[荒謬到暈] 唐德玲 - 聖經啟示理財智慧

頭先喺晴報見到有篇文章, 作者唐德玲透過馬太福音入面嗰個才幹的比喻 (25.14-28) 講理財智慧. 故事講有個主人臨走之前分別留底5,000, 2,000, 1,000銀子俾三個僕人, 到佢返嚟之後, 得5,000同2,000銀子嗰兩個僕都都將本錢 double 咗, 但係1,000嗰個將錢收埋, 冇多冇少, 被主人鬧到反艇. 

唐德玲講, 呢個故事"可以詮釋為：不同人有不同的管理財富能力, 以及有沒有盡量發揮金錢的用途." 所以, 結論就係"有些人只懂得儲錢（其實已經不錯）, 卻從不懂得運用各種理財工具和財務技巧去理財, 結果, 財富便悄悄地貶值了." 

呢篇文章非常荒謬, 馬太福音24-25其實係講緊末世o既話題, 警告尐信徒喺主人突然回來之前, 唔好不結果子, 唔好喺度 hea, 絕對唔係教緊理財. 都已經末世, 聖經還會教人花時間理財投資? 痴孖筋啦. 教理財咪教理財囉, 完全冇必要夾硬引段完全無關的聖經填格仔, 令篇短文長少少. 咪咁啦. source