最近考古學界有單好過癮o既新聞, 因為有個著名o既學者犯下低級失誤, 雖然佢已經及正, 不過都值得一提. 話說o係一月中, Eilat Mazar 話發現出一個印章, 上面由右至左寫住 "Tamah", 佢相信係尼希米記 7.55 o既一個聖經人物. 好記性的話, 你仲會記得 Eilat Mazar 呢個名, 因為早排我都寫過話佢相信自己發現o左尼希米之牆o既遺址.
希伯來文係閃系文字, 的確係由右至左讀. 問題係, 呢個係一個印章. 聰明人呢一刻應該已經諗到佢做乜出事. 印章o既用途係將一 d 字印上其他o野上面, 所以印章上面o既字係倒轉寫o既, 所以唔應該由右至左睇, 而係要將個印章對住塊鏡先再由右至左睇. 而呢個印章印出o黎o既名唔係 "Tamah", 而係 "Shlomit" 先o岩. 其實 Shlomit 呢個名亦o係舊約聖經中出現多次, 利未記 24.11; 歷代志上 3.19, 23.18; 歷代志下 11.20; 以斯拉記 8.10.
Eilat Mazar 自從發佈佢個錯誤, 就立即有好多學者話佢錯o左, 所以早兩日佢已經更正返. 好少有犯咁o既錯誤, 都幾有趣.
No comments:
Post a Comment