The Last House on the Left (1972)

聽講呢齣戲好激, 所以都要見識下. 故事講有個女仔同佢個 friend 俾班衰人姦殺咗, 而呢班友仔又唔識死走咗去個女仔屋企投宿, 俾佢家人報復返... 其實幾乎就係將 Ingmar Bergman 齣經典黑白片 The Virgin Spring 重拍一次, 不過就將姦殺過程變成重點, 有咁核突拍得咁核突, 亦將個節奏加快, 將原作嗰種藝術 feel 同埋個父親內心想報復嗰種衝突減去 (原作個老豆仲殺咗個細路; Last House 就細路變青年, 仲係自殺而死). 比起原作當然係低級好多, 但係我覺得有一方面係成功, 就係班仆街奸人, 真係賤到無倫, 所以到結尾報復情節, 真係大快人心.

我覺得呢齣都唔差, 因為奸人太賤, 所以觀眾其實一定會睇得投入, 想睇佢地點仆街, 睇到尾都會好專注.

評分: 3.5/5