尋晚當我將 d 通過非法下載得來o既電影 burn 落碟o既時候, 部電腦個 dvd-rom 突然瓜o左. 不過部電腦都已經買o左差唔多四年, 以我 burn 咁多碟o黎計, 算係壽終正寢, 百年歸老, 我都應該節哀順變. 所以拿拿臨上 futureshop.ca 個網睇下有冇 dvd writer 減價. 最終買o左部 LG o既 external dvd writer, 百二蚊減到八十, 比起 internal 貴多廿皮. 因為我唔識開部電腦自己裝, 所以早就打算要買 external, 佢減價就正好. 部機好易用, 就咁插電, 同埋插落部電腦個 usb 度, 就已經可以用, 乜都唔使 install.
講開又講, 上個月我部舊相機 Canon A70 都壞o左, 影唔到相, 已經用好幾年, 都算係死得其所. 見有部 Canon A570 IS 之前減廿皮, 賣百七蚊, 就買o左. 我都知道價錢算正常, 唔係特別平, 但係因為當年我買部 A70 o個時, 部機只有而家呢部一半, 又重甸甸, LCD 又細, 都要成三百幾, 所以而家呢部我心理上覺得好平.
No comments:
Post a Comment