Persona

嘩, 成個月冇寫過 blog 咁滯, 因為我一向都當 blog 係我自己日記, 但係呢成個月我日日都做份 proposal, 而家得返三個星期就要交, 但係都仲未搞掂, 所以緊張到冇心情做其他事情. 最多就係睇電視 (劇集 or 電影), 因為可以一邊睇, 一邊做o野.

繼上次 Virgin Spring 之後, 上個星期因為返學所需, 睇o左 Ingmar Bergman 另一齣戲, 叫 Persona, 下面係呢齣戲有名o既開場. 故事大概係講有個女演員, 突然之間啞o左, 唔知係病定係佢自己唔想再講o野, 有個女看護就同佢去一間渡假屋休息, 其間個佢地兩個變得越o黎越 close, 個女看護亦開始同個女演員講出一 d 佢自己都覺得羞恥o既秘密. 當個看護知道個女演員其實可以講o野, 同埋個女演員其實係 study 緊佢之後, 佢地o既關係就開始發生變化. 故事去到呢度係呢齣戲o既中間, 亦由呢度開始變到好怪. 我就一 d 都唔明佢想做乜. 不過呢齣戲拍得好靚, 黑白, 但係 d 鏡頭好靚. TVB 最近o個齣膠劇"最美麗的第七天"懶夢幻咁拍到濛查查咁, 自以為好型, 學下o野啦.

o係呢齣戲入面, persona 就係每個人過每日生活時戴上o既面具. 一向都聽人講面具唔係好o野, "真我"先係好. 但係呢個故事就講, 當除去面具後, 一段本來平和o既友情可以立時變得暴力, 出現裂痕. 所以對朋友o既背景產生興趣係正常表現, 想去八朋友o既秘密亦無可厚非, 但係亦要知道, 面具亦可能係君子之交o既重要工具.