[HowtinLive] 萬聖節特備節目 大迷信

我都好少喺自己blog post自己節目, 但係呢集HowtinLive系列好特別, 真係笑爆嘴, 係傾得最開心o既一集, 雖然係講鬼故, 但係氣氛非常歡樂.

教書

隔o左應該有超過一年後, 尋晚又開始教書了, 今次教科o野叫做"Biblical Interpretation". 不過之前教書o個時, 我仲做緊 part-time, 教書o個日根本唔使返工, 而家就要返工返到六點, 之後立即飛車去Surrey教書, 教到十點又楂車返屋企, 真係覺得好攰好辛苦. 以前o係同一間學校教, 每一科都係得六堂, 今次唔知點解加到七堂, 即係仲有六個星期挨, 差唔多成兩個月.

除o左攰之外, 我覺得成班只有三個學生都好麻煩, 真係小班教學, 唔係講笑. 呢間學校真係好水皮, 發展o左成年, 學生人數仲少過我之前教緊o個陣. 好明顯佢係搵唔到其他人想教先叫我, 個校長都唔知我咩料, 我要講o野, 大把人想聽啦, 下次我一定會坐地起價, 唔係等佢以為咁過癮.

不過, 雖然好辛苦, 又教得冇癮, 不過我知道係值得的. 因為我人工係每小時$40, 每堂三個鐘, 一共七堂, 即係教一科咁o野會有$840, 夠我去旅行, 見我想見o既人或者做我想做o既o野. 嗯, 咬緊牙關頂埋佢.

100,000

今日係特別日子. 第一次有條片過100,000. 不過由於係唔用腦求其錄嚟滿足下朋友要求o既膠片, 所以嚴格上嚟講今次唔算數.不過都值得留個紀念.

終於會成功的

《戰神MARS》vol. 8

免費 Loeb Classical Library 系列

以前返學o個時成日夢想會終於儲整Loeb Classical Library入面每一本, 不過而家我最大興趣已經唔係聖經研究 (而家我係冇任何 hobby), 當然唔會搵 d 咁錢o黎嘥.

不過由於年代久遠, 其實Loeb Classical Library入面好多書都已經冇o左版權, 近日有人將其中已經完結晒版權o既書放上網, 合共有245個 pdf file: http://ryanfb.github.com/loebolus/

其中好多對聖經學生都係重要o既資源, 例如 Josephus, Suetonius, Herodotus, Pliny the Younger等. 呢個系列o既特別係有英文同原文對照, 所以讀書時人人都要用的.

林以諾反對原文解經

7 年希伯來文唔夠精通, 即是話要花更多時間喺語文上面, 解經時更加小心, 要保持謙虛, 而唔係放棄原文解經. 竟然有人公然反對原文解經, 除咗美國嗰D King James Only癲佬之外, 林以諾係第一個.

嗯, 即使係林以諾, 都冇理由癲得咁徹底. 可能係棟篤笑片段...

影音使團 + 以勒基金 = 襯到絕

原來影音使團同以勒基金有瓜葛。都o岩o既，無可否認係郎才女貌，天生一對。

HowtinLive 第二集

HowtinLive第二次試播, 有金德寶做嘉賓主持, 喺facebook page上面即時連留言都多D. 唔, 物以類聚, 我o既聽眾果然係以毒男同狗公居多. 過程都OK, 最唔好係花太多時間喺個phone-in癲佬度, 唔能夠接聽更多電話, 呢點有D可惜. 同埋有人話好lag, 下個星期可能轉用Justin TV, 睇下會唔會順D.

下載link: http://www.mediafire.com/?4witl4dj0z83fo9

河蟹Howtindog的報應

之前我有個朋友去o左影音使團一個希望藉此翻身o既宣傳聚會，所以同佢做o左集youtube節目，講下呢個所謂反思會o既見聞，點知影音使團o個邊有人向youtube投訴，無厘頭河蟹o左我條片。OK，o既然你意圖用無理投訴o既手段將我o係youtube上o既聲音消滅，我就o係其他平台出聲。低b仔，咁你咪仲死？你唔o黎搞我，以我咁懶，點會得閒寫咁大段中文字o黎批評你？

尋日寫o左篇文，叫《溫馨提示影音使團需要反思的重點》，而家登o左o係《時代論壇》個網度。o係篇文度除o左要求影音使團唔好成日迴避重要問題同埋時常未有證據俾人睇就講到天花龍鳳之外，亦順便o係最後一段踢爆影音使團及其支持者o既河蟹手段﹕

最後，筆者鼓勵影音使團以正面態度面對質疑聲音，例如舉辦反思會就是正確的第一步。可是筆者亦留意到，Youtube網上有一名為《〔獨家專訪〕「方舟的爭議與真相信仰反思大會」見聞》的影片，片中只為兩位教內弟兄批評反思會的對話內容，其中並無使用屬於影音使團版權的影像或聲音，後來卻被人投訴其侵犯版權而被刪掉了，現時到該連結只能看到「由於 The Media Evangelism Limited 提出版權申訴，因此不能再使用此影片」等告示。此等利用Youtube粗疏機制以達至令反對聲音消失的無理投訴，實在殊不要得，盼望影音使團能以更正面、更謙卑的態度，面對教內弟兄姊妹的質疑，將之轉化為向前的動力，主內互勉。

我不得不說，真係非常欣賞自己寫到個tone咁鬼屬靈，識我d人見到一定會笑出聲，因為人人都知我最唔鍾意呢種語調。不過要講o野講到好似吳宗文咁o既屬靈腔，又有幾難 je？

HowtinLive 試播

上個星期六雖然把聲勁沙，耳仔又聾聾地，但係都貪得意開o左一次現場節目，都唔少人打入o黎，我自己就覺得好好玩，一定要再試，希望將來各方面都能夠做得更好。我一向都好介意自己急才極極差，唔擅長同人傾計，亦唔叻第一時間就諗出最好o既回覆方式，希望玩下現場節目可以鍛煉下。

下載連結﹕

http://www.mediafire.com/?qayfhr5bdroxrnu

Bart Ehrman: Did Jesus Exist?

頭先o係Huffington Post睇到一篇反基群眾首席偶像Bart Ehrman寫o既一篇文章，叫"Did Jesus Exist?"

我唔認為Bart Ehrman係反基，所以佢仲係有理智的，呢篇文其中一段咁講﹕

One may well choose to resonate with the concerns of our modern and post-modern cultural despisers of established religion (or not). But surely the best way to promote any such agenda is not to deny what virtually every sane historian on the planet -- Christian, Jewish, Muslim, pagan, agnostic, atheist, what have you -- has come to conclude based on a range of compelling historical evidence.

Whether we like it or not, Jesus certainly existed.

[全文]

o係我個頻道o個度，不時有人留言話耶穌冇存在過，大佬，咁又誇得滯。乖啦，聽Bart Ehrman講啦。