2025年終報告

全年睇咗一共191齣戲, 其中有165齣係之前從未睇過的, 其餘係翻睇. 未能突破200齣, 係因為今年花多咗時間睇劇同打機. 2025睇咗14齣劇, 其中包括有156集的海女; 仲有爆咗14集game. 

舊年最重要的總結, 就係因為睇加奈子的幸福殺手生活, 所以鍾意咗能年玲奈, 基本上全年都喺度睇佢D電影同劇, 聽佢D電台節目同歌, 好忙. 

片渕須直的霸氣

頭先喺網上見到有人post文藝春秋喺2017的一篇文章. 其中有一段, 片渕須直講點樣搵佢想要的人選嚟演《謝謝你，在世界角落中找到我》入面個小鈴, 乜原來佢係一個咁有霸氣的人嚟 sosad

~~~~~~~~~~~~~~~

片渕須直導演的執念

片渕須直導演長年在日本動畫界巨匠宮崎駿身邊工作，曾在《魔女宅急便》（1989年）中擔任演出輔佐。 2009年11月上映的自導作品《魔法之少女》，更在多個海外影展獲得最佳長篇動畫獎。

我在南阿佐谷的製作工作室拜訪了片渕導演。

談到電影大受歡迎的感慨時，他深深吸了一口氣，緩緩說道：

「這部動畫的籌備是從2010年開始的。三年後，我心裡出現了一個念頭──主角鈴，非這個女孩莫屬。那就是在《海女》裡主演的能年玲奈。」

這是一場命運般的邂逅。

片渕導演回憶：「我太太（動畫師浦谷千惠）在武藏小金井的一間潛水學校上課。 那裡的泳池，正是《海女》裡飾演海女的女演員們接受自由潛水訓練的地方。」

雖然訓練時泳池會封閉，導演本人並未與能年直接見面，但太太的教練同時也是《海女》團隊的指導，因此偶爾會聽到訓練的情況。

「晨間劇的女主角是海女，而她們就在我太太常去的泳池練習，然後真的到三陸的海裡潛水捕海膽。這份親近感，讓我和太太都忍不住盯著《海女》看。 尤其是主角阿秋太可愛了，我們夫妻倆甚至說：『將來電影的主角聲優，就請阿秋來吧。』這成了我們的一個希望。」

資金困境與眾籌

長篇動畫的製作資金並不容易籌措。 片渕導演一邊為作畫、演出蒐集資料，一邊等待製片人真木太郎的資金消息。

真木製片人決定透過群眾募資。 2015年3月展開的「支持片渕須直導演《謝謝你，在世界角落中找到我》動畫化」計畫，最終募集到4,000萬日圓，讓製作得以正式啟動。

然而，就在此時，片渕導演面臨了震撼的事實── 他心中唯一能演繹鈴的能年玲奈，卻完全消失不見。

「非她不可」的信念

片渕導演回憶：「當時我想讓能年來演鈴，但她完全聯絡不上。 我們只能從新聞報導得知她的狀況，也不知道未來會怎樣。 許多工作人員認為，如果讓與事務所鬧翻的女演員擔任主角，整部電影都可能陷入危機，因此大多反對。」

即便如此，他仍不願放棄，設法找到能年的聯絡方式，親自提出邀請。

「第一次聯絡是在2016年2月左右，但遲遲沒有得到答覆。 4月至6月間，我們為數十位聲優舉辦了試音，但其中沒有一個是鈴。 因為，除了能年，誰都不行。」

製作團隊為了作品安危，反對聲音不斷。 片渕導演終於忍無可忍，當場怒斥：

「你們要欺負一個年輕女演員到什麼時候！ 這麼有才華的人，還要被漠視多久！」

他心中早已決定： 「我要用のん的聲音完成這部電影。能演鈴的，只有她一人。」

這份覺悟，逐漸傳達到整個製作團隊。

2016年7月，能年玲奈與前事務所的合約正式結束，改名為「のん」的她，終於接到邀請── 來參加《謝謝你，在世界角落中找到我》的試音。

[Howtin字幕組] 用繁中字幕聽能年玲奈做電台節目

由於早排睇咗日劇"加奈子的幸福殺手生活", 超級鍾意, 覺得個女主角係神級演出, 所以去搵佢一D過去幾年的舊戲嚟睇, 連續有三齣都非常喜歡, 十分難得. 後來發現佢過去幾年, 每個月都有一日去做電台節目主持, 好多訪問對象都望落十分有趣, 矢野顕子、湊佳苗、堤幸彦、岩井俊二、宮藤官九郎、奈良美智、片渕須直... 我好想聽, 所以我研究咗一排, 學咗自製中文字幕. 不過AI其實十分不可靠, 我相信入面肯定係有好多錯漏, 但只要大致上我聽得明個節目, 咁我就好願意收貨. 

我將整好咗又望落OK的字幕 (srt files) 放晒上google drive, 有興趣的, 就自己下載個字幕檔, 然後按住個file name搵返集節目嚟download, 然後用VLC或potplayer等睇片程式, 就可以睇住字幕嚟聽/睇節目. 我每日都仲聽呢D節目, 會不斷更新. D字幕有D係佢電台節目, 有D係佢兩個youtube頻道的片, D links方晒喺下面. 亦有一D係其他我喺youtube見到訪問佢的片, 你自己search. 

Howtin字幕組:

drive.google.com/drive/folders/1xLqSzDCH8FVORRG6Z17oTy73Vd0Vi61H?usp=sharing

Non - 電台節目:

podcastindex.org/podcast/475113

Non - Youtube 1:

https://www.youtube.com/channel/UCTXy0Aer3qovlJOpcSXAoAA

Non - Youtube 2:

https://www.youtube.com/channel/UCj4G2h4zOazW2wBnOPO_pkA

