Saturday, 5 September 2009

The Final Destination



上個星期五去睇黃毓民"尋找不該的故事"個 show, 星期六就出去睇 The Final Destination. 我同妹仔一向都好鍾意呢個系列, 我覺得第一同第三集都好睇, 第二集都唔錯, 但係個 feel 太過血腥, 反而缺少咗呢個系列本身就有o既驚嚇氣氛.

到第四集, 導演就係第二集嗰個, 所以我未睇就有少少戒心. 呢一集故事都係差唔多, 不過有 3D 畫面, 所以有另有其吸引處. 論畫面, 3D 運用得好好, 不斷有嘢飛向觀眾, 睇得好過癮. 但係, 可能由於導演關係, 呢集恐怖氣氛並不濃烈, 主要係因為好多死人場面都太過血腥, 成日飛晒 d 內臟出嚟, 有令人失笑o既程度, 反而減低咗影片故事肅殺氣氛. 所以感覺上其實似動作片仲多過似恐怖片. 而另一個問題係, Final Destination 系列最吸引人就係 d 人都死得好 creative, 但係呢集就麻麻地, 冇乜心思.

總結: 因為有 3D, 娛樂性十足, 但係作為 Final Destination fan, 就覺得有多少失望. 搵第二集個導演嚟拍係一個錯誤o既決定, 搵返第一/三集個 James Wong 咪好囉.

0 comments: