政治特權對基督教有害的證據

Nilay Saiya喺Christianity Today刊登的有趣文章:

https://zh-tw.christianitytoday.com/2024/01/christian-persecution-political-privilege-decline-zh-hant/

From Josephus to Yosippon and Beyond

成本 "From Josephus to Yosippon and Beyond" 可以喺 Brill 的官網免費下載. 原價US$168. 

https://brill.com/display/title/69894

Jodi Magness talks about the Dead Sea Scrolls

https://www.nationalreview.com/podcasts/the-great-books/the-dead-sea-scrolls/ 

梁燕城講『666與大巴比倫之謎』

梁燕城早前喺802基督教敬拜會有個主日講題, 講『666與大巴比倫之謎』. 開始嗰時講咗少少但以理同啟示錄, 跟住就基本上係成個鐘喺度講美國係666同大巴比倫, 講神秘學, 講陰謀論, 講光明會、共濟會, 講美國國璽印有666, 美金1蚊又有666, 買嘢barcode有666, 人體晶片又係666, 同梁日華牧師喺錫安教會嗰D主日講道內容冇分別.

條片好多人睇, 10萬view以上, 好多弟兄姊妹紛紛留言話梁博士好嘢, 多謝梁博士. 其實呢班人係基督徒而唔係錫安教會信徒, 純粹係因為當初帶佢地返教會嗰D人唔係返錫安教會, 否則佢地都會信梁日華信得好開心, 聽佢講去飲雙氧水、食太陽、啪咖啡豆灌腸. 

Source: https://www.youtube.com/watch?v=NwXXdYub-WA

梁燕城講十二位先祖遺訓講到錯晒

梁燕城錄咗條片, 講Testaments of the 12 Patriarchs有幾神奇, 如何顯示神蹟, 點樣可以預言到耶穌生平同釘十字架. 但同預期一樣, D內容講到錯X晒, 水準同youtube講神秘學嗰D無料扮四條嘅沐咀完全冇分別, 令人痛心疾首.

例如呢張slide最下面嗰段, 佢為咗要證實Testaments of the 12 Patriarchs關於彌賽亞嗰D內容係預言而唔係基督徒事後寫上去的, 佢話"死海古卷找到其中5本書的殘卷...是猶太人所寫, 不可能是基督徒之作". 死海古卷根本就冇Testaments of the 12 Patriarchs的抄本, 條友根本亂up. 仲有好多其他重大的錯誤資訊, 難以盡錄.

梁燕城真係好墮落. 無論係梁燕城、影音使團、錫安教會梁日華, 呢D咁鍾意搵埋D假料錯料嚟講的人, 其實係最小看聖經的人. 佢地就係一心諗住講聖經冇market, 講聖經係趕客, 所以一味去搵D佢地心目中係流量密碼的話題嚟講. 梁燕城呢條片有5萬個view, 但有咩意義? D內容係假的, 係錯的, 無論幾多人睇到, 最終都係一個謊言.

Source: https://www.youtube.com/live/51JxTJ8VLz8?si=ecYDCH-XOLxtspbr

梁燕城 = 港版Ron Wyatt

呢個係梁燕城同影音使團冇幾耐之前辦的一個福音主日, 喺度講埋D垃圾護教料, 出咗多張呢D所謂喺紅海發現的法老車輪, 根本就係Ron Wyatt級數的垃圾假料, 用嚟做福音主日材料, 真係冇得頂 sosad

梁燕城同影音使團真係好墮落.

Source: https://youtu.be/4_0PrIPF3vU?si=QDBAfQCMSqYWB5BC

 

東方閃電解釋點解神選擇喺中國展開末世作工 sosad

 

東方閃電喺《話在肉身顯現》表示, 神選擇在末世時刻喺中國顯現自己, 係因為中國人最下流, 如果全能神連中國都可以征服的話, 咁就征服全宇宙都係 easy job. 

