Wednesday, 3 April 2013

沒有階段

頭先收到個 email, 難得有人喺度留 comment, 話: "睇黎你係新人生階段新開始, 所以放底呢度, 移去面書."


其實我唔覺自己人生分咩階段, 而家講嘢做嘢都同中學時期差唔得幾遠 (係件壞事), 少嚟呢邊寫blog, 純粹係因為我個人少用腦, 尤其是好少用心諗一尐關於自己o既事情, 連腦都唔用, 就自然冇咩嘢好寫, 而事實上亦冇咩好諗, 諗完都係咁上下, 我年紀唔算好大, 34歲, 不過事業同人生都係咁上下, 都唔望可以有乜良好轉變. 其實都唔可以話"移去面書", 因為其實我都好少喺facebook post自己嘢, 大不了就post下睇過乜戲或聽過乜歌特別有印象, 只係尐冇乜內容o既垃圾資訊.


如果有人問, 最近如何, 其實亦冇乜可以分享, 都係咁上下, 唯一感覺係好悶. 唔係冇嘢玩或者冇街出嗰種好悶, 而係無論做乜嘢都覺得冇乜意思嗰種悶法.

6 comments:

Cheung said...

"唔係冇嘢玩或者冇街出嗰種好悶,而係無論做乜嘢都覺得冇乜意思嗰種悶法" <-- 我居然明!而我又係34!

sanette sweet said...

唔係冇嘢玩或者冇街出嗰種好悶,而係無論做乜嘢都覺得冇乜意思嗰種悶法" <-- 我居然都明!

諗長少少都不敢~ 很忙但很悶

Beryl said...

"唔係冇嘢玩或者冇街出嗰種好悶,而係無論做乜嘢都覺得冇乜意思嗰種悶法" <--我居然都會明,我諗吳宗文都明,所以佢用心良苦寫篇咁既野,等howtindog冇咁悶。

Anonymous said...

戒毒機構果單係真料, 我N年前做過一間O字頭既. 都係有好多衰野, 講其中一單: 得到正苦FUNDING之後, 即刻召自己個仔返黎坐第二把高位, 佢唔洗做, 但會收勁高人工, 會美其名應酬出公數去据扒食鮑魚魚翅飲靚酒&召妓. 當然d單會被會計部受壓下美化成合理支出啦.
我明白call-in個女仔既氣憤.

Anonymous said...

我唔知我明唔明你個種悶法。但我都覺得無論做乜嘢都冇乜意思。

以前會覺得改變世界好有意義。依家覺得有啲嘢係唔會改變。就算真係改變得到又如何。人生或者可以勉強加個意義落去。但好似自己呃自己去自我感覺良好。

冇方向,冇動力。好奢侈咁講,做每件事都唔知為乜。唔係講笑,每年我都好期待E3,等自己好似有啲嘢去期待吓。依家等緊Dark Souls II。

依家我最想知道嘅,係我應該問邊個問題。隨緣喇。唔隨緣嘅話我都唔知可以點。

衷心希望大家過得比我好。

Anonymous said...

"以前會覺得改變世界好有意義。依家覺得有啲嘢係唔會改變。"

我都有咁樣既感慨, 不過,聖經裏講到明,世上無新事(e.g.奴隸制無停止過,現代只不過係用所謂的文明法律去包裝同掩飾同欺騙).耶穌都講"挪亞的日子怎樣,人子降臨也要怎樣", 所以愈是近末後的日子, 愈會像挪亞那時的社會般--無法無天不放神於眼內地任意放縱情緒欲望. 所以我對人類社會係唔會有妄想既.始終咩呀咩呀左手右手唔識分或懶得分既羊佔大大大部份.

that's why 耶穌教我們要:"忍耐到底"
堅持所信的所託付的繼續去遵行--那怕是要逆流而行.

因為逆流,所以會好倦好辛苦,而且好像沒吋進(學日本仔話齋:無"即時"xx),不期然會覺得沒意義.

but your effort is witnessing by God and all other people around you. you'll never know what will come out of that at when.

祝福大家稍休後重新得力去抬頭時,見到雲柱火柱.