高登為民建聯作詩一首

民主建港好聯盟，
實建實幹有才能，
愛國聯共最熱心，
做事佢最德服人。
公平正義無自私，
懶惰退散為恥事，
未來香港佢帶領，
青年人才聚匯成。
常遭抹黑事不少，
誣告事件多陰招，
社民扮晒正義者，
毫無論點得把聲，
野心誰有天下知，
只剩謾罵更低B。
知書識禮民建聯，
從不亂攪心完全，
新秀輩出蛇變龍，
好漢如雲盛宴隆。
民建歷史最悠久，
四年耕種九月收，
五個選區七彩旗，
強勁口號人人記。
大家咪吝嗇選票，
要投精英民建聯，
佢地為你解疑難！

運動強國

==========================
Too Old and Frail to Re-educate? Not in China

By ANDREW JACOBS
Published: August 20, 2008

......

The two women, both in their late 70s, have never spoken out against China’s authoritarian government. Both walk with the help of a cane, and Ms. Wang is blind in one eye. Their grievance, receiving insufficient compensation when their homes were seized for redevelopment, is perhaps the most common complaint among Chinese displaced during the country’s long streak of fast economic growth.

But the Beijing police still sentenced the two women to an extrajudicial term of “re-education through labor” this week for applying to hold a legal protest in a designated area in Beijing, where officials promised that Chinese could hold demonstrations during the Olympic Games.

......

==========================

難怪運動強國攞咁多金牌, 真係身體力行, 做到人人做運動, 三歲到三百歲都要勞動, 磨其意志, 郁其體膚, d 領導可謂愛民如子.

我愛民建聯

民建聯一直為香港人勞心勞力爭取利益，這麼多年來
建立的形象又豈會被人惡意抺黑之下就崩潰？但總有
聯群結隊的人緊緊抓著民主的旗號，實質只是帶領些
最愛裝扮出一副有理想樣子的年青人，發出他們天真
無邪卻未經深思熟慮的激進政見。那種控制選票的無
恥行為是民建聯不屑去做的。民建聯為長者提供福利
正是一種常被攻擊的善行，但長者們的意願只傾向有
能之士，因此請大家停止抺黑民建聯。香港也只靠這
樣的鬥士才能繼續得到中央的大力支持，以及大恩惠
。

我的偶像

這裡發現愛 DVD

好難解釋, 唔知點解我好鍾意這裡發現愛呢齣嘢, 所以忍唔住買咗套 DVD, 喺 yesasia 訂, 要成 $90, 不過好處係唔使俾運費, 亦唔使俾稅. 上個星期送到, 非常開心, 可以喺大電視睇靚女馬尾妹 Nancy, 而畫面質素當然好過之前喺電腦度睇好多倍, 同埋我都留意到有不少地方電視版冇o既對白同畫面, 喺 DVD 入面有.

不過我唔鍾意個包裝. 喺劇入面求其 cap 張圖出嚟都會靚過佢專登影o既嗰套宣傳相, 個封面則尤其核突, 真係唔明 d 宣傳諗乜. 同埋一張 DVD 入面其實分好多集, 有時一集完o既時機好古怪, 係一段好有 feel o既對白中間打斷, 算係缺點. 同埋畫面始終係 4:3, 唔係 16:9, 算係好落後, 連亞視都不如.

DeConick: The Thirteenth Apostle

April, D. DeConick, The Thirteenth Apostle: What the Gospel of Judas Really Says (London: Continuum, 2007).

呢本係最近我覺得最鍾意睇, 亦係非常重要o既一本書. 作者 DeConick 係 Rice U. o既聖經研究學者, 專長係新約聖經以外o既福音書, 如 Gospel of Thomas. 呢本書有乜咁重要呢?

話說幾年前, National Geographic 話發現咗 Gospel of Judas, 當時有出電視節目, 而家都仲應該有得 BT 返, 亦出咗本 critical edition, 當中有猶大福音o既 Coptic 原文, 同埋英文翻譯. 根據呢本英文翻譯, 猶大福音係公元第二世紀一本好有趣o既書: 猶大唔係壞人, 唔係叛徒; 相反, 佢係英雄, 耶穌門徒之中只有佢一個知道耶穌o既計劃, 而所謂"出賣"耶穌, 其實係幫耶穌逃離冇用o既肉身進入永恆, 係猶大o既英雄事蹟之一. 但係當 DeConick 自己仔細讀過猶大福音之後, 佢發現猶大福音根本就唔係咁: 猶大依然係壞人, 係叛徒, 耶穌亦有鬧佢. 而 National Geographic o個本書會搞出個咁o既猶大係因為英文翻譯有幾處重要o既地方都翻譯得好差. 所以佢就出咗呢本書仔, 將來佢仲會出一本比較 technical, 俾學者睇o既版本.

呢本書頭一半, 主要係講早期教會背景, 講到o係第二世紀, 其實教會入面有好多鬼打鬼o既不同支派, 包括現代人最熟悉o既使徒教會啦, 相信新舊約聖經其實有兩個神o既 Marcionite 啦, 重視聖經靈上身o既 Montanism 啦, 仲有好複雜o既 gnosticism. 而 gnosticism 中, 又有分 Valentinian, Basilidian, 同 Sethian. 佢講咁多背景, 係因為o係本書o既第二部份, 佢打算展示其實猶大福音係典型o既 Sethian 著作, 冇 National Geographic 講到咁神奇.

至於本書後半, 就係全書戲肉. 呢度講到現有o既 critical edition 出錯o既地方, 非常精彩, 提出強力而合理o既挑戰. 舉其中一個例子:

National Geographic 翻譯:
And when Jesus heard this, he laughed and said to him, You thirteenth spirit, why do you try so hard?

DeConick 翻譯:
When Jesus heard this, he laughed. He said to him, Why do you compete with them, O Thirteenth Demon?

根據 NG o既翻譯, 耶穌稱呼猶大為 spirit, 視佢為比一般人類更高一等. 但係呢隻字, o係 Coptic 入面其實係 daimon, 最順o既翻譯係 demon, 魔鬼. 唔使識 Coptic, 識英文都睇得出.

書中仲有講到其他有趣例子, 有興趣o既應該要睇睇. 總結, 呢本書易睇, 適合非學者睇. 但亦係學者必讀, 因為佢指出好多猶大福音 critical edition 好多大錯o既地方, 係重要o既學術貢獻.

RPG 玩家恩物

我一向都係打 RPG 大. 當然, 好多其他類型o既 game 我都鍾意玩, 例如早排打 MGS4, 就好鍾意, 真係一個非凡o既經歷. 不過, 最吸引我o既, 始終都係 RPG. 不過, 我真係要講, 到而家為止, 幾部新o既遊戲機已經出咗幾年, 但係都仲未出過一個真正好o既 RPG.

XBOX 360 有好多所謂 "RPG 大作", 但係老實講, 我覺得全部都係垃圾. Blue Dragon 由故事到角色性格都非常幼稚, 係得畫面夠清, 實在冇乜可取之處. 至於亦將會喺 PS3 上推出o既 Eternal Sonata, 亦係麻麻. 雖然畫面唔錯, 配樂出色, 但係故事極差, 無無謂謂走來走去打怪物, 好無聊, 對白又寫得悶, 周不時由 d 角色講成半粒鐘獨白, 悶過聽道. 開始幾粒鐘, 覺得其中一個角色係蕭邦都幾過癮, 但係其實玩落就知呢個 idea 好無謂, 因為佢係蕭邦同故事無關, 而每個 chapter 之間加插講關於蕭邦生平o既片段亦係無謂, 同故事主線無關. 基本上, 蕭邦喺呢隻 game 入面只係一個用得好差, 令人失望o既綽頭. 至於最近雷聲大o既 Lost Odyssey, 亦係令人失望之作. 人物設計雖然出自名家, 但係其實除咗主角同佢老婆之外, 個個都好Q醜樣, 奸角又冇型. 雖然用成四隻 DVD 咁多, 但係其實畫面都唔係好靚, 只算普通. 而最大問題又係故事, 唔夠吸引, 幾位主角亦魅力極低, 我咁鍾意玩RPG都冇動力玩到尾. 呢幾隻所謂"大作", 比起PS2上面畫面差幾倍o既正 game 如 Shadow Hearts 2, Xenosaga 1 + 3, 真係天比同地比. 畢竟RPG就係要有好故事, 好角色, 對白寫得好, 唔係就點搞都係爛 game.

