======================================
藝人裸照案警方接近源頭 (明報)
02月 02日 星期六 11:45PM
警方晚上在中區拘捕一名懷疑涉及網上藝人裸照案的男子，檢獲2部電腦，發現數百張涉案照片。
警方在晚上拘捕該名男子，並以黑布蒙頭，將他帶返警署。助理警務處長黃福全表示，他們由昨晚11時至今晚8時，再拘捕4男2女，其中3男2女在香港仔拘捕，其餘1名男子則在中區拘捕。
警方亦搜獲兩部電腦及大批光碟，在電腦中檢獲大批涉案的照片，超過數百張，大部分涉及案中的藝人，未曾在網上發布。他們相信，有關人士即使不是發放相片的源頭，亦是非常接近源頭。6人有直接或間接關係，年齡介乎23至30歲。
他指出，其中3人的職業與資訊科技行業有關，暫時以藏有淫褻照片可供發放用途的罪名，拘捕他們。
======================================
本來我就覺得陳冠希案 d 相片係真o野. 唔係透過仔細研究o個幾幅相而得出o黎o既結論, 而係因為幾位主角同埋佢地公司反應騎呢, 由初頭話俾人 key 相, 到後來一味鬧人做埋 d 冇品惡作劇, 唔再提及話係 key 相.
不過, 都只係我估下, 唔算非常肯定. 但係而家多得香港警方釋我心中疑惑, 俾我一個確實答案. 其實好簡單, 而家網上流傳o既相片, 最多只得十零廿張, 但係 d 差佬就o係呢個人部電腦度搵到數百張相. 有常識o既人都知道, 冇人會晨早 key 定成幾百張相等將來續張 send 出去. 我唔相信會有 d 咁有 discipline, 玩o野玩得咁勤力o既人, 正如我唔會一入大學就寫定五十份 paper, 咁就之後幾年都唔使再寫o野. 而家有個答案, 真係放下心頭大石.
即然香港警方幫我咁多, 我亦可以為佢地提供一 d 破案關鍵. 佢地而家拉幾個人, 都告佢地"藏有淫褻照片可供發放用途"o既罪名, 同埋相信佢地"非常接近源頭". 咁唔使查啦, 既然而家可以確認o個 d 唔係 key 相, 我知道 d 淫褻裸照o既源頭o係邊喎, 咪係陳冠希囉. 只要開佢幾部電腦睇下, 包佢地可以告得入"藏有淫褻照片可供發放用途"o既罪名.
唔使多謝.
No comments:
Post a Comment