Sunday 20 July 2014

安妮朵拉 - 謎底



靜靜的聽 你的話語 世界彷彿安靜
偷偷的看 你的表情 多生動的距離

只是也許 我想也許
因為有了嘆息
故事才會 那麼美麗

世界不停 吞噬年輕
揭曉未知謎底
你的世界 忽遠忽近
陌生而又熟悉

美好時光 收進回憶
永恆在哪降臨
何嘗不是 一種美麗

看天上的星星 無論幾個世紀依舊閃耀不停
眼神裡的秘密是我們永遠的默契
幾年過去 再回頭看那些令人快樂而又憂愁的回憶
你說那時又會有 怎樣風景

靜靜的聽 你的話語
偷偷的看 你的表情

Thursday 10 July 2014

On What People Remember

I’ve learned that people will forget what you said, people will forget what you did, but people will never forget how you made them feel.

~Maya Angelou

Tuesday 8 July 2014

才女魏如萱

之前喺魏如萱Facebook見到一段寫得很漂亮的文字,必須記錄在案。


我渴望能見你一面,但請你記得,我不會開口要求要見你,
這不是因為驕傲,你知道我在你面前毫無驕傲可言,
而是因為,唯有你也想見我的時候,我們見面才有意義。

I'm so eager to see you again, but I wouldn't ask to see you.
Not because I'm proud. In fact, in front of you, I cede all my pride.
Yet only if you asked to see me, our meeting would be meaningful to me.

~Simone de Beauvoir

Tuesday 10 June 2014

Super Dead Air

上個星期日突然發覺屋企附近有一間廣東話教會有早堂崇拜的, 所以去試下. 雖然崇拜步驟不多, 時間都已經不算很長, 但係呢間教會尐人似乎很愛拉布, 令到我真係超眼瞓, 好辛苦.

個領詩祈禱都祈成五分鐘, 長氣到hihi, 個牧師仲勁, 佢講道內容冇乜問題, 因為超簡單, 接近冇乜內容, 基本上就係你死後想人點記得你, 但至少不是差的內容啦. 但最大問題係, 佢喺報告嗰時說話語速很正常, 但係一到講道, 就突然變"深情mode", 語句極短, 但係每一句語句之間有好大一段dead air. 講道嗰時, dead air有時候係有用的, 無聲亦可以係吸引注意力的一種方式, 亦可令人有思考空間, 但係每一句說話之間都是dead air就令人很難受, 超辛苦. 假設佢講咗30分鐘道, 即是有15分鐘是冇聲的dead air. OMG.

所以完咗之後要去喜相逢食個焗飯回下神 sosad. 我估佢換咗廚房, 個焗葡汁雞扒飯唔同晒樣, 但係好好食喎, 尐汁依然係好o岩味.

Monday 9 June 2014

The Grand Budapest Hotel



出乎意料之外, 我睇過2014頭半年最好的戲竟然係呢齣. Wes Anderson之前的Moonrise Kingdom我亦覺係好戲, 同呢齣一樣咁靚, 不過好睇得嚟娛樂性唔算很高; 呢齣Hotel就真係百份百完整, 每個畫面都高度漂亮, 主角兼配角全部都很令人鍾意, 大量寫得極好的對白, 故事曲折有追看性. 我覺得係技巧, 美感表達, 娛樂性兼備, 真係好犀利, 極少有電影喺屋企睇, 我係連一個鏡頭都唔敢望第二尐嘢而錯過, 呢齣就有咁大吸引力. 

結尾我甚至覺得很感人, 因為Bellboy同佢女友, 同佢老師之間的關係很真摰深刻, 主要由於對白寫得好. 


For my dearest darling, treasured, cherished Agatha whom I worship. With respect, adoration, admiration, kisses, gratitude, best wishes, and love from Z to A.

The Edge of Tomorrow

Tom Cruise新片係一定要去戲院睇的, 所以星期六完咗honey的節目後, 就撲出去食咗個日本放題, 因為唔食壽司真係會身痕. 去睇戲是開心的事, 但係呢齣戲喺溫哥華的大戲院竟然冇2D版本, 只有3D或3D IMAX, 真係好離譜. 