我經常取笑全能神, 但係呢段我駁唔到 sosad

2024 4月天使心的方舟專題 (留底)

中國香港探索隊影音使團

最新嗰期天使心, 內文其實都係十幾年前嗰D嘢咁上下, 但係個題目真係好騎呢, 忍唔住講2句.

1. 無啦啦煞有介事咁講明係"中國香港探索隊", 袁文輝早幾日又喺個blog度quote習大大指令, 唔知佢地呢排搞乜, 好愛國. 大家信埋同一個神的弟兄姊妹好心勸佢, 死都唔肯聽; 一個無神論政黨, 搶住衝埋去舔, 我真係唔明呢D人係咩諗法.

2. 內文扮晒小心, 話"考古學上仍未能說這就是挪亞方舟", 但係自己篇文就大大個主題寫明係"挪亞方舟遺址", 真係WTF sosad

"完全不是有誠信、負責任的科學家所為"

近來喺度睇返電腦D舊料, 有D真係好好笑. 例如呢篇, 喺2011年11月18日, 影音使團刊登咗份號外 vol. 2, 同D反對佢地的人嗌交. 雖然而家佢地講D乜鬼嘢人類命類共同體, 又話和平最重要, 但當年佢地瘋狂辱罵完佢地個對手後, 最後仲寫: "具體的科學報告，會待科學團隊作更深入研究考證後才公佈。NAMI聽取專家的意見，會由學歷受認可的科學家撰寫報告，通過同輩評審，在學術期刊發表文章。不像Dr. Andrew Snelling，只憑一張碳14的報告簡表，便大做文章，完全不是有誠信、負責任的科學家所為。"

咁而家過咗十幾年, 我想問D文章登咗喺邊D通過同輩評審的學術期刊? 

話俾大家聽搵到挪亞方舟

27:54 > "你會見到D木呀, 拍晒呀, 所以一定要話俾大家聽, 喺嗰日裡面好感恩, 翡翠台同明珠台都有播呢個新聞, 話俾大家聽搵到挪亞方舟."

影音使團2024合作簽署典禮

 

圖: 十幾年前影音使團的新聞稿

就住影音使團2024年的方舟發佈會, 大公報咁報導: "挪亞方舟國際事工於昨日舉行《中土文化考古交流發布會 暨挪亞方舟國際科研考察及文物保育基金共同合作簽署典禮》，象徵挪亞方舟國際科研考察及文物保育基金會，與一眾國際學者、政府代表等包括土耳其伊迪爾大學，展開共同科研考古合作。"

好似好勁咁, 同政府代表簽晒嘢咁, 但溫馨提示: 其實十幾年前影音使團都喺記者會上同土耳其官員代表簽晒協議, 結果係點, 大家都有目共睹.

影音使團2024方舟發佈會有咩新發現?

 

影音使團潛水多年後開方舟發佈會, 我都好期待會有咩新嘢可以睇下, 點知主要就係話舊木結構有榫位, 似中國式建築. 但係我明明記得, 喺十幾年前佢地已留意到木榫位呢件事, 做乜要過咗十幾年後開個記者會嚟講? 我只可以理解為, 班友真係冇新發現可以講, 唯有舊料扮四條, Remake扮續集 sosad

圖: 十幾年前影音使團的新聞稿

方舟代表「人類命運共同體」?

圖: 星島就住影音使團2024年方舟發佈會的報導

袁文輝是咪唔睇舊約同啟示錄, 只睇福音書同保羅書信嗰種信徒? 條友是咪冇聽過神點帶領以色列人出埃及、入迦南? 係咪唔知大衛王除咗衰咸濕之外, 仲有乜嘢出名的事蹟? 呢條渠頭似係宣傳緊一帶一路多過傳福音 sosad

15首最鍾意的Aimer歌曲

春はゆく

7月の翼

あなたに出会わなければ 夏雪冬花 

六等星の夜

AM02:00

AM04:00

小さな星のメロディー

Ref:rain

茜さす

Dawn 

星屑ビーナス

March of Time

寂しくて眠れない夜は

everlasting snow

RE: I AM