我情緒好平穩, 有嘢我覺得好討厭, 我就會走開唔理, 好少會覺得好嬲的, 但係今日有覺得非常憤怒. 之前我返香港, 將車留喺阿媽屋企, 順便放底條鎖匙, 費事帶嚟帶去搞到唔見埋. 點知返到嚟, 發覺阿媽上過我屋企, 當時已覺得好討厭, 我冇講過准許佢嚟, 但我都忍咗, 都已經發生咗, 唯有下次唔留鎖匙喺佢度.
今日, 我中午同同事出去食飯, 佢又走上去我屋企, 原來佢之前偷偷複製咗我的鎖匙, 簡直不知所謂. 我喺電話度警告佢不可再咁做, 當時我真係用盡500%力, 先可以忍得住唔喝罵佢, 但係實在太過份. 我十幾歲時, 佢走去美國唔見佢湊, 而家我35歲, 仲湊乜能嘢? 想玩湊仔補償下, 買個椰菜娃娃喺屋企玩飽佢, 唔好搵我嚟舞, 容忍有個限度. 而家我見屋企的嘢唔同咗位置, 我好想喊, 好辛苦.
1 comment:
How兄,我剛剛肚痾同屋企爆水渠,去老蘭party前, 諗住黎呢度探下你, 你就出事!
唔好惱氣啦,你都識講幾十歲,人生有幾多個十年, 放得下大自在,湊唔湊你,佢心入面永遠都係細路一個,抽撃咗佢就算。
你送ipad俾老母個日都提醒我,後日去老母屋企訓返晚,佢死咗就無得對佢好同見佢sosad
Post a Comment