Thursday, 5 July 2012

God & Sex



妹仔,

總算o係新屋住穩定了, 成個星期冇見你, 雖然知道要習慣, 但係感覺好掛住, 有時你o係房入面睇電視睇到大笑, d 笑聲飄到出廳, 好懷念. 嗯, 過兩日約你出o黎食下飯, 希望到時你會答應.

呀, 之前你間分店聖誕o個時生意好, 贏o左張 Chapters o既$50禮卡, 碰巧今個周末有個網上節目叫"上床落床"叫我做嘉賓, 但由於我實是冇料之人, 所以拿拿臨去買本 Michael Coogan o既 God & Sex o黎睇, 聽講唔錯的, 同埋夠薄, 適合我睇, 因為最近都好懶睇書.

同埋有間我之前成日去講o野o既教會突然叫我7月22日去講o野, 本來都好急, 唔係咁想, 但係個牧師對我唔錯, 冇評擊過我衣著, 仲成日 keep 住請我去, 所以都答應o左, 希望呢一兩個星期之內可以敲定想講乜o野, 都唔容易諗的, 要靠多少運氣. 同埋我 feel 到佢想請我去佢教會做o野, 但係我唔相信佢同埋佢教會 d 人會想請個將會搞離婚o既人做傳道, 我諗我會寫封 email 俾佢, 話佢知佢唔會想請我的. 你都知我份人, 我 d o野唔係好收得埋的, 我會感覺辛苦.