Wednesday, 3 December 2008

COSA 2008



呢排好多嘢做, 所以都唔得閒打嘢, 其實有件事好值得記念, 應該留個記錄. 每年都有樣嘢叫 COSA, 頒獎俾 d beauty advisor, 今年妹仔有份. 所以有得免費喺多倫多間 Fairmont Royal York 酒店住三日, 攞獎嗰晚有餐食, 又有人車我地去, 車我地走. 非常頂癮. 上面呢張相就係喺酒店入面影, 攞獎亦係喺酒店入面其中一個大廳, 妹仔當晚就係著呢套衫.



我地坐嗰張枱, 先食飯, 之後先係頒獎環節. 主菜係隻大雞脾, 入面冇骨, 但係就放滿 d 唔知乜嘢. 我覺得都幾好食, 不過妹仔就話麻麻地.



妹仔上台攞獎嗰刻. 主辦單位係本雜誌, 佢地將個頒獎禮整埋 DVD, 尋日妹仔已經收到, 我就未得閒睇. 妹仔 d 朋友如果八卦想要返隻, 話過我知.



呢個係張證書同個獎座. 仲有 $1000, 一枝 silver pin, 同埋一個旅行喼, 入面裝滿女仔用品. 唔計錢, 我覺得最實用係個喼, 因為我之前都有諗過不如買個喼, 而家唔使.



呢張相係由酒店房望出街, 喺多倫多 downtown, 對面街就係 Union Station.



其中一晚我地出去食飯, 因為我有個朋友話有間韓國燒烤好食, 又唔貴. 我地去咗, 我都覺得好食.

0 comments: