If you use Facebook, you're old 😂

 

當年D白痴網民點講Heath Ledger做Joker?

當年公佈Heath Ledger被選中做Joker嗰時, 唔少網民話係一個錯誤的決定.

D網民食蕉啦.

Picture from: https://twitter.com/ATRightMovies/status/1681250402623160320

Final Fantasy 16

開始玩Final Fantasy係第四集, 嗰時仲係超任卡帶年代, 隻game係日文版本, 但基本上都睇得明個故事發生緊乜事, 自此就好鍾意Final Fantasy, 基本上邊部遊戲機會有Final Fantasy, 我就會買嗰部機. 但對上一隻我真係好鍾意的Final Fantasy 10, 已經廿幾年前, 12同13都算OK, 但15就直頭覺得爛, 所以當16就嚟推出嗰時, 我係零期待, 甚至考慮唔會買. 

呢幾日狂玩16, 相當喜歡, 未至於好似FF4, 6, 7, 8, 9, 10嗰種狂熱地喜歡, 但係都相當唔錯, 就好似我都幾鍾意Tales of Arise咁. 相信今個星期內會玩到結局, 希望個ending唔好咁sad, 希望我鍾意嗰D角色唔好死(晒), 事關隻game整體個tone都幾抑鬱. 

全人類欠梁日華牧師一個諾貝爾獎

 

錫安教會多次發現癌症殺手, 已經徹底克服癌症. 我覺得全人類都欠梁日華牧師一個諾貝爾獎囉 🙂

錫安教扮識希伯來文、扮識玩聖經密碼

 

班錫安膠拋書包, 寫好長的文章嚟推介聖經密碼, 扮晒識原文, 但一張圖就露晒底, 將希伯來文的"聖經"倒轉來寫, 真係笑大人把口. 仲有, 聖經密碼係原文的玩意 (一個白痴玩意), 證實錫安教班人扮識原文的同時亦扮緊識玩聖經密碼, 但其實班人係乜X都唔識, 根本唔知自己喺度up乜 sosad

基督教今日報教信徒用ChatGPT代寫禱文

 

基督教今日報呼籲弟兄姊妹奉獻, 幫助佢地開個ChatGPT功能, 聲稱有咗個咁先進的功能, 就可以幫大家連禱告詞都寫埋. 如果做信徒做到連禱文都懶得諗, 要個唔信耶穌的ChatGPT嚟幫手寫, 不如早日死咗佢好過啦 🤣

宏恩基督教學院

專門培養學生順服在上掌權者的宏恩基督教學院, 以CHRIST為核心價值. 但我相信真實演繹出來係以下咁樣:

C - Cheap

H - Hateful

R - Repulsive

I - Inhuman

S - Shameless

T- Tasteless

與老婆對談

我已好耐冇睇NBA的球賽，但仲係日日聽ESPN d 球評節目。

老婆：我好唔明，呢 d 節目講嗰場波你根本冇睇，咁有乜癮呢？

我：d 基督徒都係咁啦，唔睇聖經，但係個個禮拜返教會聽人講聖經。

老婆：#facepalm

錫安膠的眼眼得到神蹟醫治

 

 

這個錫安膠得到神蹟醫治的見證真係感人肺腑, 不過佢有冇諗過, 當你覺得"感覺好像有粒沙在眼皮裏", 係因為你只係有粒沙在眼皮裏? 吹沙入眼得到解決唔算係神蹟醫治囉 sosad

 

廢文共賞: 《大國的崛起與國家的命定》

何寶生係國度事奉中心的總幹事, 佢寫的文章喺國度復興報(香港)係以《國度角度》的名堂嚟刊登, 代表了國度復興報的官方立場, 但好多時都係D很有問題的廢文. 

例如呢一篇《大國的崛起與國家的命定》, 佢自己都知道以賽亞 49:12-16 係有爭議的經文, 根本上大多數學者認為其中冇提及過中國, 死海古卷最早期的以賽亞書亦冇提及中國, 但係佢就喺知情的情況下, 偏偏要用呢段經文嚟引證佢成篇文要make的嗰個point: 大國勃起了, 因為神要興起華人. 既然你都知經文有爭議, 咁你仲引證乜鬼嘢? 

小腦袋嗰個係佢自己, 唔好拉埋其他人落水.