Josephus (Jewish War 6.300-309) o係佢o既歷史入面, 提及到一個可以同九龍皇帝比美o既奇人, 叫做 Jesus ben Ananus, 即是亦叫做耶穌. 其實佢o既遭遇對了解聖經o個個耶穌o既生平亦有幫助.
Jesus ben Ananus o係聖殿被毀o既四年前開始o係街度周圍行, 大聲叫囂話聖殿同以色列人都要受審判. 有 d 猶太人版本o既"左仔"捉o左佢打, 問佢做乜o係度亂 up, 丙到佢火車頭咁, 但係呢個 Jesus 乜都冇解釋, 只係重複之前講開o既o野. 後來唔單止猶太人, 連羅馬官員 Albinus (即係做本丟彼拉多個位o既人, 不過o個時彼拉多已經俾人炒o左) 都捉佢去審一輪. 不過呢個 Jesus 好好彩, d 羅馬人認為佢係痴線佬, 所以放佢走.
呢個故事唔知有幾真, 不過同聖經入面o個個耶穌遇上o既事有 d 似. o係 synoptic gospels 入面, 耶穌入到耶路撒冷之後走去聖殿踢竇, 當耶穌被審o個時又有人話耶穌講過佢會毀滅聖殿同埋三日來再起返佢. 即是話, 耶穌被人捉, 被人審, 都係因為佢做出o左 d 反聖殿o既行為同埋言論. 呢個經過同 Jesus ben Ananus o既經歷差唔多, 係一個合理o既 historical context.
Friday, 31 August 2007
Thursday, 30 August 2007
Raymond Brown: Johannine community
Raymond Brown 認為, 透過仔細研究約翰福音同埋約翰一二三書, 可以認識到呢 d 書同信背後o既 Johannine community o既歷史. 佢o既學說將呢段歷史分成四大段:
1) 約翰福音成書前: 呢個 group 入面有個重要o既人物, 就係後來約翰福音裡面出現o個個"愛徒". 呢個人唔係十二門徒之一, 不過係耶穌在世o個時o既其中一個追隨者. o係呢個 group 入面, 呢個"愛徒"以耶穌見證人o既身份成為龍頭阿哥. 佢地對基督o既了解應該同其他信徒 (e.g., 馬可福音) 差唔多, 算係 low christology.
2) 約翰福音成書o個時: 去到呢個時期, 呢個 group 同猶太人o既會堂 (synagogue) 發生強烈衝突, 可能因為呢個約翰 group 入面連撒馬利亞人都有. 所以約翰福音入面有幾個地方 (e.g., 耶穌醫好天生盲眼人o既故事) 都有提及 aposynagogos, 俾人踢出會堂. 同埋約翰福音入面, 耶穌成日同人有爭執, 而佢o既敵人, 福音成日叫佢地做 Iudaioi (the Jews/Judeans). 所以 Brown 認為, 當福音成書o個時, 約翰 group 已經自猶太會堂分裂o左出o黎 (又或者講, 佢地俾人趕走). 福音亦有個清楚, 係人都睇到o既 high christology, 耶穌好似神人咁, 係道理真理生命, 又係生命麵包, 又係生命之泉, 唔係普通人類咁簡單. 約翰 group d 人, 可能會認為佢地呢個對耶穌o既了解先係正確, 比其他基督徒都更加正確, 福音裡面可能有則面寫到. 例如, 約翰 20 話, 愛徒同彼得跑去睇耶穌個空墓, 先到o既係愛徒, 彼得睇到 r 晒頭, 唔明白, 但係愛徒就明白空墓代表乜. 去到約翰 21 又係咁, 當耶穌出現o個時, 亦係愛徒先睇到o個個係耶穌, 彼得聽到愛徒教路先知道. 所以, 呢段日子係約翰 group 同其他 group 分裂o既時期.
3) 約翰一二三書o既時候: 約翰 group 內部分裂. 佢地都視約翰福音為重要o既經典, 但係佢地對福音o既了解唔同. 一方o既 stance 比較貼近後來o既 so-called "greater church", 另一方就流向後來 docetic gnosticism o既方向.
4) 約翰二三書後: 去到呢個地步, 已經係約翰 group 消失, 被吸收入去 greater church o既時候.
1) 約翰福音成書前: 呢個 group 入面有個重要o既人物, 就係後來約翰福音裡面出現o個個"愛徒". 呢個人唔係十二門徒之一, 不過係耶穌在世o個時o既其中一個追隨者. o係呢個 group 入面, 呢個"愛徒"以耶穌見證人o既身份成為龍頭阿哥. 佢地對基督o既了解應該同其他信徒 (e.g., 馬可福音) 差唔多, 算係 low christology.
2) 約翰福音成書o個時: 去到呢個時期, 呢個 group 同猶太人o既會堂 (synagogue) 發生強烈衝突, 可能因為呢個約翰 group 入面連撒馬利亞人都有. 所以約翰福音入面有幾個地方 (e.g., 耶穌醫好天生盲眼人o既故事) 都有提及 aposynagogos, 俾人踢出會堂. 同埋約翰福音入面, 耶穌成日同人有爭執, 而佢o既敵人, 福音成日叫佢地做 Iudaioi (the Jews/Judeans). 所以 Brown 認為, 當福音成書o個時, 約翰 group 已經自猶太會堂分裂o左出o黎 (又或者講, 佢地俾人趕走). 福音亦有個清楚, 係人都睇到o既 high christology, 耶穌好似神人咁, 係道理真理生命, 又係生命麵包, 又係生命之泉, 唔係普通人類咁簡單. 約翰 group d 人, 可能會認為佢地呢個對耶穌o既了解先係正確, 比其他基督徒都更加正確, 福音裡面可能有則面寫到. 例如, 約翰 20 話, 愛徒同彼得跑去睇耶穌個空墓, 先到o既係愛徒, 彼得睇到 r 晒頭, 唔明白, 但係愛徒就明白空墓代表乜. 去到約翰 21 又係咁, 當耶穌出現o個時, 亦係愛徒先睇到o個個係耶穌, 彼得聽到愛徒教路先知道. 所以, 呢段日子係約翰 group 同其他 group 分裂o既時期.
3) 約翰一二三書o既時候: 約翰 group 內部分裂. 佢地都視約翰福音為重要o既經典, 但係佢地對福音o既了解唔同. 一方o既 stance 比較貼近後來o既 so-called "greater church", 另一方就流向後來 docetic gnosticism o既方向.
4) 約翰二三書後: 去到呢個地步, 已經係約翰 group 消失, 被吸收入去 greater church o既時候.
Saturday, 25 August 2007
Reign Over Me
頭先無所事事, 睇o左齣好正o既戲. 我本來都唔鍾意睇 drama, 點知呢齣睇落有驚喜. 我最鍾意係雖然個故事非常沉重, 係一個好 sad o既故事, Adam Sandler 全家都o係 911 入面死晒, 變成一個精神有 d 失常o既人, 慘到無倫. 但係睇緊齣戲o個時有好多地方我都有睇到大笑出o黎, 因為有 d 對白實在寫得好抵死, Sandler 同 Cheadle 又算係有幽默感o既演員, 所以成日都係有幾分鐘笑一輪, 但係到 Sandler 俾人強迫去回憶返以前 d o野o個時個氣氛又變返好慘, 所以由頭到尾都睇得投入, 好好睇.
同埋有 d 意想不到, Sandler 同 Cheadle 之間化學作用好好, 老友鬼鬼 feel 一流. Don Cheadle 做得好係意料中事, 諗唔到 Sandler 都幾正, 同個角色幾夾.
Friday, 24 August 2007
Square-Enix Shop
頭先發覺 Square-Enix 開o左個北美 shopping 網, 立即就上去睇下冇乜好o野. 見有幾隻公仔好靚, 立即就入晒落去 my cart 度...
...點知比錢先發覺加拿大地址係唔 work o架... 辣塊媽媽 : (
...點知比錢先發覺加拿大地址係唔 work o架... 辣塊媽媽 : (
Wednesday, 22 August 2007
基督徒大戰哈利波特
頭先o係"基督教會網頁"上面見到有篇文章, 叫做 基督徒可以讀"哈利波特"嗎?
個作者胡志偉話, 唔單止呢篇文章, 佢仲開過講座討論呢個問題. 我唔係要講佢呢篇文章o既內容, 而係覺得好驚訝而家香港教會竟然有需要討論個咁o既 topic. 真係好痴線. 我一早就已經覺得, 雖然華人教會一向都當馬丁路德係神, 強調因信稱義當為律法, 而守律法就係最最最最差o既行為, 但係偏偏華人教會就最多o野唔可以做, 做呢樣o個樣都會俾人請去傾計, "關心"你. 如果你唔肯認錯 (即使係你認為自己冇錯, 因為聖經冇話你錯), 你就會被邊緣化, 牧師會o係祈禱會呼籲教友為你代禱, 希望你可以早日回頭...
而家仲搞到連邊本小說睇得邊本唔睇得都要討論? 咪咁痴線啦, 唔好俾自己 d 仔女睇電視, 出街, 同朋友講電話啦笨.
個作者胡志偉話, 唔單止呢篇文章, 佢仲開過講座討論呢個問題. 我唔係要講佢呢篇文章o既內容, 而係覺得好驚訝而家香港教會竟然有需要討論個咁o既 topic. 真係好痴線. 我一早就已經覺得, 雖然華人教會一向都當馬丁路德係神, 強調因信稱義當為律法, 而守律法就係最最最最差o既行為, 但係偏偏華人教會就最多o野唔可以做, 做呢樣o個樣都會俾人請去傾計, "關心"你. 如果你唔肯認錯 (即使係你認為自己冇錯, 因為聖經冇話你錯), 你就會被邊緣化, 牧師會o係祈禱會呼籲教友為你代禱, 希望你可以早日回頭...
而家仲搞到連邊本小說睇得邊本唔睇得都要討論? 咪咁痴線啦, 唔好俾自己 d 仔女睇電視, 出街, 同朋友講電話啦笨.
Tuesday, 21 August 2007
Schweitzer quote
頭先睇書, 見到 Schweitzer o係佢o個本 The Mysticism of Paul the Apostle 有句說話好型, 直頭係寫到好有詩意, 講了解保羅背景o既大方向:
Since all [Paul's] concepts and thoughts are rooted in eschatology, those who labour to explain him on the basis of Hellenism are like a man who should bring water from a long distance in leaky watering-cans in order to water a garden lying beside a stream.我都相當同意佢o既講法, 因為o係加拉太書 1 同埋腓立比書 3 度, 保羅都強調自己o既猶太教背景, 佢比同年紀o既人都更長進, 係正宗希伯來人, 法利賽人, o係律法上無可指責. 不過佢又唔o岩得晒, 因為 Martin Hengel 指出第一世紀o既猶太教受好多 Hellenism 影響, 保羅肯定亦唔例外. 好似林後o個句"上帝帥領我地誇勝," 就係好 Greek o既 expression.
加拉太書 3.10: 五條路線
加 拉太書 3.10: For as many as who are the works of the law are under a curse, for it is written: 'Cursed is everyone who does not abide by all the things written in the book of the law, to do them.'
呢句說話入面, 保羅講到點解依從 "works of the law" o既人會o係一個詛咒之下. 因為申命記 27.26 講到, 所有唔依從晒所有律法, 去做呢 d 律法, o既人都要受詛咒. 呢句申命記o既說話就成為保羅呢個 argument o既基礎. 表面上就好簡單, 但係如果我地問: 咁保羅佢自己又點了解申命記呢句說話, 佢又認為呢句說話入面邊一度先係重心呢? 點解佢會 quote 申命記呢句經文呢? 學者主要有五種解釋, 個個都唔同o既. 以下係 summary:
1) 傳統路線. 如果比較一下申命記 27.26 o 係希伯來文同埋希臘文o既版本, 我地會發覺有一個好大o既出入: 就係希臘文 (亦即是保羅 quote o既版本) 多o左兩個"all"字. 而一個傳統解釋就係話, 保羅認為唔可能有人可以做晒"所有"律法, 大不了都係做大部份律法, 但係冇人可以守律法守到完美, 所以所有人都注定o係詛咒入面. 呢個解釋o既問題係, 保羅佢自己似乎唔係咁睇律法個喎. o係腓立比書 3.6 o個度, 保羅講到佢o既背景, 就家族, 佢係希伯來人, 就守律法, 佢係法利賽人, 就熱心, 佢追殺教會, 就律法, 佢係 amemptos, 完美. 所以佢自己可能就係一個可以守晒所有律法o既人. 而且, 要守晒所有律法, 其實冇乜咁難, 因為我地唔可以忘記, 律法個系統入面包括有 sacrifice. 一個破o左律法o既人, 只要去做 sacrifice, 承認自己錯o左, 咁就算係守晒所有律法.
2) 人類學路線. R. Bultmann 認為人性係本衰o既, 佢地唯一可以做o既就係認衰, 而一個人可以做得最錯o既就係唔知衰, 以為自己可以靠自己做得 d 乜. 所以同傳統路線唔同, Bultmann o既著眼點o係 "to do them" o個度. 即是話, d 守律法o既人被詛咒唔係因為守律法守得唔夠完美, 而係因為佢地去守律法. 無論守得好, 守得唔好, 守律法就係衰, 就係自以為是, 以為自己可以解決罪o既問題. 呢個解釋好有問題, 因為申命記 27.26 前半句講到明, "cursed is everyone who does NOT abide by all the things written in the book of the law," 而 Bultmann 就倒轉, 話 d 人被詛咒係因為佢地守律法, 變成申命記o係一句說話入面有好大個矛盾.
3) 民族主義路線. James Dunn 話, d 守律法o既人受詛咒係因為佢地守o既律法係 "national badges", 例如割禮. 所以呢 d 守律法o既人就將 d 外邦人排於教會門外, 完全唔係神咁樣計劃. 之前我地睇過, 傳統路線將佢地o既視線放晒o係"所有律法"呢幾個字上面, 呢個民族主義路線就相反, 完全 ignore 呢幾隻字. 而呢個, 我相信係問題所在, 因為申命記 (同埋保羅) 講緊o既係"所有律法", 而唔係純粹o個 d "national badges".
4) 修辭路線. E.P. Sanders 話, 保羅 quote 申命記 27.26 只有一個原因, 只係因為呢段經文有"律法"同埋"詛咒"呢兩個詞語. 保羅想講明律法會帶來詛咒, 又咁o岩申命記 27.26 係呢一句短短o既文字裡頭又有呢兩個 terms, 所以保羅就 quote 佢出o黎. 所以申命記 27.26 本來講乜係亳無關係, 入面o個句"所有律法"亦唔係重點所在. 呢個簡單o既解釋唔係冇可能, 但係話以保羅一個自細就熟讀聖經o既人o黎講, 當佢 quote 一句經文, 如果話佢 quote o既時候完全冇o個句經文o既前文後理o係腦海入面, 咁又有 d 奇怪, 直頭係唔自然.
5) 歷史路線. N.T. Wright, F. Thielman, J. M. Scott 認為, 申命記 27.26 o既前文後理對了解加拉太書 3.10 好重要. 簡單講, 申命記講o既詛咒係 exile, 而事實上, 以色列亦真係有受o左呢個詛咒, 食到應一應. 雖然, o係公元前第六世紀尾段, 波斯國比 d 以色列人返去以色列地, 起返佢地個聖殿, 但係近期好多研究都指出, 其實即使o係回歸後, 好多以色列人依然認為佢地仲未"回歸"得晒, 未算係復國, 詛咒依然o係度. 所以保羅o係呢度就話, 雖然理論上守律法唔係唔可能, 但係你地要記得, 從史實o既角度, 以色列當時就係守律法守出事, 個詛咒到今時今日都仲o係度, 加拉太書 3.13 話個詛咒要靠耶穌釘十字架先搞得掂. 你地o既前輩搞成咁, 咁你係咪仲要中個頭埋去先?
當然仲有好多其他種解釋, 講都講唔晒咁多, 不過以我了解, 最出位就係呢五個說法.
呢句說話入面, 保羅講到點解依從 "works of the law" o既人會o係一個詛咒之下. 因為申命記 27.26 講到, 所有唔依從晒所有律法, 去做呢 d 律法, o既人都要受詛咒. 呢句申命記o既說話就成為保羅呢個 argument o既基礎. 表面上就好簡單, 但係如果我地問: 咁保羅佢自己又點了解申命記呢句說話, 佢又認為呢句說話入面邊一度先係重心呢? 點解佢會 quote 申命記呢句經文呢? 學者主要有五種解釋, 個個都唔同o既. 以下係 summary:
1) 傳統路線. 如果比較一下申命記 27.26 o 係希伯來文同埋希臘文o既版本, 我地會發覺有一個好大o既出入: 就係希臘文 (亦即是保羅 quote o既版本) 多o左兩個"all"字. 而一個傳統解釋就係話, 保羅認為唔可能有人可以做晒"所有"律法, 大不了都係做大部份律法, 但係冇人可以守律法守到完美, 所以所有人都注定o係詛咒入面. 呢個解釋o既問題係, 保羅佢自己似乎唔係咁睇律法個喎. o係腓立比書 3.6 o個度, 保羅講到佢o既背景, 就家族, 佢係希伯來人, 就守律法, 佢係法利賽人, 就熱心, 佢追殺教會, 就律法, 佢係 amemptos, 完美. 所以佢自己可能就係一個可以守晒所有律法o既人. 而且, 要守晒所有律法, 其實冇乜咁難, 因為我地唔可以忘記, 律法個系統入面包括有 sacrifice. 一個破o左律法o既人, 只要去做 sacrifice, 承認自己錯o左, 咁就算係守晒所有律法.
2) 人類學路線. R. Bultmann 認為人性係本衰o既, 佢地唯一可以做o既就係認衰, 而一個人可以做得最錯o既就係唔知衰, 以為自己可以靠自己做得 d 乜. 所以同傳統路線唔同, Bultmann o既著眼點o係 "to do them" o個度. 即是話, d 守律法o既人被詛咒唔係因為守律法守得唔夠完美, 而係因為佢地去守律法. 無論守得好, 守得唔好, 守律法就係衰, 就係自以為是, 以為自己可以解決罪o既問題. 呢個解釋好有問題, 因為申命記 27.26 前半句講到明, "cursed is everyone who does NOT abide by all the things written in the book of the law," 而 Bultmann 就倒轉, 話 d 人被詛咒係因為佢地守律法, 變成申命記o係一句說話入面有好大個矛盾.
3) 民族主義路線. James Dunn 話, d 守律法o既人受詛咒係因為佢地守o既律法係 "national badges", 例如割禮. 所以呢 d 守律法o既人就將 d 外邦人排於教會門外, 完全唔係神咁樣計劃. 之前我地睇過, 傳統路線將佢地o既視線放晒o係"所有律法"呢幾個字上面, 呢個民族主義路線就相反, 完全 ignore 呢幾隻字. 而呢個, 我相信係問題所在, 因為申命記 (同埋保羅) 講緊o既係"所有律法", 而唔係純粹o個 d "national badges".
4) 修辭路線. E.P. Sanders 話, 保羅 quote 申命記 27.26 只有一個原因, 只係因為呢段經文有"律法"同埋"詛咒"呢兩個詞語. 保羅想講明律法會帶來詛咒, 又咁o岩申命記 27.26 係呢一句短短o既文字裡頭又有呢兩個 terms, 所以保羅就 quote 佢出o黎. 所以申命記 27.26 本來講乜係亳無關係, 入面o個句"所有律法"亦唔係重點所在. 呢個簡單o既解釋唔係冇可能, 但係話以保羅一個自細就熟讀聖經o既人o黎講, 當佢 quote 一句經文, 如果話佢 quote o既時候完全冇o個句經文o既前文後理o係腦海入面, 咁又有 d 奇怪, 直頭係唔自然.
5) 歷史路線. N.T. Wright, F. Thielman, J. M. Scott 認為, 申命記 27.26 o既前文後理對了解加拉太書 3.10 好重要. 簡單講, 申命記講o既詛咒係 exile, 而事實上, 以色列亦真係有受o左呢個詛咒, 食到應一應. 雖然, o係公元前第六世紀尾段, 波斯國比 d 以色列人返去以色列地, 起返佢地個聖殿, 但係近期好多研究都指出, 其實即使o係回歸後, 好多以色列人依然認為佢地仲未"回歸"得晒, 未算係復國, 詛咒依然o係度. 所以保羅o係呢度就話, 雖然理論上守律法唔係唔可能, 但係你地要記得, 從史實o既角度, 以色列當時就係守律法守出事, 個詛咒到今時今日都仲o係度, 加拉太書 3.13 話個詛咒要靠耶穌釘十字架先搞得掂. 你地o既前輩搞成咁, 咁你係咪仲要中個頭埋去先?
當然仲有好多其他種解釋, 講都講唔晒咁多, 不過以我了解, 最出位就係呢五個說法.
"宇宙中有一位真神", so?
================
某 國 想 用 科 學 方 法 宣 傳 無 神 ， 以 博 群 眾 同 情 。 遂 在 廣 場 築 臺 ， 當 眾 宣 講 ， 並 請 三 位 博 士 擔 任 講 員 。 第 一 位 是 天 文 博 士 ， 當 他 上 臺 ， 解 釋 許 多 無 神 理 由 以 後 ， 使 大 聲 說 道 ： 「 我 用 望 遠 鏡 觀 察 宇 宙 二 十 年 之 久 ， 從 未 看 見 過 神 ， 所 以 神 一 定 是 沒 有 的 。 」 因 此 博 得 大 眾 掌 聲 不 少 。 第 二 位 是 醫 學 博 士 ， 講 完 許 多 人 類 絕 無 靈 魂 之 理 以 後 ， 末 謂 我 曾 解 剖 屍 體 百 具 以 上 ， 細 察 各 部 ， 從 未 發 現 靈 魂 寄 托 之 處 ， 它 在 心 臟 中 呢 ？ 在 頭 腦 中 呢 ？ 還 是 在 血 液 中 呢 ？ 我 皆 解 剖 驗 過 ， 數 十 年 之 久 ， 未 曾 見 到 ， 所 以 靈 魂 一 定 沒 有 ， 又 是 掌 聲 雷 動 。 第 三 位 女 博 士 慢 步 上 臺 ， 她 是 倫 理 專 家 ， 她 說 人 死 如 燈 滅 ， 死 了 死 了 ， 一 死 就 了 。 絕 無 天 堂 地 獄 ， 絕 無 永 生 審 判 之 事 ， 我 曾 遍 讀 古 今 中 外 各 書 ， 皆 無 此 項 記 載 。
三 位 博 士 講 完 之 後 ， 主 席 乃 向 民 眾 宣 告 ： 無 論 何 人 ， 如 對 三 位 博 士 所 講 無 神 理 由 還 有 不 滿 之 處 ， 或 有 辯 正 的 話 ， 均 可 公 開 提 出 討 論 。 等 了 許 久 ， 無 人 提 出 反 駁 ， 正 當 要 在 勝 利 之 中 結 束 此 一 宣 傳 大 會 之 時 ， 一 位 鄉 下 老 太 婆 ， 進 到 臺 前 ， 對 主 席 說 ： 「 我 也 可 以 提 出 幾 個 反 問 嗎 ？ 」 主 席 說 ： 「 歡 迎 之 至 。 」 於 是 老 太 婆 向 第 一 位 博 士 說 ： 「 你 用 望 遠 鏡 望 了 二 十 年 ， 你 望 見 過 風 嗎 ？ 它 是 甚 麼 形 狀 呢 ？ 」 博 士 說 ： 「 用 望 遠 鏡 如 何 能 看 見 風 呢 ？ 」 老 太 婆 說 ： 「 世 界 上 有 沒 有 風 呢 ？ 你 用 望 遠 鏡 看 不 見 風 ， 不 能 說 世 上 沒 有 風 。 難 道 你 能 用 望 遠 鏡 望 神 嗎 ？ 你 用 望 遠 鏡 望 不 見 神 你 能 說 無 神 嗎 ？ 」 博 士 終 為 之 語 塞 。 又 轉 向 第 二 位 博 士 道 ： 「 你 愛 不 愛 你 的 太 太 ？ 」 博 士 答 道 ： 「 我 愛 我 太 太 。 」 老 太 婆 道 ： 「 請 你 把 你 解 剖 人 體 的 刀 子 給 我 用 用 ， 我 要 把 你 肚 子 剖 開 看 看 ， 你 愛 你 太 太 的 那 個 「 愛 」 在 那 一 部 份 ， 在 肝 裏 呢 ？ 在 胃 裏 呢 ？ 還 是 在 腸 子 裏 呢 ？ 」 說 畢 哄 堂 大 笑 。 老 太 婆 又 轉 向 那 個 女 博 士 道 ： 「 你 讀 過 這 本 書 嗎 ？ 這 書 叫 聖 經 ， 這 書 豈 不 是 明 明 的 說 ， 人 人 都 有 一 死 ， 死 後 且 有 審 判 嗎 ？ 又 說 信 子 ( 耶 穌 ) 的 人 有 永 生 ， 不 信 的 人 必 被 定 罪 嗎 ？ 你 莫 以 為 死 了 就 算 完 了 ， 要 知 道 死 後 的 事 情 ， 比 生 前 更 長 更 多 呢 ， 這 場 無 神 宣 傳 會 ， 結 果 適 得 其 反 。
在 宇 宙 中 有 一 位 神 ， 許 多 人 都 沒 有 好 好 的 去 認 識 這 一 個 事 實 ， 也 不 肯 去 認 識 這 個 事 實 ， 雖 然 人 不 願 意 ， 也 不 肯 承 認 有 神 ， 但 神 決 不 會 因 為 人 的 不 承 認 而 變 成 沒 有 了 。
... 請 你 莫 再 猶 豫 、 遲 疑 ， 決 志 相 信 ， 接 受 耶 穌 做 你 個 人 的 救 主 罷 ， 就 在 現 在 。=================
上面呢一段o野係節錄自 2007 八月份"真理報", 王克讓寫o既文章: 喻道故事-宇宙中有一位真神. 我覺得作埋 d 咁o既故事實在係老土兼冇用. o係呢個故事入面, 個老太婆好似好醒咁, 係有原因o既, 因為故事o既作者將o個三個博士寫成白痴. 一個真正有腦o既人, 都唔會話"因為我o係望遠鏡度睇唔到神, 所以一定冇神"? 所以呢個王克讓分明就係透過將 d 無神論者寫成白痴, o黎令人覺得信神o既人醒目百倍. 唉, 咪當人白痴先得o架. 至於第二個係醫學博士, 其實同個故事都無關o既. 因為人有冇靈魂同世上有冇神係無關o架. 乜唔可以人有靈魂, 但係世上冇神o既咩? 我就諗唔到有乜理由唔可以. 至於第三個女博士, 話係倫理專家, 但係呢個王克讓就要佢講 d 同倫理無關o既o野. 一個有正常知識o既人都唔會話"古今中外各書"都冇講過天堂地獄啦. 任何一個睇過"龍珠"o既小學生都知道孫悟空去過地府跟界王學界王拳啦! 王克讓就夾硬要插呢句唔 make sense o既說話入去呢位女博士口中, 令個老太婆有可以寸佢o既機會. 咁o既故事有乜用? 一 d 都唔現實, 只會令人覺得呢位作者o係度精神自慰, 想o係自己幻想中打一場大勝仗.
仲有, 假設真係如王克讓所講, "宇宙中有一位真神", so what? 你又點知基督教會o既神就係呢一位真神呢? 點解呢位真神唔可以係伊斯蘭教o既亞拉呢? 點解唔可以係一個全人類都唔認識o既神呢? 呢 d 文章, 我作為基督徒都睇唔過眼. 我認為"適得其反"o既唔係故事中o個場無神宣傳會, 而係呢篇文章.
Sunday, 19 August 2007
神蹟
有人將耶穌行神蹟同一 d 第一世紀o既猶太人比較, 因為耶穌唔係唯一一個可以行神蹟, 施法術o既得道高僧. 有幾個人可以一提. 學者通常會提到以下呢幾個人.
Honi the Circle Drawer
o係 Josephus, Antiquities 14.22 入面有提及佢. 話佢係一個義人, o係以色列地冇雨落o個時, 佢禱告神要求落雨, 後來真係有料到. 不過嚴格o黎講, 求雨唔算係神蹟. o係 Mishnah (m. Taan 3.8), 關於佢o既故事更加詳盡. 話 Honi 第一次禱告神o個時其實冇雨落, 所以佢就畫個圓圈o係地, 同神講, 唔落雨佢就唔一世都唔出呢個圈. 後來落少少雨, Honi 就話有冇搞錯, 落得咁微弱唔算數, 所以後來就勁落雨. 同 Antiquities 一樣, 求雨唔算係神蹟. 所以我認為 Honi 其實唔可以算係神蹟人.
Hanina ben Dosa
o係記載入面, Hanina 係一個禱告超人. 佢最先出現o係 Mishnah (Abot 3.10-11; Sota 9.15; Ber 5.5). b. Ber 5.5 提及到, 當 Hanina 為人禱告o既時候, 如果佢禱文講得流利, o個個人就會病好, 如果禱文講到 luck luck kuck kuck, 咁o個個人就唔會好得返. 呢個記載有 d 唔係咁清楚, 到底係 Hanina o既流利禱告可以醫好人, 定係佢可以透過觀察自己o既禱文流唔流利去 predict 其他人o既命運. 似乎係後者居多. 如果係咁, 咁其實都唔算係行神蹟.
o係 Talmud 就唔同, Hanina 真係一個神人, 好多奇事o係佢身上發生. b. Ber 34b 話, 佢幫人禱告, 見自己個禱告好流利, 所以佢知道o個個人一定已經好返, 所以有 d 人去 check 下, 後來再夾返 d 時間, 發覺o係 Hanina 禱告o個時, o個個人真係o係o個個時候好返晒. 有 d 類似耶穌醫人o既故事咁 (John 4.46-53; Matt 8.5-13; Luke 7.1-10). b. Pesah 112b 又講到有一次, Hanina 夜晚o係街度行走, 見到魔鬼女皇. 個女皇好寸咁話, 如果 Hanina 唔係有天堂照住, 佢一早殺鬼o左佢. Hanina 於是乎就趕走呢個魔鬼女皇, 有 d 似耶穌趕鬼. b. Ber 33a 亦講到有次 Hanina 禱告o個時有條蛇走去咬佢, 後來反而係條蛇瓜o左, Hanina 就一 d 事都冇.
不過, Talmud 係比較後期o既記述, 學者都認為呢 d 記載o既歷史性成疑, 只有 Mishah 比較冇咁誇張o既記述先可能係真. 所以 Hanina 算唔算有行過神蹟其實係一個疑問.
Eleazar the Exorcist
Josephus, Antiquities 8.45-49 提到o係 Vespasian 時期有個神人叫做 Eleazar, 係一個驅魔人. 佢識得好似所羅門王咁, 用 d 草藥可以將 d 鬼由人o既鼻哥度拉出o黎. 佢驅魔o個時仲會放個杯o係 d 人o既面前, 所以當 d 魔鬼俾佢拉出o黎o個時就會打跌個杯, 等人知道佢唔係神棍.
Honi the Circle Drawer
o係 Josephus, Antiquities 14.22 入面有提及佢. 話佢係一個義人, o係以色列地冇雨落o個時, 佢禱告神要求落雨, 後來真係有料到. 不過嚴格o黎講, 求雨唔算係神蹟. o係 Mishnah (m. Taan 3.8), 關於佢o既故事更加詳盡. 話 Honi 第一次禱告神o個時其實冇雨落, 所以佢就畫個圓圈o係地, 同神講, 唔落雨佢就唔一世都唔出呢個圈. 後來落少少雨, Honi 就話有冇搞錯, 落得咁微弱唔算數, 所以後來就勁落雨. 同 Antiquities 一樣, 求雨唔算係神蹟. 所以我認為 Honi 其實唔可以算係神蹟人.
