Agatha Christie, The Five Little Pigs

最近我論文寫緊 Songs of the Sabbath Sacrifice o既部分, 但係詩歌類o既嘢, 一向都唔係強項, 所以寫得超慢, 進展龜速, 所以最近都花少少時間睇下小說, 因為反正唔係都係浪費時間, 不見得做到幾多嘢出嚟.

最新睇完o既係呢本<五隻小豬>. 故事講有個女仔最近先發現原來自己死咗o既阿媽喺好多年前被人入咗條殺夫罪, 所以佢就叫 Poirot 幫佢查, 到底係唔係事實. 而整本書, 就講 Poirot 去睇返 d 過咗好多年前o既口供. 如果唔係個女仔阿媽殺o既, 咁就一係佢老豆自殺, 又或者係其他當時五個人其中一個落手做o既. 我覺得呢本都 OK, 不過唔係我最鍾意o既. 而且到最後, 其實都唔算係有決定性o既證據, 只係按推理應該係如此而已. 不過當然, Christie 寫得聰明, 平平凡凡被佢扭一扭就變到好 Q 複雜, 不唔小心, 就會被佢誤導, 呢方面就一向都咁好玩.

郭靜 - 在樹上唱歌

郭靜隻隻碟都好聽, 佢把聲非常好聽, 歌曲質素亦好, 呢隻新碟<在樹上唱歌>亦不例外, 雖然個碟名有 d 無厘頭. 佢剪咗個新頭髮同以前好唔同, 但係好好睇. 我最鍾意佢o既一點係雖然佢個樣好得意, 之前仲剪個水母頭, 但係佢講嘢一 d 都唔扮可愛, 說話有文路, 唔會扮低 b.

呢隻碟入面, 我最鍾意 Goodbye, 喜歡程度幾可匹敵解偉苓隻<放逐愛情>. 另外<心牆>同埋<看見>亦好好聽, 不過主題曲<在樹上唱歌>我就覺得只屬一般.

Mizuho!!!!!

好震驚, 頭先不經意間, 竟然見到 Mizuho 舊年原來出現過一段短時間, 喺 Takayo 個演唱會度做過嘉賓, 亦喺 Takayo 個 blog 度有幾張佢地o既合照. 可惜頭先喺 youtube 搵好耐都搵唔到佢地o既演出片段. 而家唯有希望佢會再出現, 同其他 ZONE o既成員合作.

同埋, 喺 d 論壇度聽講佢而家冇咗對虎牙. 但係我好鍾意佢 d 牙喎, 舊照:



順便加多段演唱會片段懷舊一下:

新 ICO project 預告片

喺 PS2 上面, 其中兩隻我最鍾意o既 game 係 ICO 同埋 Shadow of the Colossus, 尤其係前者, 我覺得好過同類型o既 Prince of Persia. 成隻 game 就好似一件藝術品咁, 真係好正.

而出呢兩隻 game o既公司, 而家正喺度為 PS3 研發緊一隻新 game, 最近出咗個 trailer, 睇嚟會回歸 ICO o既風格, 不過亦好似 Colossus 咁, 有隻動物幫手. 非常期待, 一定係我鍾意玩o既類型.

新書報到

今日返學同 Schuller 見下面, 佢出咗上一期糧俾我, 同俾咗少少其他嘢我做. 順便 check 下個 mail box, 見我早排訂o既書已經到咗. 合共七本, 全部都係跳樓價買入:

1 Chronicles 1-9
by Gary N. Knoppers
$5; retail price $50

Judas and the Gospel of Jesus
by N. T. Wright
$3; retail price $19

The New Historicism
by Gina Hens-Pizaaz
$1; retail price $15

Psychological Biblical Criticism
by D. Andrew Kille
$3; retail price $22

Recovering Judaism: The Universal Dimension of Judaism
by Jacob Neusner
$1; retail price $21

Israel in Exile: The History and Literature of the Sixth Century B.C.E.
by Rainer Albertz
$1; retail price $50

The Cave of John the Baptist
by Shimon Gibson
$1; retail price $26

放逐愛情 + 關於我們

痞子英雄隻 OST 已經出咗, 入面好幾隻歌我都覺得好聽, 當中最鍾意係"放逐愛情"同"關於我們", 特別係前者. 雖然相比之下冇戰神o既"零"同"說愛我"咁經典, 但係我都覺得好正. 台灣 d 電視劇好多時都有 d 正歌聽, 真係犀利.

360 回歸

前幾日先寄出部機, 今日已經收到部翻新o既 360, 非常快手, 過程除要我自己出去寄嘢之外, 所有嘢都唔使出錢. 不過可惜我個 warranty 已經快要完, 所以下次壞機, 就真係要自己維修, 又或者要買過部新.

