Thursday, 20 September 2007

一四零八



我唔理, 我考試表現失準, 我一定要賴落呢齣戲度. 簡單講, 如果今次我考試肥o左, 一定係因為尋晚睇o左呢齣戲, 唔係講笑, 真係睇完人都癲, IQ 至少下跌三百點, 美國減息半厘都升唔返.

齣戲開始o個時幾有趣, 講個鬼書作家四圍去 d 猛鬼酒店過夜, 睇下係咪真係鬧鬼. 去到 John Cusack 同 Samuel Jackson o係度講間 1408 號房o既猛鬼歷史o個時, 我真係覺得好想睇落去, 到底間房搞乜鬼.

點知到 Cusack o係間房度正式開始見到怪事發生齣戲就開始好似戲中男主角一樣"直插水底". 呢間房發生o個 d o野實在太怪, 去到一個地步只令人覺得"有冇搞 x 錯", 而全無驚嚇緊張o既感覺, 非常失敗. 佢又有少少野心, 想拍到好似有 d 意思咁款, 但係一樣冇乜特別, 冇 feel, 同齣戲個怪雞格局根本就唔夾.

0 comments: