頭先喺網上睇到有篇舊聞, 我5月5日答應咗要去間教會講道, 或者喺內容入面可以提到呢個故事.
Quelino
Ojeda Jimenez (20歲) 係一個非法喺美國居留o既墨西哥人, 喺2010年8月, 有一次佢喺一個工地工作o既時候,
喺20呎高空跌落地下, 令佢自頸以下全身癱瘓, 被送往有基督教背景o既醫院 Advocate Christ Medical Center
接受醫療, 後來病人不能支付醫療費用, 醫院就喺沒有病人同意o既情況下 (佢當時講唔到嘢), 喺2010年12月將佢強制飛返去墨西哥,
理由係俾佢能夠更加接近家人, 但係佢喺墨西哥嗰間醫院其實離佢家人4個小時車程, 一尐都唔近, 而更大鑊的, 係當地醫療環境差好遠,
Jimenez 賴以生存o既呼吸器冇資源每日清理, 後來經歷過多次感染後, 喺2012年1月頭死咗.
醫療費用當然係極高, 醫生亦要出糧, 醫院踢走病人是對是錯我唔喺呢度討論, 但係我想指出, 間醫院喺官網有
post 出明確的 mission statement: "The mission of Advocate Health Care is to
serve the health needs of individuals, families and communities through
a wholistic philosophy rooted in our fundamental understanding of human
beings as created in the image of God."
呢間基督教背景醫院, 當初成立嗰時,
就係為咗要服務以上帝形象創造的人類, 喺佢地當初o既使命入面, 冇提過錢, 冇提過國藉, 服務對象係人, 就係咁簡單, 可惜發展多年後,
有晒組織同好多好多考慮之後, 最重要o既使命卻忘記了, 踢走咗一個最需要佢地幫助同鄰恤o既人, 一個喺佢地信仰入面帶有上帝形象o既人.
當然唔止呢間醫院, 不少教會同耶教機構都處一樣o既情況入面, 發展到有規模之後, 高層眼中開始只見到發展, 增長, 物業, 收支,
卻忘記了教會或機構當初成立o既意義, 其實同呢尐嘢係冇直接關係.
No comments:
Post a Comment