Friday 14 September 2012

教書

隔o左應該有超過一年後, 尋晚又開始教書了, 今次教科o野叫做"Biblical Interpretation". 不過之前教書o個時, 我仲做緊 part-time, 教書o個日根本唔使返工, 而家就要返工返到六點, 之後立即飛車去Surrey教書, 教到十點又楂車返屋企, 真係覺得好攰好辛苦. 以前o係同一間學校教, 每一科都係得六堂, 今次唔知點解加到七堂, 即係仲有六個星期挨, 差唔多成兩個月.

除o左攰之外, 我覺得成班只有三個學生都好麻煩, 真係小班教學, 唔係講笑. 呢間學校真係好水皮, 發展o左成年, 學生人數仲少過我之前教緊o個陣. 好明顯佢係搵唔到其他人想教先叫我, 個校長都唔知我咩料, 我要講o野, 大把人想聽啦, 下次我一定會坐地起價, 唔係等佢以為咁過癮.

不過, 雖然好辛苦, 又教得冇癮, 不過我知道係值得的. 因為我人工係每小時$40, 每堂三個鐘, 一共七堂, 即係教一科咁o野會有$840, 夠我去旅行, 見我想見o既人或者做我想做o既o野. 嗯, 咬緊牙關頂埋佢.

Thursday 13 September 2012

100,000



今日係特別日子. 第一次有條片過100,000. 不過由於係唔用腦求其錄嚟滿足下朋友要求o既膠片, 所以嚴格上嚟講今次唔算數.不過都值得留個紀念.