講返主題. 我發覺, 雖然我有 360, PS3, wii, 但係最近最多好 RPG 俾我玩o既係 PSP!!! 有兩個原因點解 PSP 係 RPG 玩家恩物. 首先, 可以喺 PSP 上面玩返 PSone d 舊 game. 而家我就玩緊之前成日聽人講, 但係未玩過, 而家俾人炒到成舊水一隻二手正版 game o既經典, 幻想水滸傳2, 仲要係英文版, 唔係日文, download 就有, 唔使買. 而家我只玩到一半咁上下, 但係真係好正, 故事刺激, 幾位主角之間關係有深度, 好想玩落去睇佢地結局如何, 論故事質素, 比起其實水準亦相當高o既幻想水滸傳5 仲有過之而無不及, 好玩過而家 360 上任何一隻 RPG 幾倍. PSone 有好多有質素o既 RPG, 仲有 Xenogears, FF 7-9, Vagrant Story, Legend of Dragoon, Chrono Cross, 只係翻玩都有排玩.

第二, 其實有好多好o既 RPG 只有日文版, 冇英文版. 但係, PSP 有好幾隻 RPG 都有漢化版, 例如英雄傳說 5 同 6, 我玩完水滸傳2 就會開始玩. 相信遲早第 6 集亦會有漢化版. 真係多 RPG 到玩唔切.

壞電腦

呢排部電腦都古古怪怪, 會無厘頭自己熄o左, 又會成日開唔到, 未入到 windows 就 hang 機, 要試幾次先開得返, 所以呢幾個星期我都唔夠熄機, 驚開唔返. 不過今日部機終於頂唔順, hang 咗一嘢之後就再開唔返. 所以出去買新機. 本來只打算買電腦, 但係連埋電腦買 mon 都幾抵, 所以買咗部 hp 電腦加 LG 22' mon. Total = $730 + tax.

不過好在佢死之前有咁多古怪, 所以一早就 backup 哂 d 嘢, 冇乜損失. 不過而家部機用 vista, 我真係唔識用個 Wifi Max, 所以聽日要出去買個 wireless router, 咁我 d 遊戲機同部 iBook 先上到網.

The Gospel Hoax: Morton Smith's Invention of Secret Mark

Stephen C. Carlson, The Gospel Hoax: Morton Smith's Invention of Secret Mark, Baylor University Press, 2005.

最近睇o左本令我覺得非常驚訝o既書. 作者唔係學者, 而係律師, 出本書話著名學者 Morton Smith 係大話精, 佢話發現到o既 Secret Gospel of Mark 其實係 hoax, 係惡作劇. 自從 Da Vinci Code 之後, 年中不知幾多唔係學者o既人出書講耶穌, 講教會歷史, 但係十本書中有十本都係垃圾, 一味亂 up 當秘笈. 但係呢本唔同, 著名耶穌學者如愛丁堡大學o既 Larry Hurtado 同 Duke U. o既 Mark Goodacre 都竟然極力推薦呢本書. 真係異數.

講少少背景. o係 1958 年, 一個天才學者叫做 Morton Smith o係 Mar Saba 修道院發現一封由 Clement of Alexandria 寫俾一個叫做 Theodore o既信, 而呢封信入面提及兼且引用到 Secret Gospel of Mark. Clement 係公元第二紀教會中一個好出名o既人, 所以如果係真, 咁 Secret Mark 就係年期算早o既福音書. 內容講到有一日有個女人求耶穌救返佢已經死o左o既細佬拉撒路 (新約福音都有類似故事), 不過耶穌都未做/講任何o野, 拉撒路就已經鹹魚番生, 自己走o左出o黎. 後來到晚上, 拉撒路只披住一張白布, "同耶穌過o左個夜晚" (意義不明...), 耶穌教佢"天國o既奧秘" (同樣意義不明...). Morton Smith o係 1975 年先出書講呢個新"發現"o既福音書. 問題係, 雖然有佢影落o既相, 但係當其他學者話要睇實物, Smith 就話封信係修道院o既物品, 佢唔可能帶走. 呢個解釋合理, 但係今日如果學者要睇實物的話, 修道院會話俾你聽已經搞唔見o左, 因為佢地有好多書, 唔見o野好平常. 所以就產生一個問題, 只有發現者 Smith 自己見過實物, o係冇得驗證o既情況下, 好難講到底係真有其信, 還是假o野.

