I, Frankenstein

今個星期好攰, 返工好多不是我做開的嘢處理, 星期日要去講道, 錄異聞錄, 做howtindie, 講章到現時星期四, 寫咗一頁都冇, 很大鑊. 尋晚原來係香港時間的五一勞動節, 所以雖然冇乜嘢講, 但都爭取時間同金德寶錄咗異聞錄先, 反正都唔會有時間準備, 幾時錄都一樣, 不如搞掂一樣先.

到錄完, 人都殘晒, 都做唔到尐乜, 所以同金德寶睇咗呢齣嘢. 其實我都做唔會係好戲, 不過我係喜歡睇Aaron Eckhart的, 佢做主角就點都要支持下. 其實又唔係太差, 有動作有特技, 但係故事真是很廢, 而且反智, 我同金德寶笑到gap gap聲, 例如尐天使懶係神秘咁, 但係佢地住喺間老年咁宏偉的教堂入面, 其實係超級張揚; 尐魔鬼的藏身基地好似好神秘咁, 天使咁多年來都搵唔到, 但最後原來只係佢地間教堂過幾條街咁近, 令人O嘴; 個天使打手Gideon好打得, 但最後無厘頭以好低B的方式被科學怪人拮死, 真是反高潮. Aaron Eckhart係可以做戲的, 但係呢齣戲完全冇機會俾佢發揮, 真是浪費.