一班聾人

Sharon Stone 當然冇講過"中國地震係報應"啦. 我翻睇o左幾次, 只可以話係 d 記者曲解佢講o既說話, 而報紙讀者或新聞觀眾就以為係真. 佢只係話, 當聽到地震新聞o個時, "at first", 曾經有個問題o係心裡面出現, "嘩, 係咪 karma 呀?" karma 當然唔係解報應啦; 而且, 就算退一步當佢係解報應, 呢個都只係佢心中曾經出現過o既一個疑問, 而唔係一個 statement. 真真正正聽清楚人地有講過乜冇講過乜先鬧啦.

尤其, 如果佢係相信佛教理論o既, 就更唔應該怪佢. o係佛教世界觀入面, 冇一件事係"意外", 冇一件事係"偶然", 而係 karma o既影響. 所以對一個佛教徒o黎講, 相信地震(或任何一件事)係源自 karma, 根本就係正常到不得了, 呢個係佢地世界觀o既一部份. 就正如有基督徒會相信, 地震其實係上帝所容許, 但係唔代表佢地話地震係上帝罰中國人o既手段嘛.