我覺得The Edge of Tomorrow齣戲本身很好睇, 但係3D令我很失望, 而且我係睇3D IMAX, 更加貴, 更加令我憤怒. 呢齣戲根本就唔適合做3D, 第一佢唔需要3D, 第二佢好明顯唔係為3D而拍, 色調係唔o岩的, 好多幕係出大太陽, 但係戴住對低B 3D眼鏡, 依然係暗暗地, 令人感覺難受. 動作場面很刺激, 不過同樣唔係為3D而設, 畫面超級快速, 放喺3D上, 畫面就亂到阿媽都睇唔切, 讀到博士個腦都運作唔到咁快, 根本唔存在乜嘢景深景淺的問題, 乜都睇唔到, 浪費晒尐精彩動作拍攝. 結論: 3D吔cake啦! 根本上就係電影界o既毒瘤. 

但如果純講齣戲, 我覺得是很正的娛樂片, 劇本步伐安排得好, 每次開始覺係咪在重複的時候, 就突然加入少少新的元素, 扭一扭, 由頭到尾都在推展當中, 唔係隨便寫寫就寫到出來的, 係精心設計. Tom Cruise真身很痴線, 但係做戲都係好好睇, 真係動作片嚟, 冇花冇假, 有些加強電影娛樂性的笑位, 佢亦都做得到, 令到呢個講死亡同世界末日的故事不會過度灰暗絕望. 最驚喜是Emily Blunt, 之前已睇過佢其他做主角的戲, 好奇怪點解咁樣衰都做到女主角, 但呢齣戲令我改觀, 造型設計型爆, 但又不是男人婆, 保持女性媚態, 好適合佢做, 加好多分.

Wednesday 4 June 2014

七月轉工?

上個星期五係第二次的interview, 過程很順利, 嗰邊的代表話星期一要再去見埋個終極大老闆, 但係星期一大家都冇聯絡, 到夜晚收到 email 話佢地太忙, 未有時間傾, 所以星期二先同老闆約時間. 點知到星期二下午, 突然收到電話, 話已經決定請我, 連老闆都不必見了, 七月開工, 突然咁快手 sosad.

但係目前其他嘢我都唔知, 只知人工比之前高. 我希望仲有其他各樣 benefits 啦, 唔係人工高咗都唔係高咁多. Anyway, 我估, 應該會七月轉工吧?

Tuesday 3 June 2014

魏如萱旳記憶力...




Sunday 1 June 2014

Sea to Sky

今日好好天, 反正五點幾醒咗, 趁機揸車去坐Sea to Sky Gondola, 周圍行下, 有風景睇, 有行山徑, 個零鐘車程, 都唔係好遠. 由於我9點已經去到, 冇乜人, 好多免費泊車位, 由Shannon Falls行到過去都係十零分鐘, 喺樹林入面行好舒服, 好涼爽, 聽住歌嚟行唔覺得攰.

唯一唔好, 係喺某個地方睇風景時, 有個阿伯用電話開speaker嚟聽張學友, 係咪痴線o架?






Saturday 31 May 2014

平等分享

突然收到老豆電話, 叫我去佢屋企食飯, 一定是答應的. 今日佢整炆鴨, 辣塊媽媽, 真係好惹味, 成世人未食過咁好味的鴨, 超正.

跟住仲喺佢屋企搵到好多民脂民膏, 搶晒返屋企 sosad. 實情係佢平時見有嘢減價時, 就會一買買好多, 我剛好用到冇乜coffee mate同埋冇乜糖, 正好攞佢嗰尐嚟用.

高級零食

今日天氣太好, 連我咁懶都想出去走動一下, 之前見尐女同事喺Ayoub's買咗尐食落好似薯片咁o既乾果, 好好食, 所以都去買咗包, 大約$10一磅.

瘦身共溶祈禱音樂會午餐

今日HowtinDie題目係"瘦身共溶祈禱音樂會", 雖然我對減肥話題冇興趣, 但係尐call in都幾過癮, 同埋我選的歌都很好, 我用心揀的, 別人明不明白就算了. 完咗之後, 天氣很好, 立即去食個豐富午餐, 第一次喺銀座食呢個餐, 點知好正! 雞扒很好肉, 牛脷超大塊, 而且煎到脆脆地, 好好味.

