係呢齣戲. 呢個系列我睇過頭兩集, 都係爛片, 呢集都唔例外. 呢集講個女主角係人造人之類, 係異形同人類o既結合. 個女仔之前咁多年都正常人咁生活, 不過無厘頭開始會變怪獸, 會好似青蛙咁引長條利拮死人. 雖然有異形殺人o既場面, 但係齣o野好鬼悶, 未睇到尾就o係床睏著o左. 雖然呢個系列好雞, 但係又難得佢長拍長有, 仲要集集個 style 都幾統一, 次次隻異形都係金髮女, 一定會除衫益觀眾, 周街搵男人同佢生仔, 而一有得生就會殺鬼o左個男o既. 其實呢 d 戲要有 d 自知之明, 反正個故事都唔得 gar lar, 我唔明點解佢唔直頭由頭到尾俾隻怪獸出多 d 場, 由頭殺到落尾反而仲好啦. 又要夾硬講故事, 但係 d 對白又雞, d 演員又交唔貨, 氣, 咪搞咁多o野啦好心.
No comments:
Post a Comment