Saturday 7 June 2008

"Purity and Danger" 與 "師生戀"



Mary Douglas, Purity and Danger: An Analysis of the Concepts of Pollution and Taboo.

由於近日師生戀/性o既新聞, 令我想起幾年前睇過o既呢本書. Mary Douglas 係一個非常重要o既人類學學者, 同我專注o既聖經研究無關, 本來唔係我會睇o既書, 但係其中有講到猶太人律法, 所以我都有粗略睇過下. 雖然係 1966 年o既書, 但係入面講到人類對不潔同禁忌概念o既型成我覺得都 make sense.

正如個書名交代, o係呢本書入面佢係講 pollution 同 taboo o既概念如何型成. 不論任何民族, 任何時候, 都有"不潔"o既概念. 但係點解人類會指定一 d 物件, 或人, 或事係"不潔"/"禁忌"呢? 例如, 舊約聖經入面話豬係不潔, 但係點解係豬而唔係牛或其他動物呢? 一個好多人講o既答案係"不潔"同"衛生"有關; 例如, 人類覺得狗屎係不潔, 因為食屎會令人生病. 呢個解釋o既問題在於"衛生"係一個相當現代o既概念. 以前 d 人根本唔知乜係細菌或病毒之類, 但係一樣有不潔o既概念.

Mary Douglas o既見解係, 人類會認定一 d 人/事/物為不潔, 唔係因為o個 d o野有菌唔乾淨, 而係因為o個 d o野不能被分類, 出現o係佢地唔應該出現o既地方. 例如, 一隻新o既波鞋, 放o係一堆鞋中間佢就非常乾淨, 但係放o係雪櫃入面同 d 食物放埋一齊, 就會令見到o既人覺得"污糟". 一張紙巾平平放o係度就係乾淨, 但係"拿"埋一舊, 人睇到就會覺得污糟, 幻想其實入面包住鼻涕之類. 口水鼻涕屎尿屁都一樣, 放o係人體內就冇人會覺得污糟, 但係呢 d 本應o係體內o既o野一但越過身體o既界線, 就會令人產生厭惡感. 你睇 fear factor, o個 d 人食蟲食蚯蚓會食到嘔, 唔係因為佢地覺得 d 蟲/蚯蚓好多病菌, 驚會事後生病, 而係因為佢地認為蟲並唔係紅肉/白肉/海產/蔬果, 係佢地餐單中常見分類中以外o既生物, 所以會覺得厭惡. 未結婚就大肚o既女仔會令人覺得不潔, 唔係因為佢有病, 而係因為佢唔係人地老婆, 但係會變成人地媽媽, 係一個難以分類o既人. 至於性行為, 係兩人越過身體多條界線o既行為, 所以傳統上亦被視為不潔, 甚至羞恥o既行為.

我覺得 Mary Douglas o既解釋都幾聰明. 當然唔係一個可以解釋所有人類行為同概念型成o既學說, 但係都解釋到好多o野.

咁師生戀呢? 點解 d 人咁討厭師生戀/性呢? 我覺得o係呢個 case, Douglas o既解釋係適用. 老師就係老師, 學生就係學生, 當老師變成情人, 當學生變成性伴侶, 呢兩個人就變成不能被分類o既人, 佢地o既身份就變成"不潔", 佢地o既行為就變成"禁忌". 所以呢個可能唔係道德o既問題, 當然亦唔係法律o既問題, 而係 perception o既問題. 旁觀者睇唔慣不能分類o既人/事/物, 所以就主觀地將呢 d 人/事/物扣上"不潔"o既帽子. 不過, 我地又點可以因為自己 perception 覺得唔舒服就去懲罰人地呢?

Friday 6 June 2008

師生戀/性, 又如何?

==========================================
陳樹渠師生校內交歡 教局斥校方遲通知 2008年6月7日

【明報專訊】九龍塘陳樹渠紀念中學爆出師生在校園做愛醜聞,事件引起各界嘩然。據悉涉事的30歲男教師曾獲「行政長官卓越教學獎」,因相貌俊朗而頗受女生歡迎,與16歲中五女生最少四度越軌,包括3次在校內的多用途室性交,另一次則在女生家中親熱。校方昨日承認確有其事,但認為是否報警要視乎家長意願。教育局則發聲明稱對事件非常關注,並以強硬字眼抨擊校方未有即時通知區域教育服務處,已要求校方全面調查及提交報告。

陳樹渠紀念中學校長許婉芳昨召開記者會表示,校方於6月3日獲悉有教師涉嫌在校內與學生做愛,當日下午已把該教師停職,並向教育局報告。由於該女生已年滿16歲,校方與女生家長會面後,認為是否報警應交由家長決定。警方表示,昨日已就事件派員到學校了解,並呼籲校方有需要時可以報案,以便警方提供協助,但該校回應稱毋須報警。

......