Thursday 29 May 2014

那我懂你意思了 - 原諒我不明白你的悲傷



你還記得嗎
你還記得嗎
而我也不想再多說那美麗的瘋狂

你還記得嗎
你還記得嗎
其實我也有些害怕知道你的近況

怎麼這世界好像越來越陌生了
我知道我不該停下腳步
對你 記得我承諾過

又過了多少不起眼的日子
又吃了多少食之無味的晚餐
而寂寞的冬天仍下著雨
夜晚的城市也依舊孤單
也不是非要懷念什麼吧
只是遺失的歲月有一些感傷
那些還來不及說再見的
會再見吧

原諒我不明白你的悲傷
我知道感傷這樣就夠了
還需要一些面對明天的力量
那些還來不及說再見的
會再見吧

見工 2

尋日下午請了假去 second in, 真是好運, 去的時候又係好天氣, 很舒服, 早咗個半鐘到, 周圍行了很久, 好似請假去行街咁. 今日見工很順利, 見晒除了大老闆之外所有人, 但下星期一要再去見埋大老闆. 我覺得成數很高, 就睇佢的 offer package 了. 但尋日嗰個人話, 我要求的數目是"no problem at all", 令我覺得自己很低 b, 真係應該開高很多都仲可以 sosad.

Wednesday 28 May 2014

[娃娃推介] 小雪 - E-mail



我發了一封E-mail給你 說了一堆想說的事
誰知道What is wrong with me 
怎麼會突然 Cream and sugar 忘了比例 
咖啡杯還捧在手心 什麼人會等咖啡變冷 

偶爾我會變得陌生 別以為我不快樂
回憶輕輕拉著我的頭髮 我不覺得疼
怎麼說我也反正 習慣了臺北的雨聲
寂寞不會時常圍繞著我
我確定不想要 你別怪我都好 

你發了一封E-mail給我 說了一堆無關的Old news
你說外面的陽光依然 
你還是這樣 不願說出心裏的話 
原諒我說得那麼頻繁 我想你總有天會明白
你不需再擁抱 你別怪我都好

Tuesday 27 May 2014

工作

見工的事今日有些進展, 見我的人問我希望幾多人工, 我獅子開大口, 講咗一個比我現時人工高一截的數字, 佢立即就叫我聽日去in第二次... 早知再講高尐啦! sosad

今日下午少有地要出去做嘢, 很好陽光, 熱狗超好食. 希望聽日一切順利, 其實現時的工也不差, 只是人工太低, 只夠自己, 同埋沒有前途. 轉少少行, 得到一些廣告公司經驗, 將來選擇也會多尐. 尋日請了一小時假, 聽日又要請3.5小時假, 唔成的話就真係大出血!



那我懂你意思了 - 還是不要聽到的好



呢首歌係我自己發現的, 不是靠魏如萱. 很好聽, 簡直就是觀音兵之歌.

要用什麼樣的辭彙來 和你說話呢  要用什麼樣的語氣來 和你聊天
要用什麼樣的表情來 回憶你的笑臉  要用什麼樣的動作來 表達我的感覺

希望你可以 看得到我  希望我可以 瞭解你更多
希望你可以 聽得到我 我唱的這首歌 你能不能聽懂

今天沒有約你 會不會見的到面  上次穿過的襯衫 今天還是別穿好了
經過那個路口 走來的是不是你  如果真的是你 我該怎麼辦呢

希望你可以 看得到我  希望我可以 瞭解你更多
希望你可以 聽得到我  我唱的這首歌 你能不能聽懂

希望你沒有 覺得困擾  希望你能夠 繼續笑著生活
希望我有幫到你 加一點油  希望我可以 在你左右
也許我應該讓這首歌 變得很難聽懂  否則你真的聽到了 會怎麼說
做這首歌只是 我自私的念頭
所以我想 還是 不要聽到的好

見工

尋日請咗一個鐘假出去見工, 早到咗, 自己去飲杯mocha先. 過程很順利, 不過次次我都覺得很順利, 最後結果都是得個桔, 所以我真是不知道. Anyway, 尋日見的是creative director, 佢話睇過我寫的嘢, 文字能力沒有問題, 但係沒有廣告經驗. 佢會同佢老闆話請我, 所以接下來, 就係傾人工夾唔夾, 咁當然係要高過現在明報一截才會轉工, 話晒都是一個大冒險, 人工傾得埋的話, 還要去見大老闆, 所以現在還是處於得個桔的階段.

我希望可以轉的, 因為喺明報沒有前途, 轉呢份工, 算是轉行, 將來有其他路可以行.

Monday 26 May 2014

[娃娃推介] 那我懂你意思了 - 該說再見了朋友們



夥伴們 快背好你的行囊
是時候我們往前走了吧
把這美麗的一切都深深刻在心裡吧
我們沒有太多力氣回頭感傷

我們要頭也不回的離開
我們要頭也不回的離開
我知道前方有大風大浪 許多痛苦和悲傷
也所以夢想才會被叫做夢想

親愛的爸爸親愛的媽媽我的愛和我的家
我知道我將永遠不孤單
親愛的妳喔我不知道該怎麼向你道別
我相信你一定會了解

我知道我將面對許多寂寞的夜晚
我知道我心裡的不安和害怕
雖然不能阻止眼淚流下 雖然還有些迷惘
但已經道別 就不能再回頭看

我們要頭也不回的離開
我們要頭也不回的離開
我知道前方有大風大浪 許多痛苦和悲傷
也所以夢想才會被叫做夢想

搵老襯

雖然我一向喺節目叫人要識得 say no, 但係其實我只係得把口叫人. 之前我已覺得, 但現在我係強烈感覺 (其實是知道) 我正在被人搵老襯, 之前同某教會牧師傾計時, 佢話: "Andy, you're being bullied." 我估其他人都想像不到howtindog會默默地容許被bully sosad.

不過可能出於懦弱或怕事, 又有可能我人真是很好心腸, 對周遭的人只有祝福, 雖然是有點實質損失, 但事實上我是沒有感覺任何苦澀, 只是想: 算啦, 佢鍾意點就點. 點解我係咁o既性格? 咁搞法, 做人不可能會有成功的一天呢 (好似係).

Volta Masters - Hero



魏如萱每晚節目例播一次的背景音樂, 好好聽~

Sunday 25 May 2014

娃娃不高興

魏如萱的音樂節目一直係我非重要的精神食糧, 因為佢表現非常開朗, 保證我每日至少有兩個鐘頭是心情愉快的. 但係佢開完演唱會, 放假回來後已有一個星期, 我好明確聽得出, 佢比之前低沉很多, 明顯有些不愉快的心事. 早兩日, 佢喺facebook上po了這些留言:

魏如萱 waa wei
Yesterday · Edited
恭喜林宥嘉口的形狀演唱會成功,
害我好想再唱一場捉迷藏演唱會。
根本小巨蛋演唱會後遺症!

魏如萱 waa wei
20 hours ago
應該不是只有我有演唱會後遺症,
說真的我也不知道下一場會是什麼時候,
至少我還可以看看大家的心得,
那天晚上好像就變得很長很長...

佢係唱歌很好聽的歌手, 應該開演唱會捉迷藏, 開的時候很開心, 完成了心願, 滿足感爆燈, 所以最想做的事係唱歌, 唔係回到現實做DJ. 這種心情我很能夠明白.

周日晚間活動

明天出去見工, 雖然冇乜期望, 但都不能夠頭痛, 所以今晚唔飲酒或咖啡, 煲了金德寶送的瞓覺茶葉, 味道比想像中更香, 聞住很舒服, 屋企很暗, 聽住魏如萱唱<愛的季節>, 聽她數一二三四, 寫一篇有關魏如萱的blog post, 寫完就 post 上來, 跟住準備瞓覺.

焗羊架第二擊

比上次焗多一分鐘, 少咗尐血, 同樣咁好食, 超級成功.

Qoo豬排飯

今日突然有種自己很低能很蠢的感覺, 因為是事實, 不過今日做了一個正確的決定, 去Qoo試了焗豬排飯, 非常好味, 豬排不厚, 而且算多骨, 但係汁很好味, 好味過現在的奧斯卡.