由於 Smith 係知名學者, o係哈佛同哥倫比亞教書, 佢唔需要靠造假o黎出位, 所以好多學者都比幾乎面子佢. 有耶穌學者開始當 Secret Mark 係真o野o黎研究: 有人話 Secret Mark 其實仲早過聖經入面o既馬可福音, 亦有人話 Secret Mark 講到早期教會以斷背為一種宗教儀式云云... 不過當然, 亦有為數不少o既學者對 Secret Mark 好有保留.

而我想講o既呢本書, 就話 Secret Mark 係 Morton Smith (而家佢已經死o左) 搞出o黎o既 hoax. 作者好小心分開 forgery 同 hoax. Forgery 係為錢, 或為名而造出o黎o既假o野, 而 Smith 冇動機做呢 d 咁o野. Hoax 就唔同, 造假只為表示自己比其他人聰明, 有 d 類似惡作劇. 而 hoax 同 forgery 最重要o既分別係製作者o既心態: 前者雖然係造假o野出o黎欺騙人, 但係同時又希望終有一日會有人睇得出佢其實係講緊一個幾咁利害o既大話, 可以欺騙到人咁多年, 所以 hoax 會留有一 d 只有聰明人先睇得見o既"密碼", 係製作者以佢o既方式講"冇錯, 係我做o既, 而家先睇到, 你話你係咪 on9?"

呢本書o既作者係律師, 所以佢就以現代字蹟 forensic 去驗呢封信. 佢指出好多地方其實都有假造字蹟o既 characteristics, 例如筆劃最後唔尖, 有 d 應該直去o既筆劃變成彎彎曲曲, 有 d 筆劃斷開又再接返之類, 都指出寫呢封信o個個人似係好慢好小心咁"畫"字多過好順咁"寫"字. o係本書度有相睇, 我覺得佢指出o既地方的確有 d 詭異.

之後, 本書又提及 Smith o係其他學術發表當中有另一份文獻 (佢發表過大量呢類o既希臘文文獻), 而好怪異地, 呢份文獻o既字蹟同 Secret Mark 非常相似. 據 Smith 講, 抄寫呢份文獻o既人叫做 M. Madiotes. 但係 Madiotes 唔係真名, 希臘文根本就冇呢個名, 有可能係 madao (譯: 光頭, 或者古惑仔) 呢個希臘字, 加個希臘文常有o既 ending 落去 (好似日本名叫"光頭太郎"咁). Smith 佢o既名o既簡寫亦係 M., 佢係一個光頭, 如果佢係 Secret Mark o既仿製人, 咁佢就真係非常古惑. 所以 Stephen Carlson 認為, 呢個其實係 Smith o既簽名, 就好似 d 乜乜大盜偷完名畫留底個朵一樣.

而且, Smith 留底o既"簽名"唔止一個. o係呢封 Clement 寫o既信入面, 講到"當真o野同雜質混合埋一齊, 就會失色, 就好似鹽變到冇味一樣". 問題係古代o既鹽係一舊舊, 唔係一粒粒o既, 點樣同雜質混合呢? 而發明將鹽製成並且保持成粒狀o既人係 Morton Salt Company o既化學工程師, 當時係 1910 年. Morton Smith... Morton Salt Company... Stephen Carlson 相信呢個係另一個 Smith 玩o野證據.

呢本書仲有講好多其他o野, 不過我諗都講夠. 我覺得呢本書值得一睇. 唔係學者寫o既, 只有一百多頁厚, 但係竟然有學術價值. o係最近一期o既 Journal for the Study of History Jesus, 就有學者寫文反對呢本書, 證明呢本書係有討論o既價值, 唔似得好似 d 乜乜 Holy Blood Holy Grail 同 Jesus Papers o個 d 垃圾咁.