Anyway, 一收到部機, 當然就係攞去改返部機, 而因為我之前都喺嗰度改機, 所以今次只要俾 $40, 只係一隻 game o既價錢, 當然係好抵改. 個機佬話, 我呢部機有個 heat sink , 個 driver 亦係最新嗰種, 散熱比較好, 應該冇咁易壞. 不過睇下點啦, 對 360 一早已經冇晒信心. 不過今次喺個 warranty 過期前一個月壞機, 真係非常好運, 時間剛好.

Broken Sword: The Shadow of the Templars (NDS)

最近喺 NDS 度玩呢個 game. 呢隻 game 好合我口味, 係解謎嗰類型, 有故事, 有角色, 永遠唔會死. 呢個 game 喺好多年之前已經喺電腦上面出過, 而家已經出到成個系列, 不過就一直都冇接觸過. 個故事主要講有宗命案發生, 個主角就一直追查落去, 點知發現 d 殺人案同中世紀一 d 傳說有關, 好有尋寶 feel. 基本上就好似睇小說咁.

呢隻 game 我大力推薦, 值得一玩. 希望將來會喺 NDS 或 wii 度出埋系列入面o既其他 game.

Xbox360 六紅

四年內第二次三紅, MS 分明就係賣次貨俾人, 你話唔改佢機係咪對自己唔住? 尋晚同 Henry 打打下機就開唔返部機, 一直三紅. 而家我要攞部機去俾幫我改機嗰個人 un-改返部機, 之後就會寄去 MS 維修部, 睇下佢會唔會免費幫我整囉, 如果要收費, 就唔鬼整, 遲下有我想玩o既新 game 出嗰時去買過部新o既.

Push

睇在 Camilla Belle 份上, 頭先睇咗佢最近齣新戲, 叫做 Push, 聽講係改編自漫畫, 不過之前未聽過. 個故事講有 d 人有超能力, 但係俾另外一班同樣有超能力o既人追殺, 其實同之前嗰齣 Jumper 有少少相似, 不過呢齣有 Camilla Belle...

有靚女睇, 特技亦算 OK, 全片都係香港景亦幾有趣, 不過個故事就真係麻麻, 開頭都仲算可以, 但係去到中後段實在搞到太複雜, 扭來扭去, 睇到幾近令人厭煩. 不過睇在 Camilla Belle 份上, 係可以原諒的.

總結: Camilla Belle, Camilla Belle, Camilla Belle...

評分: Camilla Belle/10

Tales of Abyss

上個星期係我半年一度o既 committee meeting, 我要會見我o既三個 advisers, 睇下我寫論文進度如何, 所以過去幾個星期我都特別勤力, 真係 keep 得住"一日寫一頁"o既計劃. 而家我有超過六十頁, 其中有四十頁係講 3 Baruch, 交咗俾佢地睇. 本來我都已經有晒心理準備, 諗住實俾 Schuller 同 Reed 話係垃圾, 點知回應出乎意料之外咁正面. Schuller 仲話 "very good", 佢係我所認識最嚴o既人, 喺 Mac 已經四年, 從未聽佢讚過我 (亦冇聽佢讚過其他學生), 今次係第一次, 所以真係好大鼓舞. 真係要多謝 3 Baruch. 其實而家睇返, 我都覺得寫得唔錯, 因為喺學界入面 3 Baruch 唔算好受歡迎, 所以有唔少空間俾我講我自己o既想法, 係其他人之前未講過, 所以覺得實在係幾好玩.

而家已經過咗關, 今個暑假亦冇 conference 要去, 所以基本上成個暑假唯一要做o既嘢就係寫論文, 如果可以一日寫一頁, 呢個假期其實可以寫成百頁, 算係好好. 希望可以 keep 住啦. 我仲希望可以寫個影評 (Knowing) 俾 Journal of Religion and Film, 好似幾好玩, 又可以寫落 CV, 一石二鳥; 寫成 OCP 個 4 Ezra 嘢; 同埋過幾日要交個 syllabus, 因為 Mac 有一科叫做 The Bible and Film 會請教師, 雖然機會極低, 但係試下冇壞. 同埋加多句, 非常不幸地, 下年我又攞唔到 OGS, 非常失敗, 下年又唔知仲有冇 department scholarship, 所以都有嘢應該要擔心, 但係而家我學緊唔好諗埋 d 諗都冇幫助o既嘢, 現階段, 對我自己最有益o既就係寫論文, 仲要寫得好, 呢樣係最重要, 其他嘢就煮到埋嚟先食囉.

最近幾日有時間, 睇咗齣動畫叫 Tales of Abyss, 26 集, 算幾短. 本來我一向都唔係幾鍾意 Tales 系列, 但係呢個故事算OK, 雖然好多嘢都搞到太複雜, 但係勝在幾個角色都有一定深度, 呢方面唔錯. 係一齣我會推薦o既動畫.