咖啡匙


尋日其實有嘢要做, 例如下星期日講章, 同埋星期一去見工, 但係都不想做, 所以出咗去Oakridge Mall 9行, 聽住iPod周圍行下, 都幾舒服, 好過喺屋企唔知做乜. 經過一間傢具店, 見到呢隻咖啡匙, 我一向都想買一隻, 不過見唔到合眼緣的, 但係呢隻我就覺得對了, 而且唔貴, 同埋今個星期有八五折, 剛好. 我想買好耐, 係因為<檞寄生>入面有呢個情節:

秋天到了,南台灣並沒有秋天一定得落葉的道理,只是天氣不再燠熱。
我在家趕個案子,好不容易弄得差不多,伸個懶腰,準備煮杯咖啡。
在流理台洗杯子時,電話響起,一陣慌張,湯匙掉入排水管。
回房間接電話,是荃打來的。

頭好痛

尋晚開齣很爛的鬼戲睇, 叫The Quiet Ones, 睇到尾都唔明佢想up乜, 唔係因為故事太複雜, 而係因為太爛, 不能專心咁睇, 一面又食住卡樂B同埋飲咗兩杯酒. 而家星期日又係六點起身, 頭好痛...

Friday 23 May 2014

荒淫無道



星期五晚有點懶, 所以冇做運動, 但係就食咗兩個魚柳包 sosad. 同埋中午出去買咗支酒, 飲住錄異聞錄, 極盡荒淫無道.

Mysterious Skin

 

本來以為係中學雞版本X-Files類型科幻片, 點知一開始就很重口味, 鏡頭上其實冇乜嘢, 極少裸露鏡頭, 但是故事很變態, 原來係一個很嚴肅的悲慘故事, 處理有關戀童等問題. 故事不悶, 演員很出色, Joseph Gordon-Levitt, Michelle Trachtenberg, Brady Corbet都做得很好睇, 為齣戲加好多分, 但係會令人睇到很不開心, 屬於睇過一次就永遠唔會想翻睇的類型.

Thursday 22 May 2014

[娃娃推介] Laura - Scissor Sisters

喜愛夜蒲 4



尋晚出去睇Cirque du Soleil, 各方面都很順利, 為咗免費泊車, 泊得遠一些, 但係天氣很好, 沿住False Creek散步很舒服. Show本身很好睇, 我的位置很好, 比想像中更近, 音樂好聽, 服裝、表演都很好睇, 我最鍾意的部份係呼拉圈、滾軸溜冰、踩單車、空中飛人, 未必是難度極高, 而係音樂同表演配合得最好. 玩呼拉圈嗰個女仔好正, 嗚呀.

 

Wednesday 21 May 2014

Mr. Nobody 的音樂





早兩日推介過的Mr. Nobody, 入面有些令人很有感覺的段落, 除咗鏡頭有心思, 拍得漂亮之外, 亦因為音樂寫得很好, 同故事能夠配合. 現在聽返, 都令我想起戲入面幾段故事.

Cirque du Soleil


尋日揸車時, 見到巴士廣告, 原來 Cirque du Soleil 正在溫哥華, 每一日都還有少少單丁位, 所以買了今晚的飛, 買了$85的區, 位置很前, 角度似乎不錯, 一個人買飛就係有呢個著數.

以前同老豆一齊住的時候, 佢好鍾意睇 Cirque du Soleil 的 DVD, 聽入面尐歌, 所以好耐之前, 就已經諗, 一定要睇次現場的. 之前溫哥華都有上過, 喺多倫多住的時候也有, 但都唔記得咩原因, 一直都冇去睇過. 尋日買飛嗰時, 都覺有少少貴, 但算啦, 想去就去, 不等啦. 順便 check 埋天氣預告, 星期三係最後一日好天氣, 之後會連續落雨, 所以是買今日的飛, 唔, 真是一個細心的人.

Tuesday 20 May 2014

Mr. Nobody



本來以為係偏門爛片, 點知原來超正. 故事很難簡介, 所以索性不講了, 不過是帶有 high-concept 科幻嗰種類型. 但係科幻只是包裝, 齣戲好睇, 始終是因為內容很好睇, 有感人的故事, 真實的感情, 做Anna同Nemo的幾個演員全部都很好睇. 配樂很好聽. 最突出的, 係呢類型電影, 一味扮型,例如垃圾 Donnie Darko 咁, 到最後其實係冇人睇得明的, 但係呢齣唔同, 最後是明白的, 而且很簡單, 只係因為一開頭的敘事方式令人混亂了 (故意的). 我睇加長的版本, 接近兩個半小時, 但係每一分鐘我都覺得是需要的, 由頭到尾都很吸引我; 早兩日睇哥斯拉兩個鐘長, 我就覺得至少可以短30分鐘. 呢個就係演員好不好睇的分別.

