終於玩到一個我覺得好玩, 又玩到爆機o既 wii game. 而夠吊詭o既係, 呢隻 game 冇北美版本, 只有日本版同歐洲版, wii 真係好痴線, 年中出咁多爛 game, 但係偏偏呢隻喺 wii 入面算中上o既就唔出, 同 Fatal Frame 4 一樣, 唔知佢想點. 可能佢地覺得唔夠低B o既 game 喺北美會賣得唔好, 辣塊媽媽, wii 真不是人玩的.
呢隻 game 好難講係咩類型, 因為乜都有 d, 有 platform, 有射擊, 又有開車, 其實無論咩類型都唔算特別好玩, 亦由頭到尾都好易玩. 但係角色同故事我都幾鍾意, 好有荷里活電影 feel, 又有恐怖分子, 又有天災人禍, 又有個女仔要救, 雖然好多嘢係誇張到痺, 但係一隻 game o既故事, 真係冇乜所謂, 過癮就夠, 所以令我有足夠動力玩到最後爆機. 其實個結尾好明顯係指向有第二集, 可惜第一集連喺北美都出唔到, 睇怕唔會有第二集.
No comments:
Post a Comment