[免費書] T C Schmidt, Josephus and Jesus: New Evidence for the One Called Christ

T C Schmidt, Josephus and Jesus: New Evidence for the One Called Christ

https://academic.oup.com/book/60034

令錫安教會無法發揚光大的罪魁禍首

梁日華牧師有冇諗過, 錫安教會無法發揚光大的原因, 可能係因為佢地教人食太陽? 可能係因為佢地多次預言世界末日而冇發生? 做乜事無厘頭瀨落香港其他教會度? sosad

用電腦玩PSVR2

當初PSVR2推出嗰時我就已買咗, 雖然佢冇乜game玩, 早就已經苟延殘喘, 但用佢嚟玩Gran Turismo 7真係令我大開眼界, 所以都冇乜後悔. 

舊年Sony估計已決定放棄PSVR2, 所以出咗個官方adapter, 俾人插落電腦度用. 當時我都已打算買個adapter嚟試下, 因為我除咗PlayStation嗰D VR之外, 我係未試過喺電腦用VR. 但自從推出後, D adapter一直都處於sold out狀態, 喺Amazon有好多望落似係大陸整的山寨adapter, 但全部都係同官方版本一樣價格, 簡直係欺人太甚. 但早兩個星期, 有次上Amazon, 唔覺意見到Sony嗰個adapter有貨, 所以終於買到. 

Set up過程都幾簡單, 可以透過SteamVR嚟用, 不過有幾件事留意: 1. 如果有個別program連接唔到個controller, 就可以用Steam嚟set up對controller, 已經有人放咗PSVR2 controller個template喺上面有得揀, 唔使自己搞. 2. 要開咗個PSVR2之後先開SteamVR, 次序倒轉會搞到我部電腦個SteamVR crash; 同埋crash完之後, 再開個SteamVR話佢disable一個add on, 我由得佢disabled, 冇乜影響, 都唔知乜嚟, 我都係用到就得. 3. 我見網上有人話PSVR2個resolution唔使用到100%, 喺SteamVR嗰度set到去2800以上就夠. 

我試咗一D大家都推介的VR game. Half Life Alyx好好玩, 我從來冇玩過Half Life, 呢隻VR game令我想遲下去試下Black Mesa. 跟住我又試咗Lone Echo, 又係好好玩. 不過Lone Echo係Oculus的game, 唔可以就咁用SteamVR嚟玩, 需要download個叫做Revive的program嚟玩. 簡單嚟講, 就係跟住呢個官網的步驟嚟做: https://github.com/LibreVR/Revive. 

需要注意的, 係如果想開一D唔係喺Oculus個store度直接買的game, 就要用admin嚟開Revive, 然後right click Revive個icon, 用"inject"嚟揀想開嗰隻game的exe file. 

喺呢度做個記錄, 以防將來唔記得點用. 而家我人老咗, 記性越來越差, 會唔記得的機會極大.

政治特權對基督教有害的證據

Nilay Saiya喺Christianity Today刊登的有趣文章:

https://zh-tw.christianitytoday.com/2024/01/christian-persecution-political-privilege-decline-zh-hant/

From Josephus to Yosippon and Beyond

成本 "From Josephus to Yosippon and Beyond" 可以喺 Brill 的官網免費下載. 原價US$168. 

https://brill.com/display/title/69894

Jodi Magness talks about the Dead Sea Scrolls

https://www.nationalreview.com/podcasts/the-great-books/the-dead-sea-scrolls/ 

梁燕城講『666與大巴比倫之謎』

梁燕城早前喺802基督教敬拜會有個主日講題, 講『666與大巴比倫之謎』. 開始嗰時講咗少少但以理同啟示錄, 跟住就基本上係成個鐘喺度講美國係666同大巴比倫, 講神秘學, 講陰謀論, 講光明會、共濟會, 講美國國璽印有666, 美金1蚊又有666, 買嘢barcode有666, 人體晶片又係666, 同梁日華牧師喺錫安教會嗰D主日講道內容冇分別.

條片好多人睇, 10萬view以上, 好多弟兄姊妹紛紛留言話梁博士好嘢, 多謝梁博士. 其實呢班人係基督徒而唔係錫安教會信徒, 純粹係因為當初帶佢地返教會嗰D人唔係返錫安教會, 否則佢地都會信梁日華信得好開心, 聽佢講去飲雙氧水、食太陽、啪咖啡豆灌腸. 

Source: https://www.youtube.com/watch?v=NwXXdYub-WA