[奇文共賞] 研究發現：聖經比咖啡更適合開展每天的生活

早幾日, 喺《國度復興報》見到有篇文章, 個題目好似幾有趣: 研究發現：聖經比咖啡更適合開展每天的生活. 咁都證實到, 算你好嘢! 點知一睇內文, 發現根本係個笑話嚟.

呢個研究發現係來自:

訪問了二千多名美國成年人。結果發現，61%「以聖經為中心」的人認為聖經比咖啡更適合用作開展每天的生活。

本來就自詡「以聖經為中心」的人, 梗係會聲稱話聖經比咖啡更提神啦, 我反而覺得出奇點解會有39%以聖經為中心的人唔認為聖經提神過咖啡 tim. 如果去問一班以聖經為中心的人, 聖經同石油的價值邊一樣更高, 佢地都會話聖經價值更高, 但你唔可以出篇文章, 個題目話: 「研究發現: 聖經價值比石油更高」囉.

呢尐咁o既題目, 根本就係呃人click入去睇的clickbait嚟. 搵老襯.