過去幾個月, 我每一次開部 PSP 就係玩呢隻 RPG, 係風之軌跡三部曲o既第一集, 我玩嗰個係中文版本, PSP 真係好正. 但係我喺屋企係唔會開, 而係坐車呀, 出街食嘢等人 serve 呀, 等巴士呀, 每逢有少少空閒時間就開嚟玩, 上個禮拜終於爆機. 其實呢隻唔算係好出色o既 RPG, 故事太過簡單, 不過至少兩個主角都算係討喜, 兩個之間互動亦足夠. 不過個故事去到結局, 突然之間變得極為有趣, 非常有 feel, 此乃多得之前編故事嗰個人俾足夠空間去處理兩個主角之間關係. 老實講, 呢隻 game 玩到近尾, 我都開始覺得有 d 悶, 太過重複. 但係一睇完個結局, 我就立即開始玩第二集, 因為呢個三部曲故事有趣o既地方係喺第一集完結時才開始.
剛開始玩第二集, so far 似乎各方面都比第一集要優勝, 故事同角色都幾吸引, 我對佢期望都幾高.
No comments:
Post a Comment