4月1日懷念的是...

返工眼瞓怎麼辦?

返工眼瞓就聽這個!! 立即由眼瞓變熱血沸騰! 洛克人由細玩到大, 尐音樂真係好正, 尤其是最後嗰段 Dr. Wily Stage 1, 型到爆肺. 生活不順, 就刻意去做尐必然會順的嘢, 這就是我的格言 (一秒前作出來的).

刺青

其實已經有好一段時間, 我考慮喺手腕位置整個紋身, 反正都已冇乜可能搵到教會工做, 只係未打聽到邊度刺比較安全, 亦未諗到刺乜嘢圖案好, 所以遲遲都未去整.

不過頭先見到偶像女神魏如昀喺facebook話, 為咗慶祝生日 (3月19日!), 出去整咗個手腕紋身! 真係英雄所見略同, 不枉我咁鍾意佢!! 搞到我而家都好想去整, 不過我見佢好似拮粒星星出嚟, 我唔可以抄佢, 太女性化 sosad.

死了, 死了

尐花係靚, 不過都係放唔耐, 已經死的死, 殘的殘, 好在綠葉可以維持長久些. 好嘢總係唔可以keep得耐, 雖然有嗰時很正.

3am起床的星期六

我唔明, 呢排我成日醒咗瞓唔返, 今日仲3點就醒, 但係全日都不會眼瞓或攰, 但攰唔攰唔係重點, 最衰係時間太多, 有點難過, 成日咁長好難挨. 今日9-11做howtinlive, 接第一個電話時都仲相當精神, 但後來就開始覺得冇咁集中, 好難專心. 跟住出去食咖喱牛腩飯, 喺街睇床褥, 返屋企做運動, 幫樽花換水, 都相當充實.

到下午老豆又約我去佢屋企食牛肉, 佢成日都係咁, 煮開一樣嘢就狂試,直至練到火喉剛剛好為止, 所以呢排個個星期食焗牛肉. 不過有得揸車聽下歌, 見下老豆, 又有湯飲, 是開心愉快的, 時間也過得快些. 唉, 仲有星期日, 都唔知做乜好.

回歸

我第一個blog應該係喺xanga, 後來搬嚟blogspot, 再後來先有youtube頻道, 所以呢邊其實都算老牌, 是舊有產業. 經過棄置成年, 我估應該已經冇乜人嚟睇, 正好用嚟記錄我自己的私人嘢, 又可以search得返, 好過放喺facebook (好似係). 當然,可能仲有兩三個人唔知點解會嚟呢邊睇, 咁我相信係緣份, 都抵佢地聽到我唔喺其他地方講的誠實說話.

至於最近生活, 做o既嘢差不多, 依然係做緊明報份工, 我學歷廢, 搵其他工唔易, 見過幾次都不成功, 有時有freelance就做下, youtube廣告又有少少, 夠我出去食幾餐焗豬扒飯咁上下. 用我最多心血同時間的, 我覺得係熱血時報嗰個耶教異聞錄, 做得不好, 但都用我很多時間, 不過答應咗要做o既嘢, 就盡力預備好些, 都唯有係咁. 所以而家基本每星期花5-10個鐘準備異聞錄, 花兩三個鐘錄howtinlive, 還未計一般的短片, 感覺都有少少忙碌. 老老實實, 本來我都覺講嘢有多少重複, 有舊片被人傳閱就已經足夠, 是有打算慢慢變唔錄. 但最近有些平時貌似甚有霸氣的朋友, 因一些事就好似豆腐咁成個人散晒. 我的性格係, 好多人有興趣做的嘢我會保持距離, 因為都多我一個唔多; 冇乜人做的嘢我會覺得有興趣做下. 既然平時同道的朋友散晒, 咁我咪維持多一陣, 又唔會覺得為難o既, 都很樂意, 仲表現得懶瀟洒懶有霸氣, "橫掂都做, 攞彩攞足尐", 係我的人生格言 sosad.

不過只係表現出來, 其實最近精神都不好, 差唔多每晚都醒咗瞓唔返, 生活上有些改變, 感覺有些難受. 我見有尐男仔朋友, 好似BB仔咁, 心情唔好就不斷呻吟, 事實當然係想要被人呵被人tum. 我都有需要作些少渲洩, 但如果搞到被人呵護被人tum, 被人問有冇事, 其實我會覺得很尷尬, 所以這些事, 喺呢邊寫, 會好過喺其他地方, 喺呢度可以安全些, 我disable埋尐comment, 包冇人可以留言關心我 sosad.

娃娃唱我可以

家姐好正, 搞到我突然覺得《我可以》都幾好聽, 最後仲整句「可以嗎? 可以嗎?」, 嗚呀

The Secret Life of Walter Mitty

我唔鍾意Ben Stiller, 但係覺得The Secret Life of Walter Mitty很感人. 其實我覺得齣戲太長咗少少, 不過有尐戲, 即使覺得佢有多少瑕疵, 但係其中一些對白或場面太好睇, 可以蓋過一切. Walter Mitty就係咁樣, 其中有一幕我好鍾意, 個主角喺度難以取捨點做的時候, 佢突然發白日夢聽到女主角唱David Bowie嗰首Space Oddity俾佢聽, 令佢衝上去部直升機度. 嗰一幕有意思, 歌又好聽, 又可切合歌詞, 再配合跳上直升機一飛沖天的畫面感覺, 睇得好開心.

生日禮物

今年收到一份以前冇收過的生日禮物, 很有新意, 好鍾意 sosad. 紫色 iris 的顏色很奇幻, 用相機影唔返出嚟.