教育局表示,一般而言,學校可考慮把涉嫌干犯刑事案教師停職,若被定罪,則要按個別情況再考慮是否取消教師資格。即使教師沒有犯刑事罪,但當局認為他並非適合或適當教師人選,亦可根據《教育條例》取消其註冊。

......

據悉,女生4天前生日,現已屆17歲,她在網上相簿放有多幅與涉案教師的校內合照,但相中沒有親密舉動,其網誌多番透露陷入苦戀,稱「我開始懷疑愛上你呢個決定係唔係錯誤」,但從未提及愛侶的名字。女生近日把越軌心事向旁人透露,消息愈傳愈廣下終被揭破這段有違道德的師生關係

事件曝光,不少教育界人士認為該教師違反教師操守,在校內與女生發生關係,對學生影響嚴重。該校有學生在網上留言,稱「我好難過,曾經疼惜我的老師……怎麼會這樣?對這位老師很失望」。
==========================================
戀 愛 大 過 天 ?

......

協 會 長 張 文 光 指 出 , 由 於 有 爭 議 該 女 生 未 滿 16 歲 時 是 否 曾 與 男 師 發 生 過 性 關 係 , 校 方 應 報 警 調 查 , 而 不 應 自 行 裁 決 。 雖 然 目 前 沒 有 明 文 禁 止 師 生 戀 , 不 過 他 指 出 , 育 人 員 專 業 操 守 議 會 規 定 師 不 能 用 自 己 的 地 位 , 與 學 生 發 生 不 適 當 行 為 , 所 以 即 使 女 生 發 生 性 行 為 時 已 年 滿 16 歲 , 校 方 也 有 責 任 向 育 局 及 操 守 議 會 舉 報 , 以 便 進 行 調 查 , 一 旦 屬 實 , 可 吊 銷 其 教 師 執 照 , 防 止 再 犯 。

......

資 料 來 源 : 《 蘋 果 》 資 料 室
==========================================

除o左o係學校度未經校方同意, 用o左佢地 d 設施但係又冇俾返開房錢之外, 我真係唔明呢段師生戀/性有乜唔妥. 底線係, 個女仔係成年o既, 咁 d 人o係度考慮報乜警呢? 你答我, 點解唔可以接受師生戀/性? 報導用到"越軌"呢個字眼, 到底越o左乜軌呢? 又有講到呢段關係"有違道德", 到底如何有違道德呢? 張文光仲搞笑, 既然"沒有明文禁止師生戀", 咁你又有乜依據吊銷人地教師執照呢? "防止再犯"? 有乜o野錯, 要去防止? 既然係要防止, 咁你解釋俾我聽, 點解唔明文禁止呢?

呢段關係冇法律問題, 所以呢 d 人就一味o係度用埋 d 道德字眼扣人帽子, 但係其實只係一堆背後意義含糊不明o既 terms. 金庸本"神鵰俠侶"講o既師生戀唔單止o係宋朝不被禮教所容, 事實證明, 今日亦一樣冇變過, 成班明門正派o係度蝦人. 其中做學生o既楊過, 如果我冇記錯, o係英雄大會o個時應該都係十七、八歲咁上下.

Thursday 5 June 2008

mihimaru GT: mihimarise



mihimaru 最近幾張細碟水準都只係一般, 所以本來對今次大碟都期望不大, 點知水準突然提高, 係 mihimaru 復活之作. 有幾首歌已經o係 single 上面出過, 但係亦有好多全新o既歌, 其中我最鍾意 Love Sick, Alive, 同埋 Birthday Song. 亦有一隻新o既 theme song, 不過上隻大碟o既 theme song 好聽 d, 唔知今次 hiroko 現場會唔會用大聲公唱.

Tuesday 3 June 2008

Mission Accomplished

Woohoo, believe it or not, I survived my presentation! It actually went much better than I had expected. I consider myself a pretty good presenter, so I never worried about my presentation. What I get nervous about is the Q&A session that follows. My presentation was on the connection between the Aqedah and New Testament Christology. I feel quite confident to handle questions regarding Jewish texts, but NT questions are a big "no no" to me. On top of that, my current advisors Eileen Schuller and Annette Reed, as well as my former teachers Martin Abegg and Dirk Buchner were there to see me present, which of course made me extra nervous.

Fortunately, it turned to be a rather unpopulated session, about 15 people, and questions from the audience happened to be those that I can handle pretty well, and that made me look smarter than I really am. I wish this is the official end to my streak of bad luck. Anyway, I'll give a fuller report on my trip when I get home tomorrow.