Hanina ben Dosa
o係記載入面, Hanina 係一個禱告超人. 佢最先出現o係 Mishnah (Abot 3.10-11; Sota 9.15; Ber 5.5). b. Ber 5.5 提及到, 當 Hanina 為人禱告o既時候, 如果佢禱文講得流利, o個個人就會病好, 如果禱文講到 luck luck kuck kuck, 咁o個個人就唔會好得返. 呢個記載有 d 唔係咁清楚, 到底係 Hanina o既流利禱告可以醫好人, 定係佢可以透過觀察自己o既禱文流唔流利去 predict 其他人o既命運. 似乎係後者居多. 如果係咁, 咁其實都唔算係行神蹟.
o係 Talmud 就唔同, Hanina 真係一個神人, 好多奇事o係佢身上發生. b. Ber 34b 話, 佢幫人禱告, 見自己個禱告好流利, 所以佢知道o個個人一定已經好返, 所以有 d 人去 check 下, 後來再夾返 d 時間, 發覺o係 Hanina 禱告o個時, o個個人真係o係o個個時候好返晒. 有 d 類似耶穌醫人o既故事咁 (John 4.46-53; Matt 8.5-13; Luke 7.1-10). b. Pesah 112b 又講到有一次, Hanina 夜晚o係街度行走, 見到魔鬼女皇. 個女皇好寸咁話, 如果 Hanina 唔係有天堂照住, 佢一早殺鬼o左佢. Hanina 於是乎就趕走呢個魔鬼女皇, 有 d 似耶穌趕鬼. b. Ber 33a 亦講到有次 Hanina 禱告o個時有條蛇走去咬佢, 後來反而係條蛇瓜o左, Hanina 就一 d 事都冇.
不過, Talmud 係比較後期o既記述, 學者都認為呢 d 記載o既歷史性成疑, 只有 Mishah 比較冇咁誇張o既記述先可能係真. 所以 Hanina 算唔算有行過神蹟其實係一個疑問.
Eleazar the Exorcist
Josephus, Antiquities 8.45-49 提到o係 Vespasian 時期有個神人叫做 Eleazar, 係一個驅魔人. 佢識得好似所羅門王咁, 用 d 草藥可以將 d 鬼由人o既鼻哥度拉出o黎. 佢驅魔o個時仲會放個杯o係 d 人o既面前, 所以當 d 魔鬼俾佢拉出o黎o個時就會打跌個杯, 等人知道佢唔係神棍.
Saturday, 18 August 2007
Shin Megami Tensei: Persona 3
雖然好鬼多書要讀, 好多o野要背, 但係呢兩日都花o左幾粒鐘玩呢個新o既 RPG. 我覺得幾好玩, 品質唔錯. 隻 game 個包裝做得好靚, 連埋本彩色 art book, 連埋有一隻 Soundtrack CD. 畫面唔算好靚, 但係個 style 同埋 d 設計好好, 所以睇得好舒服. 音樂亦唔錯. 係配音麻麻地, 不過又未去到好差, 因為有好多 rpg d 配音差到我會熄鬼o左佢, 但係呢個 d 配音我都會聽.個故事係話, 呢個世界其實每一日唔只有 24 小時, 每一日去到午夜零辰都會有一個鐘頭突o左出o黎, 叫做 dark hour. 但係世界所有人都唔知有呢個 dark hour, 因為去到o個個鐘頭, 所有o野都會停頓晒, 只有 d 怪獸可以出o黎搞事. 其實都有少少人o係呢個 dark hour 可以行動, 主角就係呢種人. 個故事就係講佢o既生活. 個 game o既玩法就咁, 一日裡面, 你呢個主角仲要返學, 仲要識朋友. o係日常生活中你讀書, 交朋友都好重要, 因為會令你成為一個意志更強o既人, 對作戰好有用. 到夜晚你就會出去打怪獸之類. 兩種生活你都會玩到. 所以有 d 似一半係傳統 RPG, 一半係 sims.
所以呢個 game 個重心變成係主角同埋佢身邊人o既關係, 而唔係好似近來好多 rpg 咁注重打交. 我覺得呢個 emphasis 好正確, 係呢隻 game o既強項. 我唔係玩o左好耐, 所以個故事整體我仲未知有幾好. 不過我知道個故係會一直向前推進, 而唔係返學放學去打交咁無謂重複, 因為一去到月圓又或者一個特定時間, 就會有 d 大事發生, 要去處理, 所以你都唔可以話日日用晒 d 時間去睇電影飲汽水, 而完全唔去打怪獸升 level (雖然你係可以咁做).
Subscribe to:
Posts (Atom)