inFAMOUS

早兩個禮拜爆咗 PS3 上o既一隻新 game, 叫 inFAMOUS. 我屋企有好多 game, 多數都係冇玩到尾, 而呢隻會玩到爆機, 就證明其實我都幾鍾意玩. 畫面, 音樂, 玩法, 同故事我都覺得好好, 玩到尾嗰時, 覺得非常期待下一集, 想知道故事發展落去會點.

玩法有 d 似 GTA, 你可以去邊都得, 做乜都得, 你有超能力, 可以控制電. 玩法我覺得同 Prototype 好相似, 不過畫面靚好多, 故事同角色亦有趣好多. 唯一唔好係 d mission 唔夠多元, 好多重複. 喺我心目中, 喺 PS3 上面o既最愛依然係 Uncharted 同 MGS4, 但係呢隻亦唔錯, 絕對玩得過.