我係咪就快要死了？

我係咪就快要死了？

尋日個肚唔舒服，出去藥房買成藥嗰時，見有個血壓機，貪得意玩咗一嘢，點知發覺自己血壓很高 sosad，真係金翅仆街鳥。都未確定嘅，因為要長尐時間觀察，不過我都覺自己心肺很弱，好唔健康。

頭先search下，發覺我公司個客教我做的運動，對高血壓係好有幫助，咁就令我更有興趣持續落去。從未試過咁有動力想去跑步，呢種狗衝式運動，真係好適合我呢尐咁冇耐性嘅人。

心跳

最近有時感覺自己的心跳有點快，本來我都唔係好留意自己的身體狀況，但呢排又覺得健康都幾重要，所以會刻意感覺下。其實平時我都有做運動的，但由於冇耐性，我都是做尐很重、幾下就做到攰的嗰種運動，練心肺的運動通常要花至少半個鐘時間，我係一向都唔做的。

但而家既然想強健心臟一下，頭先做咗陣research。又碰巧我公司有個客，是打冰上曲棍球的，身體很好，佢頭先教我一個佢自己練過的妙法，就係用盡全力跑20秒，然後行40秒，跟住不斷重覆，直至唔想做為止。佢話只係咁樣做幾嘢，就已經會令心肺功能勁好多。考慮到咁鬼慳時間，我決定聽日起，開始試下這個活動。我見網上也有不少資訊，似乎真是有尐料到，發達喇今次！