Saturday 29 March 2014

3am起床的星期六

我唔明, 呢排我成日醒咗瞓唔返, 今日仲3點就醒, 但係全日都不會眼瞓或攰, 但攰唔攰唔係重點, 最衰係時間太多, 有點難過, 成日咁長好難挨. 今日9-11做howtinlive, 接第一個電話時都仲相當精神, 但後來就開始覺得冇咁集中, 好難專心. 跟住出去食咖喱牛腩飯, 喺街睇床褥, 返屋企做運動, 幫樽花換水, 都相當充實.

到下午老豆又約我去佢屋企食牛肉, 佢成日都係咁, 煮開一樣嘢就狂試,直至練到火喉剛剛好為止, 所以呢排個個星期食焗牛肉. 不過有得揸車聽下歌, 見下老豆, 又有湯飲, 是開心愉快的, 時間也過得快些. 唉, 仲有星期日, 都唔知做乜好.

4 comments:

Bamboo said...

原來夢想係真的會成真的,我有睇開你個xanga。一路等你再在這裡寫嘢,終於等到了。我都算係其中一個有緣人。

Howtindog said...

OK you win sosad, 被你發現了

Bamboo said...

How兄,我只是個嘍囉蛋散路人甲,也是你的擁躉。贏乜鬼,你言重了。

Anonymous said...

半夜兩三點醒, 係肝虛肺虛徵狀, 睇睇中醫調理下好D, 如果唔理, 長期有咁情況, 係會吽出cancer架. 保重.

心情抑鬱/鬱悶是傷肝的...