整體故事的概念其實很感人, 令人想起, 現在我認識的人, 其實可以只差一點點, 我就會變成不認識他和她了, 很多巧合和各自的決定, 才有機會彼此相識. 15歲嗰段Anna的故事特別好睇, 令這個概念發揮得更加突出.

Monday 19 May 2014

Victoria Day

終於有一日公眾假期, 不過又係剛好六點就起床瞓唔返, 好在今日魏如萱回歸, 有節目聽. 不過佢剛剛復工, 冇平日咁high. 中午出去買咗一大盒劣質sushi, 邊食邊睇Game of Thrones, 跟住錄咗一條PrayStation短片, 今晚就去老豆家食飯, 咁就一日過去了.

唔知道今個星期係咪要去見工, 有interview是好練習, 亦有可能是一個機會, 而我現在的工是很差的, 換是好事, 但係我性格偏向穩定不變, 所以雖然是好事, 不過還是覺得很麻煩. But anyway, 有就去見, 一定要去的.

Sunday 18 May 2014

星期日lunch

三味食堂個廚師回來了, 所以又有返便當食,一邊開始睇"The Murder of Roger Ackroyd", 非常嘆. 同埋今日個侍應妹妹著得好靚, 條裙好緊, 嗚呀.

Nabob咖啡豆



完咗崇拜仲早, 三味食堂未開, 所以去超巿行下, 本來想買個易打理的盆栽, 但睇唔o岩, 反而見到有咖啡豆減價, 買咗包試下, 真係好好味呢, 事實上手磨都唔係需要好多時間.

第一晚瞓新床褥, 結果...

雖然感覺是很舒服, 但結果都係六點就醒咗瞓唔返 sosad. 由於太早起床, 又冇節目, 所以搵咗間有早堂崇拜的教會去, 選了列治文華人宣道會. 但係去到才發現, 佢早堂崇拜都係做多兩個星期, 跟住就會收皮, 改成11am加入另一間教會一齊崇拜.

今日去的是英文崇拜,可能下個星期試下去中文的, 不過11am先開始, 即是完嗰時, 就係成班人一齊湧去食飯的時間, 最憎.

Saturday 17 May 2014

午餐加睇戲

做完HowtinLive後, 同朋友傾咗一陣, 錄好今期耶教異聞錄後, 都已經三點幾, 先至出去食lunch. 再去Qoo試其他嘢食, 今次是南瓜焗葡汁魚柳飯, 叫咗先諗起, 其實我唔係好鍾意食魚柳 sosad.

跟住冇乜嘢做, 屋企又熱, 所以出去睇哥斯拉. 咁就一日.

HowtinLive收床褥

一如既往, 星期六就六點醒, 明明尋晚睇Woody Allen嗰齣"Hollywood Ending"睇到好夜. 剛好今個月有麥記coupon, 就買了只應天上有的豬柳蛋做早餐, 很正.

今日HowtinLive好頂癮, 節目中途, 我嗰張新的床褥送到, 有百幾日見證住我換床褥的歷史時刻, 亦見證著我喺床上碌嚟碌去快活地呻吟 sosad.

Friday 16 May 2014

心情沉重

由於準備異聞錄內容, 最近兩日聽了許多Nancy Scheper-Hughes的講座同埋睇了幾篇佢的文章, 搞到心情有點沉重, 內容實在太慘. 星期五晚出去買了難食sushi, 開了難睇的電影Veronica Mars, 麻醉自己的神經.

Thursday 15 May 2014

出街食lunch

好耐冇同同事出去食飯, 其一個個原因, 係因為其中一個女仔把聲好嘈 sosad, 真是震耳欲聾嗰種.

早幾日, 另一個女同事話想一齊食lunch, 她不嘈的, 同埋佢早兩日在公司食死貓, 有點慘, 所以都陪下佢. 為甚麼我咁好人? 真是一個偉人.

ps, 圓香的鹽酥雞飯真係幾正.

Yoko Shimomura - Dearly Beloved



下村陽子寫的歌好好聽, 感覺好似心都被挖出來

Roommate



尋晚屋企焗到熱辣辣, 但是諗到有很想錄的主題, 所以還是錄了, 覺得做了很想做的重要事情, 所以心情不錯, 特別舉行慶祝活動, 開薯片食, 開齣日本戲睇, 叫做 Roommate, 大致上係講室友是變態婆... 兩個女主角都 ok 啦, 不是我覺得可以成為女神那種, 但又不會討厭. 齣戲開始時有少少 3 Women 的感覺, 不過故事是低水平聽得明的那種, 後來慢慢轉化為恐怖片類型.

