頭先出街睇咗呢齣戲. 其實我都好少會出街俾錢睇戲, 不過今次破例, 主要有兩個原因. 一, Clive Owen 同 Naomi Watts 我都好鍾意, 男o既我覺得極型, 女o既我覺得勁靚. 二, 今次係教會有個朋友叫 Ed 同佢老婆 Esther 叫我一齊去.
齣戲我覺得都唔錯, 由開始就已經 keep 住幾緊張, 不斷有人死, 兩個主角一路追住線索查落去, 係相當唔錯o既 thriller. 動作場面亦比我相像中好, 有一場喺 museum 俾人追殺, 我就覺得拍得幾刺激. 不過去到臨尾開始節制變慢, 好多口水, 同埋 Naomi Watts 突然唔再參與故事, 亦好突兀, 最後一段冇靚女睇亦係一個遺憾. 總括嚟講, 其實我覺得呢齣戲相當唔錯, 可惜尾段乏力, 張力 keep 唔到尾.
至於阿 Ed, 佢都算係個老人家, 又係教會長老, 通常呢類人我都唔係好鍾意. 但係佢唔同, 我好鍾意佢, 因為佢份人冇大冇細, 又非常 open-minded, 所以我好鍾意同佢傾計. 非常期待再同佢出去玩.
No comments:
Post a Comment