Monday 25 June 2018
Sunday 24 June 2018
「有禮貌」運動
國三上學期不再推行閉目養神運動, 改推行「有禮貌」運動. 意思是要學生在談話中盡量加上: 請、謝謝、對不起.~國語推行員, 蔡智恆
比方:
「阿勇. 請問你要跟我一起去尿尿嗎?」
「我沒尿, 不想去. 對不起.」
「不然請你看著我尿就好.」
「不用了, 謝謝. 你自己去就好.」
Saturday 23 June 2018
Friday 22 June 2018
倪立賢牧師被指性騷擾女信徒
早幾日, 博愛潮語浸信會東頭堂一位資深教友喺facebook出post, 開名指控教會牧師倪立賢性騷擾女信徒. 嗰個post喺達成引起公眾關注的目標後, 已經刪除, 篇文好長, 有很多細節, 按我自己理解, 其中一些重點包括:
1. 牧師的一貫手法, 係同一些青少年女組員建立父女關係, 同佢地講「比爸爸攬下」、「比爸爸舒服下」、「上嚟我屋企瞓」等等. 嗰個post冇明確講實際上有咩動作, 但指控至少係性騷擾的層面.
2. 受害人多於一人, 並自從舊年 (即2017年) 已經向教會投訴/求助, 似乎出post公開事件嗰位, 係有份喺教會入面處理或了解呢尐投訴的人之一.
3. 牧師反咬話尐女仔屈佢, 總之結果就係, 教會有點樣特別作出處分, 走向不了了之.
事件公開後, 博愛潮語浸信會就喺網站出聲明:
本會早前收到有關前職員倪立賢牧師的性騷擾投訴，並已展開跟進相關事宜。被投訴人已主動聯絡警方，事件現已交由警方處理，本會將全力配合調查。
其實反正都要面對, 出聲明就咪再玩埋尐語言偽術啦, 人地都唔係盲o架嘛, 你估全宇宙得你有腦咩. 投訴係舊年已經收到, 相隔現今差不多一年, 形容為「早前」收到投訴唔係謊言, 不過絕對係古惑花招. 另外, 倪牧師係事件被公開前一個月 (2018年5月) 先至被炒, 份聲明就懶係有技巧地標明倪立賢係「前職員」. 呢一切語言偽術, 都顯示出, 教會都知道自己的不作為很有問題, 希望公眾唔會發覺.
件事揚開後, 倪立賢牧師就主動報警, 現時查緊, 睇下有冇更多受害人肯現身投訴, 目前似乎至少有一位. 根據《時代論壇》採訪, 牧師話曾經對教會一些姊妹做過「過界、不恰當的行為」; 《蘋果》的訪問, 就反映至少一部份受害人可能是未成年. 不過, 人人對過界同不恰當行為的定義唔同, 其實未知牧師是為何事認錯. "Sorry, I'm too handsome and too attractive"都算係認錯, 所以未知具體情況.
Wednesday 20 June 2018
Tuesday 19 June 2018
《悍戰太平洋2：起義時空》Pacific Rim Uprising 睇唔睇得過? (2018)
呢齣垃圾唔止download都費事, 直頭係down咗都要delete, 我個人建議你直頭要format部機, 徹底清洗! ps, 景甜真係好肉酸, 黃膽水都反芻埋出嚟.
Monday 18 June 2018
[奇文共賞] 研究發現：聖經比咖啡更適合開展每天的生活
呢個研究發現係來自:
訪問了二千多名美國成年人。結果發現，61%「以聖經為中心」的人認為聖經比咖啡更適合用作開展每天的生活。本來就自詡「以聖經為中心」的人, 梗係會聲稱話聖經比咖啡更提神啦, 我反而覺得出奇點解會有39%以聖經為中心的人唔認為聖經提神過咖啡 tim. 如果去問一班以聖經為中心的人, 聖經同石油的價值邊一樣更高, 佢地都會話聖經價值更高, 但你唔可以出篇文章, 個題目話: 「研究發現: 聖經價值比石油更高」囉.
呢尐咁o既題目, 根本就係呃人click入去睇的clickbait嚟. 搵老襯.
Tuesday 12 June 2018
IHOb
我由細到大都好鍾意IHOP, 佢地尐Omelette抵食又好食, 本身舊蛋已經係超大份, 仲加埋幾塊pancakes, 真係見到已經開心咗. 當然, 有時亦會轉下叫早晨全餐, 同埋尐Crepe都唔錯, 但好少會就咁叫pancakes的. 我鍾意IHOP的程度, 係上次返溫哥華, 只有IHOP同A&W係我同老婆一早講定要去食的.
早幾日, IHOP個twitter話, 公司名將會改成IHOb, 叫人估下佢地嗰個係乜嘢b, 跟住就喺留言同人講爛gag, 叫人要有"batience"呀, 有好多"bossibilities"呀. 卒之公佈咗, b 係Burgers. 我諗佢地唔會改餐單改到我以前鍾意的嘢冇晒, 但係想推burger咪推burger囉, 使唔使玩到改名咁大鑊? IHOP係我o既美好回憶嚟o架, 雖然每次去, 多數都只見到尐老人家去.
Subscribe to:
Posts (Atom)