Tuesday, 12 June 2012

Prometheus

妹仔, 

唔知係咪受天氣影響, 早兩日心情開始變好一點, 今日又明顯感覺變差, 好辛苦. 你就真係嘆, o係我地屋企唔使郁, 而我就要周圍搵屋搬, 好在call返以前包租婆, 佢剛好有個studio空o左, 所以我又去返以前我地舊屋o個度, 租金好鬼貴, 不過間o野難得地好乾淨. 只不過一年半前, 我地由舊屋搬去而家我地自己屋企, 當時我地幾開心, 有自己地方, 你可以玩裝修, 將間o野轉色, 搬o野就一齊搬; 而家就我自己搞掂, 淨係搬書都搬到仆街, 諗起都覺得難過. 不過你想我為你做o既, 我都一定會盡力完成. 

剛剛星期六我自己去睇戲, Prometheus, 係你最唔鍾意睇o既異形系列. 我覺得都唔錯, 雖然冇頭兩集咁正, 但係都相當有水準, 有故事, 世界觀明確, 懸疑feel唔錯, 唯一我覺得唔好係過程未夠緊湊, 班主角出入個神秘山洞幾次, 下下都自出自入, 無驚無險就去到目的地, 唔會為佢地安危覺得肉緊. 故事講一班人去尋找"造物主", 去搵"神", 問題係佢地搵到之後發覺個神原來係奸角o黎, 而且冇料到. 都係一 d 相當有趣o既探討, 對某 d 人而言, 最逼切o既問題唔係有神定冇神, 而係有又如何? 據說我地都係信徒, 而家咪又係搞成咁. Where's the difference?