保守教會阻反高鐵信徒受洗

=============================================
保守教會阻反高鐵信徒受洗

【本報訊】立場保守的基督教右派，近年在本港發展得聲勢浩大，不但呼籲信眾以白票反公投，還打壓信眾參與社會運動。宗教霸權關注行動成員秦晞輝表示，中國基督教播道會恩福堂一名有 10年信仰的 80後女信眾，懷疑因積極參加反高鐵運動，去年準備受洗前夕突遭教會喝停，批評右派教牧強迫信眾保皇。

秦晞輝昨日在「反對宗教護蔭權貴」記者會上，分享一名女性友人在教會內遭到邊緣化的經歷。他說這位 80後女性友人，已經有 10年信仰，是一位虔誠的基督信徒，但平日在教會內，得不到其他信眾認同，原因是她經常參與社運，包括反高鐵運動，每年也風雨不改出席六四集會與 7.1遊行，「佢每次同其他信眾講開呢啲社會議題，大家就傾唔埋，慢慢佢覺得自己喺教會內俾人邊緣化，有時甚至有活動都唔預埋佢參與。」

秦表示，有教會高層甚至對其友人說，盡量減少參與社運，「佢同我朋友講，做基督徒唔應該去呢啲集會。」但被友人一口拒絕。

主任牧師立場親建制友人原本準備於去年接受洗禮，並已完成了教會內要求的三個受洗前課程，然而在受洗前夕，有教會高層卻向她表示，暫時不能安排她受洗，原因是她的信仰未夠深，未適合受洗。秦坦言事件雖然對其友人帶來不少衝擊，但幸好沒有影響她參與社運的決心，「佢決定繼續留喺教會裏面，因為佢相信，有朝一日可以改變其他信眾嘅睇法， tune（調節）返正大家。」

......

=============================================

我最憎呢 d 嘢. 反高鐵而唔俾人受洗就估然係唔得, 而官方答案: "信仰未夠深, 未適合受洗", 亦同樣不知所謂. 受洗要信仰夠深, 到底聖經邊度有咁講過? 夠唔夠深, 到底又係由邊個決定? 你叫蘇穎智嚟同我 debate 下, 我一樣可以證實佢信仰同聖經知識未夠深. 我過去十幾年全職讀聖經研究同神學, 都未敢自覺"信仰夠深". 自以為信仰夠深o既人, 恐怕只係無知吧?