整體我覺得都 ok, 但是橋段很容易估, 一早就知係咁樣, 但是齣戲仲喺度扮晒懸疑咁, 中段有太長氣的感覺. 所以, 如果佢更早開估 (反正很明顯), 其實依然可以營造恐怖感, 而家這種安排有點失敗.

鬈鬈頭



嗚呀, 好靚!

Tuesday 13 May 2014

麥記coupon

麥記coupon終於又重出江湖了, 所以雖然唔餓, 但都買咗個McWrap咬下. 今晚.... 好恐怖, 唔知做乜嘢好, 籃球麻麻地想睇, 錄片又覺有點懶. 如果有人陪我睇戲就好, 可惜冇.

Patema Inverted



今日六點幾就紥醒, 睇咗齣動畫電影, 個半鐘多少少, 剛好, 可惜齣嘢悶到hihi, 不過都好過嗰齣垃圾宇宙海盜卡羅古少少. 呢齣嘢有一個有趣的概念, 但係冇緊張情節, 冇突出人物, 畫功不特別突出, 音樂無甚可取之處, 基本上係可有可無的一齣電影, 非常令人失望.

Monday 12 May 2014

舊好嗎好嗎 vs. 新好嗎好嗎





終於聽到魏如萱的新CD了, 真是期待已久, 同預期中一樣, 全碟最正的是最後一首歌《好嗎好嗎》, 雖然係新歌, 但根本就係魏如萱的代表作, 旋律同歌詞都很動人. 呢首歌正式推出前, 其實佢已喺好多場合有唱過, 比較之下, 同正式推出的版本有些分別, 可能我早已煲慣非正式的現場版本, 我覺得CD版冇咁好聽, 雖然依然是很感人的歌曲.

先講歌詞, 有些少細微改動, 整體係改好了, 最好的是重唱主歌嗰段把「喜歡故作堅強裝得無所謂」改成「我要把對你的思念寫下來」, 更加有 feel, 亦有些變化. 但是有一段我覺得改完變差咗, 就係最後我最鍾意嗰段, 由「生命的默契不就是這樣」改成「生命的默契很難說到底」.

比較失望的是編曲, 感覺有點太複雜, 呢首歌似乎比較適合簡單的配樂. 同埋我覺得全首歌最重要的是最後一段, 舊版本是去到尾立即重唱多一次的, 感覺同節奏剛好, 新版本係唱到尾, 有一段過場音樂, 然後才進入最後階段, 有點情緒被斷開了的感覺, 差了些少.

不過, 依然係很好聽的歌曲:
也許有一天 離得好遠好遠
記得這首歌 好嗎好嗎
這是我們的 好嗎好嗎

Sunday 11 May 2014

母親節冇節目

星期日, 但係六點就自動起床, 時間太多, 所以搵尐最浪費時間的嘢來做, 例如沖chemex咖啡就一定走唔甩, 事實上亦係好飲過用咖啡機好多, 加埋女聽眾送的綠茶picola真係好好味. 我都唔記得朝早做過尐乜嘢嚟, 總之就係浪費時間至十一點零鐘, 終於可以出去食午飯.
中午去咗食相當差的放題, 不過我就是爛泥, 喜歡作賤自己.返到屋企其實有NBA睇, 一邊同網友 Ka Hei 講八卦, 終於喺床瞓著咗. 不過都瞓唔耐, 因為四點幾要起身, 去阿媽屋企食飯.

今日老豆很興奮, 因為佢有機會show off一部新玩具, 可以唔用油但係能夠炸嘢的機, 一嚟就喺度炸薯條, 炸雞翼, 狂玩 sosad.

其實我一向不吃晚餐, 所以食咗好少好少就已經飽到食唔落, 佢地請咗好多親戚嚟, 大部份都是我妹夫的親友. 一般嚟講, 我都怕多陌生人的場合, 但係我妹夫個姐夫係我聽眾, 佢聽日開始讀神學, 埋嚟同我好好傾, 我都好高興識到一個新的朋友. 有意外的驚喜.