黃衛雄牧師博士大顯身手

 

三一臨在浸信會嗰個黃衛雄牧師博士喺佢自己個IG page同教會page, 出咗篇長文, 如果佢唔delete, 大家都仲可以去觀摩見識下. 篇文係講聖經的得救觀, 喺篇文的下款"衛雄牧師 (博士)"之後, 加上一句: "附圖為公元一世紀使徒們的一位門徒寫給政權的基督教書信英文翻譯，當中表達出早期教會信徒的行為."

篇文有四張附圖, 第一張就係cap圖中的呢一張, 放張原文抄本的圖出來, 一顯佢身為(博士)的學術能力. 但佢只會呃到三一臨在浸信會嗰班盲毛, 我就認得呢個係乜嘢抄本, 呢個係Gospel of Judas的Coptic抄本嚟, 根本唔係聖經抄本, 亦唔係乜嘢第一世紀使徒們的信徒, 無啦啦post張完全唔關事的原文抄本圖出嚟扮勁. 條友對原文的了解甚淺, 偏偏又成日扮識, 以(博士)自居, 但又何必勉強呢? 專心舔共, 好好地接受自己唔識嘢的事實咪好囉.