Friday 14 September 2012

教書

隔o左應該有超過一年後, 尋晚又開始教書了, 今次教科o野叫做"Biblical Interpretation". 不過之前教書o個時, 我仲做緊 part-time, 教書o個日根本唔使返工, 而家就要返工返到六點, 之後立即飛車去Surrey教書, 教到十點又楂車返屋企, 真係覺得好攰好辛苦. 以前o係同一間學校教, 每一科都係得六堂, 今次唔知點解加到七堂, 即係仲有六個星期挨, 差唔多成兩個月.

除o左攰之外, 我覺得成班只有三個學生都好麻煩, 真係小班教學, 唔係講笑. 呢間學校真係好水皮, 發展o左成年, 學生人數仲少過我之前教緊o個陣. 好明顯佢係搵唔到其他人想教先叫我, 個校長都唔知我咩料, 我要講o野, 大把人想聽啦, 下次我一定會坐地起價, 唔係等佢以為咁過癮.

不過, 雖然好辛苦, 又教得冇癮, 不過我知道係值得的. 因為我人工係每小時$40, 每堂三個鐘, 一共七堂, 即係教一科咁o野會有$840, 夠我去旅行, 見我想見o既人或者做我想做o既o野. 嗯, 咬緊牙關頂埋佢.

3 comments:

Anonymous said...

呢3個學生有福喇.
你都成日話ga ma, 人數唔係最重要.

May God bless you all to bless others.

Anonymous said...

"我本身已經養份不足, 但係好出奇地, 竟然仲有人將我當成寄主植物, 諗住o係我身上得到養份"

quote 左你另一篇文中呢幾句話.
係架, 世事往往就係咁ironical 架. 有時係咁既情況下, 見到俾你自己更弱既, 可能你會發現原來自己都未係最差既情況, 可以分少少出去; 又可能, 你會發現, 咦, 唔掂啦喂. 但唔想眼見更弱果個死係自己眼前, 所以你會半情願半不情願咁伸d根去水源, 令大家係咁惡劣既情況下起碼都死唔去住, 繼續一齊忍耐支持落去; 當然都有可能係, 最後撐唔住, 大家一齊byebye. 呀, 仲有, 自己頂唔住, 伸開弱果個叫佢死遠d.

係囉, 人人都係遇到呢d咁既考驗. 呢幾個可能性, 自己呢時呢刻會做邊個, 自己都未必肯定到. 真係唯有當時當刻盡心盡意盡性架咋(係係係, 我知自己今日盡到盡都係得dd. 但盡就係盡啦嘛, 寡婦兩個小錢都係錢, 神都悅納格)[oh, 開始有d golum上身添].

都明白你需要吐呢啖苦水. 吐完, 散曬軟lai lai, 去聖經度飲返d井水溪水浪浪口會舒服d. 世上除左d有母愛既亞媽(有好多係無架), 只有 神唔會嫌棄自己面青骨瘦口酸臭. 浪完口, 若有需要, 都可以直接恭敬or撒嬌or撒野地同神講數. 舊約d人同神講數既都係會得著數. 因此, 我祝願你唔放手, 捉住神係咁講數落去, 直到得心服得祝福.

Anonymous said...

hello, 又係我呢個anonymous. 好耐無黎呢度(睇黎你係新人生階段新開始, 所以放底呢度, 移去面書). 不過keep住有睇youtube d 片. 見到你一路有發聲,糾正其他人既與基督教導有出入既謬誤"宣傳", 真高興.

岩岩聽完4月1日果段, 都明白你想表達咩野. 慬慎係好架. 舊時有人想推耶穌出黎擺佢上枱做leader推翻政權,佢都係閃. 佢只堅持把握時間去向大眾解說正道.
適當時候做適當既野, 正途.

快清明節, 不如你講下 死 吖. 近年愈來愈多人自殺, 坊間d人成日話:唔信教/自殺就"必定"落地獄.成日咁凶人,搞到d人好反感. 但其實聖經入面耶穌好似無咁既statement架喎. 佢只係強調"信者得救"之嘛. 唔信既會點, 係個open ending黎, 啟示錄話要等神查數簿審過至知架喎. 係唔係?

God bless you.